Jesu Anoropafadza Vana

Achiratidza rudo Rwake kwavari

Jesu Kristu anomira pamanera etemberi uye anotaura kuboka ravanhu

Jesu Kristu akanga adzidzisa vanhu zvinhu zvakawanda. Akaona kuti vaida nguva yekufunga pamusoro pezvavakanga vadzidza. Akavakumbira kuti vaende kumba uye vanonamata kuna Baba Vokudenga kuti vanzwisise zvaAkanga avadzidzisa. Zvino Jesu akavimbisa kuzovashanyira zvakare muzuva raiteera.

3 Nifai 17:1–4

Jesu Kristu anonyemwerera uye anosimudza ruoko Rwake mudenga

Vanhu vakachema nokuda kwokuti vaida kuti Jesu agare kwenguva refu. Jesu aida vanhu. Akakwanisa kuona kuti rutendo rwavo rwaiva rwakasimba zvikuru. Akavakumbira kuti vaunze kwaAri munhu upi noupi zvake airwara kana airwadziwa nenzira ipi zvayo. Aida kuporesa mumwe nomumwe wavo.

3 Nifai 17:5–8

Jesu Kristu anobatsira mwana anorwara, uye vamwe vana varipedyo uye vachinyemwerera

Vanhu vakauya kwaAri nenhengo dzemhuri dzavo neshamwari dzavo dzairwara. Jesu akaporesa mumwe nomumwe wavo. Vakafara zvikuru. Vakapfugama uye vakatsvoda tsoka Dzake.

3 Nifai 17:9–10

Jesu Kristu anotaura kumwana, uye vanhu vanoungana vakakomberedza Jesu nevana vawo.

Jesu Kristu akavakumbira kuti vaunze vana vavo vadiki kwaAri. Vanhu vakaunza vana vavo uye vakavagadzika pasi vakakomberedza Jesu.

3 Nifai 17:11–12

Jesu Kristu anopfugama uye onamata, uye vana navanhu vakuru vanopfugama vakaMukomberedza uye vonamata

Mushure mokunge vana vose vavapo Naye, Jesu akakumbira kuti vanhu vapfugame pasi. Akapfugamawo. Zvino akanamata kuna Baba Vokudenga. Akataura zvinhu zvinoshamisa zvikuru zvokuti mashoko Ake haana kukwanisa kunyorwa pasi. Vanhu vakazadzwa nomufaro.

3 Nifai 17:13–18

Jesu Kristu anonyemwerera, uye musodzi unoyerera uchibva muziso Rake

Jesu akaudza vanhu kuti vaiva varopafadzwa nokuda kwerutendo rwavo maAri. Jesu akanzwa mufaro wakawanda zvokuti Akatanga kuchema.

3 Nifai 17:19–21

Jesu Kristu anombundira mwana, uye vamwe vana varipedyo vachinyemwerera

Zvino Jesu akaropafadza mwana mumwe nomumwe. Akanamatira mumwe nomumwe wavo kuna Baba Vokudenga. Jesu akaudza vanhu kuti vatarise kuvana vavo.

3 Nifai 17:21–23

Jesu Kristu anotaura kuvana, uye ngirozi dzinoburuka kubva kudenga uye dzoungana dzakakomberedza vana

Ngirozi dzakauya kubva kudenga uye dzikaungana dzakakomberedza vana. Apo ngirozi padzairopafadza vana, chiedza chokudenga chakavakomberedza. Pane rimwe zuva, Jesu akasangana navana uye akavaropafadza zvakare. Akaropafadzawo vana kuti vakwanise kutaura. Kunyangwe vacheche vakataura. Vana vakadzidzisa vabereki vavo zvinhu zvaishamisa.

3 Nifai 17:23–25; 26:14, 16