“Laj Moises ut li k’anti’ yiib’anb’il rik’in q’an ch’iich’,” Eb’ li Esilal sa’ li Najter Chaq’rab’ (2022)
“Laj Moises ut li k’anti’ yiib’anb’il rik’in q’an ch’iich’,” Eb’ li Esilal sa’ li Najter Chaq’rab’
Laj Moises ut li k’anti’ yiib’anb’il rik’in q’an ch’iich’
Xtzolb’al xpaab’ankil li Qaawa’
Naq yookeb’ chi b’eek laj Israelita sa’ li yamyookil ch’och’, rajlal kisach li Qaawa’ sa’ xch’ooleb’ ut ke’ok chi wech’ok. Li Qaawa’ kixtaqlaheb’ li k’anti’ re xtenq’ankileb’ chixtuulanob’resinkil rib’ ut chixjultikankil a’an. Eb’ li k’anti’ ke’xtiweb’ li kristiaan, ut ke’kam naab’al.
Sa’ junpaat ke’xjal xk’a’uxl li tenamit. Ke’xtz’aama re laj Moises naq taatijoq re naq li Qaawa’ taarisiheb’ li k’anti’. Li Qaawa’ ink’a’ kirisiheb’ li k’anti’. A’b’anan, kixxaqab’ jun b’e re naq te’kole’q li tenamit wi te’tiwe’q.
Li Qaawa’ kixye re laj Moises naq tixyiib’ jun k’anti’ re q’an ch’iich’ ut naq tixlatz chiru jun xuq’. Naq ke’tiwe’ li tenamit ut ke’ilok wan wi’ li k’anti’ yiib’anb’il rik’in q’an ch’iich’, ke’kole’ xb’aan li Qaawa’. Li Qaawa’ kixtenq’aheb’ laj Israelita chixtuulanob’resinkil rib’ ut chixpaab’ankil a’an.