20

O Le a Ou Faaaloalo

Folasaga mo le Faiaoga

Ina ia e saunia faaleagaga e aoao atu lenei lesona, faamolemole ia faitau ma mafaufau loloto i mea nei:

O le migao o se uiga faaalia o le loloto o le faaaloalo ma le alofa mo le Tama Faalelagi ma Iesu Keriso. E sili atu le taua nai lo le na o le filemu ma nofo e le migoi i le taimi o se lesona, e ui lava o lo tatou migao e masani ona aliali mai ia tatou amioga i le lotu ma isi nofoaga paia. A o tatou taumafai ina ia faateleina lo tatou migao, o le a malosi atu lo tatou lagonaina o le uunaiga a le Agaga Paia i o tatou olaga. (Tagai MFF 63:64; 84:54; 109:21.)

Gaoioiga e Aoao Ai

Amata i se gaoioiga faapotopoto. Mo manatu, tagai i le itulau 3.

Tatalo

Valaaulia se tamaitiiti e faia le tatalo amata.

Ata

Faaali atu le ata o i le itulau 86. Ta’u i tamaiti o le aiga lea o loo i le lotu ma o loo migao i latou. Valaaulia tamaiti e fai mai “migao.” Faamalamalama atu o le migao o lona uiga o le mafaufau filemu i le Tama Faalelagi ma Iesu Keriso. Faailoa atu mea o loo faia e le aiga i le ata e faaali mai ai o loo migao i latou. Ia taulai faapitoa atu i tamaiti o i le ata.

reverent family at church

Faataitaiga

Fesoasoani i tamaiti ia malamalama a tatou o mai i le lotu e mafai ona tatou faaali atu lo tatou alofa mo le Tama Faalelagi ma Iesu e ala i lo tatou migao. Faamatala atu nisi o auala tatou te faaali atu ai lo tatou migao i le lotu, ma faataitai le faiga o ia auala faatasi ma tamaiti. Mo se faataitaiga:

• Tatou te tautatala i leo filemu. (Faataitai le tautala filemu)

• Tatou te savavali i vae filemu. (Faataitai le savali filemu)

• Tatou te nonofo filemu. (Faataitai le nofo filemu)

• Tatou te faalogo i o tatou faiaoga. (faaofuofu le lima i le taliga )

• Tatou te mafaufau ia Iesu. (tusi i le ulu)

Pese

Faamalamalama atu o se isi auala e faaali atu ai lo tatou migao o le usuina lea o pese migao. Usu pe fai atu upu o le pese “O Le a Ou Taumafai ia Faaaloalo” (Tusipese a Tamaiti, 13) ma fai ia taga o loo i lalo. Valaaulia tamaiti tou te faia faatasi

Ou te alofa i, (tuu le lima i luga o le fatu)

Lo’u Tama oi luga (tusi i le lagi)

Ia ou filemu pea. (tuu le tamatamai lima i laugutu)

I ona falesa. (tuu faatasi tamatamai lima e faia ai se fale)

Faaiuga

Faamalo i tamaiti mo le migao. Faamalamalama i ai o nei mea e fesoasoani ia i tatou ma i latou o e siomia i tatou e mafaufau ai i le Tama Faalelagi ma Iesu. Fai i tamaiti e fai mai, “O Le a Ou Migao.” Valaaulia i latou ia migao nei.

Tatalo

Ta’u i tamaiti ua oo i le taimi o le tatalo faaiu. Fesili atu, “E faapefea ona tatou migao i le taimi o le tatalo?” Fesoasoani ia i latou e faataitai le piilima o o latou lima, punonou o latou ulu, ma le moeiini o o latou mata ao e faia le tatalo. Faamanatu i tamaiti o le faia o ia mea e fesoasoani ia i tatou e faailoa atu ai i le Tama Faalelagi ma Iesu tatou te alolofa ia i Laua. Vivii i latou mo le faaalia o le migao.

