Rut 1–4

Li xRut ut li xNohemi

Xnumsinkil li ch’a’ajkilal rik’in rahok ut tiikilal

xNohemi ut lix junkab’al sa’ li tenamit

Li xNohemi ut lix junkab’al ke’wulak aran Moab xb’aan naq maak’a’ li tzakemq sa’ li ch’och’ Juda. Toja’ naq kikam xb’eelom xNohemi. Ke’sumla li ralal li xNohemi rik’ineb’ li ixq aj Moab, xOrpa ut xRut xk’ab’a’. Ke’xtenq’a li xNohemi chiru lajeeb’ chihab’.

Rut 1:1–4

neke’xq’alu rib’ xOrpa, xRut, ut xNohemi

Toja’ naq ke’kam xb’eelom xOrpa ut xRut. Xjuneseb’ ke’kana li ixq a’in. Moko tz’aqal ta xtzakemq xNohemi re xch’olaninkil xRut ut xOrpa.

Rut 1:5, 8–10

xRut ut xNohemi neke’b’eek rik’in li kameey

Li xOrpa kiq’aj sa’ rochoch. A’b’an xRut kiraj kanaak re xtenq’ankil xNohemi. Li xRut ut li xNohemi ke’rab’i naq wan wi’chik li tzakemq sa’ li ch’och’ Juda, jo’kan naq xkoheb’ aran.

Rut 1:16–19

xRut naxch’utub’ li iyaj

Li xRut ut li xNohemi ke’wulak aran Juda sa’ xq’ehil li q’olok. Ke’raj ru xtzakemq. Laj Bohos, li rech alal xNohemi, kiwan rawimq sa’ Juda. A’an kixkanab’ naq xRut tixch’utub’ li rela’ li ichaj sa’ li rawimq. Ch’a’aj chaq xch’utub’ankil.

Rut 1:22; 2:3

laj Bohos na’aatinak rik’in xRut

Laj Bohos kixk’e reetal naq kaw nak’anjelak xRut ut naq jwal tiik xch’ool chiru xNohemi ut chiru li Qaawa’. Kixye reheb’ lix moos naq te’xkanab’ xkomon chik li ichaj sa’ li awimq choq’ re xRut.

Rut 2:5–17

li xRut ut li xNohemi

Li xNohemi kiraj naq taawanq xjunkab’al xRut. Kixye re xRut naq us raj taasumlaaq rik’in laj Bohos. Li xRut kixnaw naq wi ta taasumlaaq rik’in laj Bohos, te’ruuq raj chixch’olaninkil xNohemi sa’ komonil.

Rut 3:1–2; 4:15

xRut ut laj Bohos

Li xRut kixpatz’ re laj Bohos naq taasumlaaq rik’in. Laj Bohos naxnaw naq tiik ut saq ru xch’ool li xRut. Kixk’ulub’a.

Rut 3:3–18; 4:13

xRut, laj Bohos, ut xk’uula’aleb’

Li xRut ut laj Bohos ke’sumla. Moqon, kiyo’la xk’uula’al xRut. A’an xyuwa’chin laj David, li taawanq choq’ rey. K’iila chihab’ chirix a’an, li Jesukristo kiyo’la sa’ li junkab’al a’in.

Rut 4:13–17