“Eb’ laj Israelita sa’ li yamyookil ch’och’,” Eb’ li Esilal sa’ li Najter Chaq’rab’ (2022)
“Eb’ laj Israelita sa’ li yamyookil ch’och’,” Eb’ li Esilal sa’ li Najter Chaq’rab’
Eb’ laj Israelita sa’ li yamyookil ch’och’
Xtzolb’al xpaab’ankil li Qaawa’
Chirix naq eb’ laj Israelita ke’el chaq Egipto, ke’wech’ok xb’aan naq maak’a’eb’ xtzakemq. Ke’xye naq us raj li wank choq’ loq’b’il moos sa’ Egipto chiru li tz’okaak sa’ li yamyookil ch’och’.
Re xtenq’ankileb’ laj Israelita chixpaab’ankil a’an, li Qaawa’ kixtaqla li k’axlan wa chalen li choxa re naq te’xxok wulaj wulaj. Mana ke’xye re li k’axlan wa a’an. Lix sahil, a’an chanchan li xya’al kab’. Li Qaawa’ ink’a’ kixtaqla li mana sa’ li hilob’aal kutan, xwuq li kutan re li xamaan. Kixye reheb’ naq sa’ xwaq li kutan te’xxok li mana choq’ re wiib’ kutan.
Li Qaawa’ kixtaqla ajwi’ li tonq’ re xk’eeb’al xtzakemqeb’ laj Israelita. Sa’ eq’la ke’xxok li mana, ut sa’ ewu ke’xxok li tonq’. Li Qaawa’ kiraj naq eb’ laj Israelita te’xtzol xpaab’ankil a’an. Chi jo’kan naq kixch’olaniheb’ sa’ li yamyookil ch’och’.