Jesu Anosarudza Vadzidzi Gumi naVaviri

Simba rokudzidzisa nokubhabhatidza

Jesu Kristu anoisa maoko Ake pamusoro wemudzidzi uye omuropafadza, uye vanhu vanomira vakavakomberedza uye vanonamata

Apo Jesu Kristu paakauya kuguta reMaguta, Akasarudza vanhu gumi nevaviri uye akavapa simba rokudzidzisa nokubhabhatidza. Akavapawo simba rokupa chipo cheMweya Mutsvene. Akavadaidza kuti vadzidzi Vake. Vadzidzi vakaita zvinhu zvavakanga vadzidziswa naJesu kuti vaite.

3 Nifai 11:1, 18–22, 41; 12:1; 15:11–12; 18:36–37

Jesu Kristu anodzidzisa, mudzidzi anobhabhatidza mumwe munhu, uye vamwe vadzidzi vanoteerera uye vanotarisa

Jesu akadzidzisa vadzidzi Vake kuti vanobhabhatidza sei. Akavataurira mashoko avanofanira kutaura. Akavadzidzisa kuisa munhu pasi pemvura uye nekumubatsira kuti abude zvakare. Jesu akati nguva dzose vanofanira kubhabhatidza nenzira yaAkavadzidzisa. Akavadzidzisawo pamusoro peMweya Mutsvene.

3 Nifai 11:22–28, 35

Jesu Kristu anotaura kune mumwe wavadzidzi Vake

Jesu aida kuti vadzidzi Vake vanzwanane zvakanaka uye vasaitirana nharo. Jesu akati apo pavanoitirana nharo, vanenge vasingateveri dzidziso Dzake.

3 Nifai 11:28–30

Jesu Kristu anotambanudza ruoko rwake kuvanhu, uye vanhu vanonyemwerera nokuteerera

Jesu akadzidzisa vanhu kutenda maAri, kutendeuka, uye nekubhabhatidzwa kuitira kuti vazokwanisa kugara naBaba Vokudenga zvakare.

3 Nifai 11:31–33

Jesu Kristu anofamba nevadzidzi Vake nevamwe vanhu uye anovadzidzisa

Jesu akaudza vadzidzi Vake kuti kana vakatenda maAri, vanotenda muna Baba Vokudengawo. Mweya Mutsvene unozovabatsira kuziva kuti Jesu naBaba Vokudenga ndeve chokwadi.

3 Nifai 11:35–36

Jesu Kristu anogara pasi navadzidzi Vake uye navanhu uye anovadzidzisa

Apo Jesu paakapedza kudzidzisa vadzidzi Vake, Akavataurira kuti vaende vanodzidzisa vanhu vose. Akati vasanetsekana pamusoro pokuti vanozodyei, vanozonwei, kana kuti vanozopfekei. Akavataurira kuri kana vakashandira Baba Vokudenga, Baba Vokudenga vaizovachengeta.

3 Nifai 11:41; 13:25–34