Punaoa Faaopoopo mo le Aoaoina o Tamaiti
Lesona 22: Ua Aoao Mai le Tusi a Mamona ia te A’u e Uiga ia Iesu Keriso

22

Ua Aoao Mai le Tusi a Mamona ia te A’u e Uiga ia Iesu Keriso

Folasaga mo le Faiaoga

Ina ia e saunia faaleagaga e aoao atu lenei lesona, faamolemole ia faitau ma mafaufau loloto i mea nei:

O le Tusi a Mamona o se molimau mamana ia Iesu Keriso. O loo i ai molimau a perofeta anamua o e na muai vaai i Lona afio mai ma malamalama i Lana misiona. O loo i ai foi se tala i Lana asiasiga i Amerika ina ua faatoa maea lava Lona Toetu (tagai 3 Nifae 11–27). O le faamoemoega autu o le Tusi a Mamona ia faatalitonu ai tagata uma “o Iesu o le Keriso, o le Atua Faavavau, o loo faaali mai o ia i atunuu uma lava” (itulau autu o le Tusi a Mamona; tagai foi 1 Nifae 13:40–41; 2 Nifae 25:26; 33:10–11).

Sauniuniga

  • Faailoga itulau 22, 94, ma le 126 i le tusi lesona lenei ia faigofie ai ona e susue i ai.

  • Aumai se kopi o le Tusi a Mamona.

Gaoioiga e Aoao Ai

Amata i se gaoioiga faapotopoto. Mo manatu, tagai i le itulau 3.

Tatalo

Valaaulia se tamaitiiti e faia le tatalo amata.

Pese

Usu le tali o le “Saili, Mafaufau Loloto, ma Tatalo” (Tusipese a Tamaiti, 66) ma fai ia taga o loo i lalo. Valaaulia tamaiti tou te faia faatasi

Saili, (faafoliga o tatala se tusi) suesue, (tusi i le ulu)

Ma tatalo tauanau. (piilima)

Le Agaga e taitai ai, (tuu le lima i luga o le fatafata)

Ma ou iloa ai mea moni. (tusi i le ulu)

Ata

Uu i luga le Tusi a Mamona. Ta’u i tamaiti, “O le Tusi a Mamona lea. Ua aoao mai le Tusi a Mamona ia i tatou e uiga ia Iesu.” Valaaulia tamaiti e fai mai “Tusi a Mamona.” Susu’e le Tusi a Mamona ma tuu i ou luma.

Faaali atu le ata o le Fanau mai o Iesu (itulau 126) o le tusi lesona lenei). Faasino i le Tusi a Mamona ma ta’u i tamaiti ua aoao mai le Tusi a Mamona na afio mai Iesu Keriso i le lalolagi.

Mary and baby Jesus

Faaali atu le ata o Iesu o loo faamaloloina sa Nifae (itulau 94). Tusi i le Tusi a Mamona ma ta’u i tamaiti ua aoao mai le Tusi a Mamona na faamalolo e Iesu tagata o e na mamai.

Jesus healing the Nephites

Faaali atu le ata o Iesu o loo faamanuiaina tamaiti sa Nifae (itulau 22). Tusi i le Tusi a Mamona ma ta’u i tamaiti ua aoao mai le Tusi a Mamona na faamanuia e Iesu tamaiti.

Jesus with Nephite children

Faaiuga

Fai i tamaiti e fai mai, “Ua aoao mai le Tusi a Mamona ia te a’u e uiga ia Iesu Keriso,” fai auauai ni nai upu i le taimi. Ta’u ia i latou e te iloa e moni le Tusi a Mamona.

Tatalo

Valaaulia se tamaitiiti e faia le tatalo faaiu.

Gaoioiga e Filifili Ai

Sauniuniga

  • Mo le taaloga i taga: Kopi le ata tusi o i le itulau 95. Oti i luga o laina togitogi. Tuu ata i totonu o le taga po o se isi koneteina.

    coloring page, Book of Mormon book

    Ua Aoao Mai le Tusi a Mamona ia te A’u e Uiga ia Iesu Keriso

    Ua aoao mai le Tusi a Mamona na afio mai Iesu i le lalolagi (tagai Alema 7:10–12).

    Ua aoao mai le Tusi a Mamona na faamaloloina e Iesu å mama’i (tagai 3 Nifae 17:7–10).

    Ua aoao mai le Tusi a Mamona na faamanuiaina e Iesu tamaiti (tagai 3 Nifae 17:21–24).

  • Mo le tusi: Fai se kopi o le itulau 95 mo tamaiti taitoatasi e valivali.

    book diagram

Fuaiupu o Gaoioiga

Tauloto le fuaiupu o gaoioiga lea ma valaaulia tamaiti tou te faia faatasi:

Faitau le Tusi a Mamona. (amata o i le tuufaatasi o lima, ona tatala lea e pei o se tusi)

Faitau i aso uma.

A o le i amata aoao (tusi i le ulu)

Aua nei galo ona tatalo. (piilima)

[Terri Clark, “Read the Book of Mormon,” Friend, Mati 2004, 11]

Taaloga i le Taga

Fai i se tamaitiiti e filifili mai se ata tusi mai le taga po o le koneteina. Faitau i tamaiti le faaupuga o i lalo ifo o le ata. Toe fai seia tofu avanoa uma tamaiti o e mananao ai.

Tusi

Ia valivali e tamaiti taitoatasi se kopi o le ata tusi o i le itulau 95. A o valivali i latou, talanoa atu ia i latou e uiga i le ata tusi. Faasino ia Iesu i ata taitasi. A maea, gagau i luga o laina togitogi e fai ai se tusi. Ona faitau atu lea o le tusi i tamaiti.