“Laj Daniel ut xna’ajeb’ li kaqkojl,” Eb’ li Esilal sa’ li Najter Chaq’rab’ (2022)
“Laj Daniel ut xna’ajeb’ li kaqkojl,” Eb’ li Esilal sa’ li Najter Chaq’rab’
Daniel 6
Laj Daniel ut xna’ajeb’ li kaqkojl
Xkawilal xch’ool jun li winq re tijok
Laj Dario ki’ok choq’ rey sa’ xb’een Babilonia. A’an kixra laj Daniel ut kiraj xk’eeb’al jo’ jolominel sa’ xb’een chixjunil li awa’b’ejihom. Ke’wan aj q’e chiru li rey li ke’ok chi sowenk.
Eb’ laj q’e neke’xnaw naq laj Daniel natijok chiru li Dios, jo’kan naq ke’xb’alaq’i li rey re naq tixxaqab’ jun li ak’ chaq’rab’. Yalaq ani li natijok chiru li Dios taakutmanq sa’ xna’ajeb’ li kaqkojl.
Laj Daniel toj kitijok chiru li Dios. Eb’ laj q’e chiru li rey ke’ril laj Daniel naq yoo chi tijok ut ke’xye re li rey naq laj Daniel yoo chixq’etb’al li chaq’rab’. Li rey kixk’e reetal naq kib’alaq’iik xb’aaneb’ laj q’e. Kiraj xkolb’al laj Daniel, a’b’an kiteneb’aak chixpaab’ankil li chaq’rab’ li kixxaqab’.
Laj Daniel kikute’ sa’ xna’ajeb’ li kaqkojl. Li rey ink’a’ kiwar chiru chixjunil li q’ojyin, yoo chixkuyb’al xsa’ re naq taakole’q rix laj Daniel.
Eq’la chaq, li rey xko’o sa’ xna’ajeb’ li kaqkojl. Kixb’oq laj Daniel re rilb’al ma toj yo’yo. Kichaq’ok laj Daniel! Kixye re li rey naq li Dios xtaqla jun li anjel re xtz’apb’al reheb’ li kaqkojl. Eb’ li kaqkojl maak’a’ ke’xb’aanu re.
Sa xch’ool li rey naq kikole’ rix laj Daniel. Kixk’e li tojb’a-maak sa’ xb’eeneb’ laj q’e li ke’xyal xb’alaq’inkil, ut kixsach li chaq’rab’. Kik’utuk chirix lix wankilal ut lix chaab’ilal li Dios chiru lix tenamit.