1 Nifai 16

Riahona neUta Hwakatyoka

Kutsvaka rubatsiro rwaIshe

Mhuri dzaRihai naIshmaeri dzakafamba murenje kwemakore mazhinji. Ishe vakavabatsira kupfuura nemumativi arinani enyika. Vaifanira kuvhima nokuunganidza zvokudya nemurwendo rwavo. Rwaiva rwendo rwakaoma.

1 Nifai 16:14; 17:1, 4

Ishe vakavimbisa kutungamirira mhuri idzi kunyika yakanaka kana vakachengeta mirairo. Vaiva vasingazivi kuti nyika yacho vaiyiwana sei, asi Vaizovatungamirira.

1 Nifai 2:20; 10:13; 17:13–14

Rumwe rungwanani, Rihai akashamisika kuwana chibhora chendarira panze petende yake. Chibhora chacho chainzi Riahona. Mukati meRiahona, munongedzo wainongedzera nzira yaifanira kufambwa neboka iri. Dzimwe nguva vaiwana mashoko kubva kuna Ishe akanyorwa paRiahona. Aya ndiwo matungamiriro ayo Ishe avaivaita.

1 Nifai 16:10, 16, 26–29; Aruma 37:38

Rimwe zuva apo Nifai paaivhima, uta hwake hwesimbi hwakatyoka. Mhuri hadzaizokwanisa kuwana zvokudya vasinahwo. Madzikoma aNifai akamushatirirwa iye naIshe.

1 Nifai 16:18–21

Vose vakanga vaneta uye vave nenzara. Vamwe vavo vakasuwa uye vakatsutsumwa. Vaitya kuti vaizofa nenzara. Kunyangwe Rihai akatsutsumwa kuna Ishe.

1 Nifai 16:19–22, 35

Nifai akagadzira uta utsva nemuseve mutsva kubva padanda. Aiva nerutendo kuti Ishe vaizomubatsira kuwana zvokudya.

1 Nifai 16:23

Nifai akabvunza Rihai kwekuenda kunovhima. Rihai akava neurombo kuti aiva atsutsumwa. Akatendeuka uye akakumbira Ishe rubatsiro. Ishe vakataurira Rihai kuti atarise paRiahona. Mashoko aiva akanyora pairi. Mhuri dzakadzidza kuti Riahona yaingoshanda chete apo pavakanga vaine rutendo muna Ishe uye vachiteerera mirairo.

1 Nifai 16:23–29

Ishe dzimwe nguva vaishandura mashoko paRiahona kuvabatsira munzendo dzavo. Riahona yakabatsira Nifai kuziva kwekunovhima. Akaunza zvokudya zvokuti vadye, uye vose vakafara. Vakatendeuka uye vakatenda Ishe.

1 Nifai 16:28–32