3 Nifai 18; 20

Jesu Anogovera Sakaramende

Murangarirei nguva dzose

Mushure mokunge Jesu aporesa vanorwara uye nokuropafadza vana vaduku, Akasuma sakaramende kuvanhu vose vakanga vaungana kuzoMunzwa. Jesu Kristu akakumbira vadzidzi vake kuti vaunze chingwa newaini.

3 Nifai 17; 18:1–2

Jesu akamedura chingwa uye akachiropafadza. Akachipa kuvadzidzi kuti vadye. Akakumbira vadzidzi kuti vape chingwa kuvanhu vose.

3 Nifai 18:3–4, 6

Jesu akati vanhu vose vakatenda maAri uye vakabhabhatidzwa vanofanira kudya chingwa. Apo pavanodaro, vanofanira kurangarira muviri Vake. Akayeuchidza vanhu pamusoro penguva iyo pavakabata mavanga ezvipikiri mumaoko netsoka Dzake uye nevanga riri padivi Pake.

3 Nifai 11:14–15; 18:3–7

Zvino Jesu akapa vadzidzi vake waini kuti vanwe. Akakumbira vadzidzi kuti vape waini kuvanhu vose.

3 Nifai 18:8–9

Jesu akati munhu wose akanga atendeuka uye akabhabhatidzwa anofanira kunwa waini. Akakumbira munhu wose anonwa waini kuti arangarire ropa Rake. Akavayeuchidza kuti akapa ropa Rake apo paAkavatambudzikira nokuvafira.

3 Nifai 18:11

Jesu akati kudya chingwa nekumwa waini waiva murairo. Nokudya chingwa nokunwa waini, vanhu vairatidza Baba Vokudenga kuti vaida kuchengeta mirairo Yavo uye kurangarira Jesu. Jesu akati vaizokomborerwa neMweya Mutsvene kana vakaita izvi.

3 Nifai 18:7, 10–14

Mushure mokunge vanhu vadya chingwa uye nekunwa waini, vakazadzwa neMweya Mutsvene. Zvino vanhu vakarumbidza Jesu.

3 Nifai 18: 4–5, 9; 20:9