Genesis 42–46

Laj Jose ut li we’ej

Jun winq li naru tixjunaji lix junkab’al

laj Jakob naxtaqlaheb’ li ralal toj sa’ Egipto

Tz’okajenaq lix junkab’al laj Jakob xmaak li we’ej. Jo’kan naq laj Jakob kixtaqlaheb’ li ralal toj sa’ Egipto. A’ut moko kixtaqla ta li iitz’inb’ej, laj Benjamin. Naxuwak naq maare taasachq laj Benjamin jo’ naq kisach laj Jose naab’al chihab’ chaq. Maji’ naxnaw naq a’aneb’ li ras li ke’k’ayink re laj Jose choq’ loq’b’il moos.

Genesis 42:1–4

eb’ li ras neke’xtz’aama li tzakemq chiru laj Jose

Sa’ li kutankil a’an, laj Jose a’an jun nimla aj jolominel sa’ Egipto. A’an naxjolomi li k’ayink tzakemq aran chiru xq’ehil li we’ej. Eb’ li ras ke’wulak rik’in laj Jose ut ke’xtz’aama li tzakemq. Ink’a’ ke’xk’e reetal ani a’an.

Genesis 42:5–8

na’aatinak laj Jose

Laj Jose kixnaw aniheb’ a’an, a’b’an moko kixye ta reheb’ naq naxnaw. Kixpatz’ re lix junkab’al ma yo’yo lix yuwa’ ut laj Benjamin, li riitz’in.

Genesis 42:10–14

eb’ li ras laj Jose neke’xk’am li tzakemq

Toja’ naq laj Jose kixk’e li tzakemq reheb’ li ras. Kixye reheb’ naq ink’a’ te’chalq wi’chik chixpatz’b’al li tzakemq chi moko rochb’eeneb’ ta laj Benjamin, li riitz’ineb’.

Genesis 42:15–20

eb’ li ras laj Jose neke’sutq’i sa’ Egipto

Naq ki’oso’ xtzakemq li junkab’al, laj Jakob kixnaw naq tento tixtaqla laj Benjamin sa’ Egipto rik’ineb’ li ralal. Toj naxuwak laj Jakob chixtaqlankil laj Benjamin. A’ut laj Juda, jun reheb’ li ras, kixyeechi’i naq tixkol rix laj Benjamin.

Genesis 43:1–15

laj Jose naxjiteb’ li ras, naxye naq ke’relq’a jun sek’ plaat.

Naq eb’ li ras ke’sutq’i aran Egipto, laj Jose kixb’aanu naq laj Benjamin chanchan ta wi’ kirelq’a jun li sek’ plaat. Kiraj xnawb’al ma ke’jala li ras. Laj Juda kirelaji chiru laj Jose naq ink’a’ tixk’e sa’ tojb’a-maak laj Benjamin, naq tixk’e sa’ tojb’a-maak laj Juda sa’ xna’aj.

Genesis 44

laj Jose naxk’ut ani a’an

Laj Jose kisaho’ xch’ool naq jalb’ileb’ li ras. Ke’xra laj Benjamin ut ke’xkol rix. Chi jo’kan naq laj Jose kixk’ut chiruheb’ ani tz’aqal a’an.

Genesis 42:21–24; 45:1–4

laj Jose naxq’aluheb’ li ras

Laj Jose kixkuy xmaakeb’ li ras naq ke’xk’ayi choq’ loq’b’il moos. Laj Jose kixye naq a’an xna’leb’ li Qaawa’ re naq taakole’q lix junkab’al chiru li we’ej.

Genesis 45:5–8

eb’ li ralal neke’aalinak toj rik’in laj Jakob

Eb’ li ras riitz’in laj Jose ke’sutq’i rik’in laj Jakob, koxe’xye re chixjunil li xk’ulman. Laj Jakob kixk’am chixjunil lix junkab’al toj sa’ Egipto.

Genesis 45:24–28; 46:1–26

laj Jose ut laj Jakob sa’ Egipto, laj Farahon narileb’

Laj Farahon kixk’e xsahil xk’ulunik lix junkab’al laj Jakob. Kixk’e li ch’och’ ut eb’ li xul reheb’ re naq te’wanq tz’aqal lix tzakemq. Kikana sa’ tuqtuukilal lix junkab’al laj Jose chiru k’iila chihab’.

Genesis 45:16–23