1 Nifai 8

Muti weUpenyu

Chiroto chakafemerwa chaRihai

Umwe usiku, Rihai akava nechiroto kubva kuna Ishe. Akaudza mhuri yake pamusoro pezvechiroto chacho.

1 Nifai 8:2–4

Muchiroto chake, Rihai akaona murume aiva nenguo chena. Murume uyu akaudza Rihai kuti amutevere.

1 Nifai 8:5–6

Rihai akaona kuti aiva munzvimbo yaiva nerima isina chinhu. Akafamba kwamaawa mazhinji. Asi rima harina kupera. Pokupedzisira, Rihai akanamatira rubatsiro.

1 Nifai 8:7–8

Apo Rihai paakapedza kunamata, akaona munda mukuru. Mumunda imomo maiva nemuti waiva nemuchero muchena. Rihai akafunga kuti muchero waizomuita kuti afare, saka akaudya. Mweya wake wakazadzwa nomufaro.

1 Nifai 8:9–12

Muchero wainaka kupfuura mimwe michero yose. Waitapira uye wainaka. Rihai aida kuugoverana nemhuri yake. Aiziva kuti waizoita kuti vafarewo. Rihai akaona Saria, Samu, naNifai vakamira parwizi. Vairatidza sevarasika. Rihai akavadaidza neinzwi guru. Akavakumbira kuti vauye uye vazodya muchero.

1 Nifai 8:11–15

Saria, Samu, naNifai vakauya kumuti uye vakadya muchero. Rihai akatsvaga Ramani naRemueri. Aida kuti vanakirwewo nemuchero. Asi vakaramba kuuya kuzodya muchero.

1 Nifai 8:16–18

Zvino Rihai akaona gwara raiva riine danda resimbi raienda kumuti iwoyo. Akaona vanhu vazhinji vachifamba mugwara iroro. Pakarepo, rima gobvu rakauya Rima iri rakaita kuti kuona kunetse. Nzira chete yokusvika nayo kumuti yaiva yokubatirira padanda resimbi.

1 Nifai 8:19–24

Vamwe vanhu vakasiya gwara uye vakarasika. Vamwe vakabatirira padanda resimbi uye vakafambira mberi.

1 Nifai 8:23–24

Pavakasvika pamuti, vakadya muchero.

1 Nifai 8:24

Rihai akatasira mudenga uye akaona chivako chikuru chaiva chakazara vanhu vazhinji. Vaiseka vanhu avo vaidya muchero. Vamwe avo vakadya muchero vakanzwa kurwadziwa apo vamwe pavakavaseka, naizvozvo vakabva pamuti. Vakadzungaira vachienda kure uye vakarasika.

1 Nifai 8:25–28, 31–32

Muchiroto chake, Rihai akaona vamwe vanhu vakawanda vaiva vakabatirira zvakasimba padanda resimbi. Vaifamba kuenda mberi nhambwe nenhambwe kusvikira vasvika pamuti. Zvino vakanopfugama pamuti uye vakadya muchero. Havana kuteerera vanhu vaiva muchivako. Vakasarudza kugara pamuti.

1 Nifai 8:30, 33

Apo Rihai paakamuka, akashushikana pamusoro paRamani naRemueri. Havana kudya muchero wemuchiroto chake. Rihai aida Ramani naRemueri. Aiva netariro yekuti vaizogara pedyo naIshe. Akavakoka kuti vachengete mirairo yaMwari.

1 Nifai 8:36–38