Lesona-puupuu: O Mai i le Vasega Pepe

Gaoioiga E Aoao Ai

Faafeiloaiga

A sau se tamaitiiti i le vasega pepe mo le uluai taimi, filifili se taimi pe a faatasitasi uma tamaiti (e pei o le taimi o le lesona, meaai mama, po o le musika), ma ta’u i tamaiti le igoa o le tamaitiiti fou. Fai i le tamaitiiti fou ua e fiafia lava ua i ai o ia i le vasega pepe.

Pese

Fai i tamaiti e te manao e usu se pese faapitoa. Usu pe fai atu upu o le “Pese Faatalofa” (Tusipese a Tamaiti, 130) ma fai i tamaiti e fai mai “talofa” pe a e tusi atu ia i latou i le taimi o le pese. Atonu o le a e manao e faataitai lea gaoioiga mo ni nai taimi a o lei usuina.

Talofa! (tusi i tamaiti: “Talofa!”) Talofa! (tusi i tamaiti: “Talofa!”)

Sau tatou fiafia nei. (tusi i tamaiti: “Talofa!”)

Talofa! (tusi i tamaiti: “Talofa!”) Talofa! (tusi i tamaiti: “Talofa!”)

Lelei ua e sau iinei

Ia fiafia i le Peraimeri nei

Ma tatou faamasani lelei.

Talofa! (tusi i tamaiti: “Talofa!”) Talofa! (tusi i tamaiti: “Talofa!”)

Sau tatou fiafia nei.

Faaiuga

Fai atu i le tamaitiiti fou, “[Igoa o le tamaitiiti], ua matou fiafia lava ua e sau i le tatou vasega pepe!”

Motugaafa Faafaiaoga

E ono sau se tamaitiiti i le taimi muamua i le vasega ma le naunautai po o le fefe foi. E ala i le faaali atu o le alofa ma le onosai, e mafai ona tele ni mea e te faia e avea ai le uluai aafiaga a tamaiti taitoatasi i le vasega pepe ma aafiaga fiafia. E sili ona mafanafana tamaiti pe a latou iloa mea o le a tutupu. Ia matua taumafai lava ina ia mulimuli i se faasologa tumau i le vasega. Tuu le avanoa i tamaiti fou e faamasani ai ia te oe, ma isi tamaiti, faapea le siosiomaga.

Afai e manao le tamaitiiti e alu ese mai le vasega ae faatasi atu i ona matua, ia faailoa atu i matua e leai se mea e afaina ai. Valaaulia matua e fai ni tala lelei e uiga i le vasega pepe i le faagasologa o le vaiaso.