Motugaafa Faafaiaoga

Faaaloalo: “Mafaufau i nai mea laiti e mafai ona fai e faamanatu atu ai [i tamaiti] ia faaaloalo. E mafai ona e toe aumaia se agaga o le faaaloalo e ala lea i le usuina lemu po o le hamuina o se pese faaaloalo, faaali atu o se ata, po o le faaaogaina o se faailoga i lima e iloa ai e tamaiti o se faamanatu lena ia faaaloalo.

“Ia manatua e matuai faigata lava i tamaiti ona nonofo mo ni taimi uumi. Fesoasoani i tamaiti ina ia faalogo ma auai ma le atoatoa i le faatinoina o mea e fai i lesona. Tuu atu i ai nai taimi pupuu e malolo ai.” (O Le Aoao Atu, E Leai Se Isi Valaauga e Sili Ai, 90).

Fasi fuaiupu e fai soo: O nisi tamaiti atonu e le faataitaia mai fasi fuaiupu pe a e faia. E leai se mea o i ai. O le a latou aoao pea i le vaavaai ma le faalogologo ia te oe ma isi tamaiti.

Gaoioiga e Filifili Ai

Sauniuniga

• Mo le gaoioiga i le tusi susue: Kopi le ata tusi o i le itulau 87; valivali pe a manao ai. Oti i luga o le laina solo atoa ia faia ai ni pito se lua. Gagau pito ia e lua ia ufiufi ai le ata.

  coloring page, reverence flip book

  E moeiini o’u mata ma punou lo’u ulu

  ma piilima o’u lima a o faia le tatalo.

• Mo le gaoioiga valivali: Kopi le ata tusi o i le itulau 87 mo tamaiti taitoatasi e valivali. Oti i luga o le laina solo atoa ia faia ai tusi susue mo tamaiti.

  flip book diagram

Tusi susue

Uu i luga le ata tusi na e saunia, faatasi ai ma pito e lua o loo ufiufiina le ata. Ta’u i tamaiti o le a e faaalia atu ia i latou ni ata e faailoa mai ai ia i tatou le auala e migao ai i le taimi o se tatalo. Susu’e le pito i luga ma faitau upu o loo i le itu i totonu o le pito lea. Fai le mea lea e tasi i le pito i lalo. Toe fai le gaoioiga, i le taimi la lea ia valaaulia tamaiti e faataitai ona punonou o latou ulu, moeiini o latou mata, ma piilima o latou lima.

Fuaiupu o Gaoioiga

Tauloto le fuaiupu lea ma valaaulia tamaiti tou te faia faatasi:

Tatala lima, tapuni; (tatala ma tapuni lima)

Tatala lima, tapuni; (tatala ma tapuni lima)

Patipati laitiiti mai. (patipati lima)

Tatala lima, tapuni; (tatala ma tapuni lima)

Tatala lima, tapuni; (tatala ma tapuni lima)

Tuu lima i luga o vae (tuu faatasi lima i luga o vae)

Valivali

Ia valivali e tamaiti se kopi o le tusi susue na e saunia mo i latou.

Motugaafa Faafaiaoga

Vivii: “Aua nei e faia ni taui o amioga faaaloalo pe taui foi i ni meaai. Aua nei faia ni tauvaga e iloa ai po o ai e mafai ona sili atu ona faaaloalo. O nei faiga e taulai atu ai i mea sese. Ia aoao atu e uiga i taui moni lava o le faaaloalo, e pei o le faateleina o le malamalama ma le malosi o le faatasi mai o le Agaga” (O Le Aoao Atu, E Leai Se Isi Valaauga e Sili Ai, 90). Ia faaleo atu le viia o tamaiti pe a latou faaalia le faaaloalo; mo se faataitaiga: “Ou te fiafia lava i le auala o loo nofo faaaloalo ai Mele. Faafetai lava, Mele.”

Valivali: A o valivali tamaiti, toe faamanatu mataupu faavae na aoaoina i le lesona. Faasino i vaega o le ata, ma faamalamalama ia i latou ata o loo latou valivalia. Faitau atu ia i latou upu o i le ata.