“Lix junkab’al laj Adan ut li xEva,” Eb’ li Esilal sa’ li Najter Chaq’rab’ (2022)
“Lix junkab’al laj Adan ut li xEva,” Eb’ li Esilal sa’ li Najter Chaq’rab’
Lix junkab’al laj Adan ut li xEva
Xsik’b’al ru xtaaqenkil li Qaawa’
Chirix naq laj Adan ut li xEva ke’el chaq sa’ li Awimq Eden, toj yookeb’ chi tzolok chirix li na’leb’ kixk’uub’ li qaChoxahil Yuwa’ choq’ reheb’ sa’ ruchich’och’. Ke’wan naab’aleb’ lix kok’al ut ke’xk’ut chiruheb’ chixjunil li ke’xnaw chirix li Qaawa’. Ke’wan xkok’al laj Adan ut li xEva li ke’xsik’ ru xpaab’ankil li Qaawa’. A’ut ke’wan ajwi’ li ink’a’ ke’raj.
Lix junkab’al laj Adan ut li xEva ke’xk’uula jun xhuhil li jultikaak. Ke’xtz’iib’a resilal lix junkab’aleb’ sa’ li hu. Ke’xtz’iib’a chan ru naq ke’tenq’aak xb’aan li Qaawa’.
Laj Kain ut laj Abel a’aneb’ wiib’ reheb’ li ralal laj Adan ut li xEva. Laj Abel kixra li Qaawa’ ut kixsik’ ru xtaaqenkil. Laj Kain ink’a’ ki’ab’in chiru li Qaawa’. Kixpo’ b’an xch’ool chiru.
Kik’ihan xjunkab’al laj Adan ut li xEva. Ke’yo’la naab’aleb’ li kristiaan. Ke’wan xtaql xch’ooleb’ chixsik’b’al xb’eheb’. Moqon, ke’wan li ke’xpo’ xch’ool chirixeb’ lix taqlahom li Qaawa’. Li Qaawa’ kixtaqlaheb’ li profeet re te’xye reheb’ li kristiaan naq te’xjal xk’a’uxl.