“Laj Nehemias,” Eb’ li Esilal sa’ li Najter Chaq’rab’ (2022)
“Laj Nehemias,” Eb’ li Esilal sa’ li Najter Chaq’rab’
Nehemias 1–2; 4; 6
Laj Nehemias
Xyiib’ankileb’ chi ak’il lix xaqxookil tz’akil Jerusalen
Laj Nehemias, a’an aj Judio ut kiwan rochoch sa’ Persia. A’an xmoos li rey. Sa’ jun kutan laj Nehemias kirab’i naq ra wankeb’ laj Israelita sa’ Jerusalen. Sachb’ileb’ li xaqxookil tz’ak chixsutam Jerusalen ut maji’ yiib’anb’ileb’ chi ak’il. Moko kolb’il ta rix Jerusalen. Laj Nehemias kixkuy xsa’ ut kixtz’aama xtenq’ li Qaawa’.
Li rey kixpatz’ re laj Nehemias k’a’ut naq ra xch’ool. A’an kixye re li rey naq xiwxiw li wank sa’ Jerusalen. Li rey kixye naq truuq taatenq’anq. Laj Nehemias kixpatz’ ma naru taaxik Jerusalen ut tixyiib’ chi ak’il li xaqxookil tz’ak. Li rey kixxaqab’ laj Nehemias choq’ aj jolominel ut kixk’e re chixjunil li naraj ru re xyiib’ankil chi ak’il.
Laj Nehemias ut eb’ laj Judio ke’xtikib’ xyiib’ankil chi ak’il lix xaqxookil tz’akil Jerusalen. A’b’an ke’wan li xik’ neke’rileb’ li ke’reetz’uheb’ ut ke’xyal xsachb’al xk’anjeleb’.
Ke’xyal xb’alaq’inkil laj Nehemias re naq taa’elq chaq sa’ li tenamit. A’b’an moko taa’elq ta laj Nehemias. Kixpaab’ li Qaawa’. Yoo chixb’aanunkil jun xnimal ru k’anjel.
Laj Nehemias kixye re lix tenamit naq me’xuwak. Ke’xk’eheb’ laj k’aak’alenel chiru li xaqxookil tz’ak re xkolb’al rix. Eb’ laj Judio ke’xyiib’ li xaqxookil tz’ak. Li Qaawa’ kixk’e xmetz’eweb’ laj Judio, ut ke’xchoy xyiib’ankil li xaqxookil tz’ak sa’ 52 chi kutan. Kolb’il rix Jerusalen wi’chik.