1 Nifai 3

Kudzokera kuJerusarema

Rwendo rwokunotora mahwendefa endarira

Mhuri yaRihai naSaria yakafamba murenje. Muchiroto, Ishe vakaudza Rihai pamusoro pemagwaro matsvene akanyorwa pamahwendefa endarira. Murume ainzi Rabani akanga ainawo muJerusarema. Ishe vakati mhuri yaRihai yaifanira kuenda nemahwendefa endarira parwendo rwavo.

1 Nifai 3:1–3, 19–20

Ishe vakaudza Rihai kuti atume vanakomana vake kudzokera kuJerusarema kuti vanotora mahwendefa endarira. Madzikoma aNifai akatsutsumwa. Vakataurira Rihai kuti chaiva chinhu chakaoma kuita. Vaiva vasingadi kuenda.

1 Nifai 3:4–5

Chaiva chiri chinhu chakaomesesa kuita, asi Nifai aida kuteerera. Aiziva kuti Ishe vaizomubatsira namadzikoma ake. Nifai akaudza Rihai kuti aizoenda kuJerusarema uye onotora mahwendefa endarira.

1 Nifai 3:6–8

Ramani, Remueri, Samu, naNifai vakadzokera kuJerusarema. Pavakasvikako, vakasarudza kuti Ramani aizoenda kuimba yaRabani uye onokumbira mahwendefa endarira.

1 Nifai 3:9–11

Apo Ramani paakakumbira mahwendefa endarira, Rabani akamudaidza kuti mbavha. Rabani akati aizouraya Ramani.

1 Nifai 3:11–13

Ramani akatiza uye akaudza vanun’una vake zvakanga zvaitika.

1 Nifai 3:14

Madzikoma nevanun’una komana vana vakasuwa. Ramani, Remueri, naSamu vaida kudzokera kuvabereki vavo murenje, asi Nifai akanga aine zano. Akati vaikwanisa kutengeserana naRabani kuti vatore mahwendefa endarira. Vakadzokera kumba kwavo muguta uye vakanotora goridhe nesirivha ravo rose kuti vatengeserane naRabani.

1 Nifai 3:14–16, 22–24

Pavakaratidza goridhe nesirivha kuna Rabani, akarida rose. Asi aisada zvakadaro kuvapa mahwendefa endarira. Pachinzvimbo chokudaro, akaudza varanda vake kuti vauraye madzikoma nevanun’una ava kuitira kuti agokwanisa kutora goridhe nesirivha ravo.

1 Nifai 3:16, 23–25

Madzikoma nevanun’una vana ava vakatiza noupenyu hwavo vakasiya goridhe nesirivha ravo. Varanda vaRabani havana kukwanisa kuvabata. Madzikoma nevanun’una vakavanda mubako.

1 Nifai 3:26–27

Pashure pezvinhu zvose izvi zvakaoma, Ramani naRemueri vakashatirirwa Nifai. Vakarova Nifai naSamu neshamhu.

1 Nifai 3:28

Pakarepo, ngirozi yakauya uye ikabvunza kuti sei vaiva vachirova Nifai. Ngirozi yakati Nifai aiva asarudzwa kuti avatungamirire. Zvino ngirozi yakavaudza kuti vadzokere kuJerusarema. Ishe vaizogadzira nzira yokuti vawane mahwendefa endarira.

1 Nifai 3:29