1 Samuel 16

Li saaj aj David

Jun saaj aj ilol karneer kib’oqe’ choq’ rey

laj Samuel nab’eek

Li Qaawa’ kixtaqla li profeet aj Samuel chixtawb’al jun ak’ rey. Laj Sawlo, li ki’awa’b’ejin sa’ li kutan a’an, ak kixkanab’ xtaaqenkil li Qaawa’. Li Qaawa’ kixye re laj Samuel naq taaxik sa’ Belen ut naq tixtaw jun winq, laj Jese xk’ab’a’. Li ak’ rey a’anaq jun reheb’ li ralal laj Jese.

1 Samuel 16:1–5

laj Samuel ut eb’ li ralal laj Jese

Eb’ li ralal laj Jese li asb’ejeb’ ninqeb’ roq ut kaweb’ xmetz’ew. A’b’an li Qaawa’ kixye re laj Samuel naq ink’a’ tixtz’ileb’ rix a’ yaal chan ru neke’k’utun.

1 Samuel 16:6–10

laj Samuel na’aatinak rik’in laj Jese

Laj Samuel kixpatz’ re laj Jese ma wan xkomoneb’ chik li ralal. Laj Jese kixye naq li iitz’inb’ej, laj David, yoo chirilb’aleb’ li karneer. Kik’ame’ laj David chiru laj Samuel.

1 Samuel 16:11

laj Samuel ut laj Jese neke’ril laj David, li saaj aj ilol karneer

Moko nim ta roq laj David jo’eb’ li ras ut yal jun saaj aj ilol karneer a’an. A’b’an maak’a’ na’ok wi’ chiru li Qaawa’ chan ru nak’utun laj David. Li Qaawa’ naxnaw naq nujenaq laj David rik’in paab’aal. Kixye re laj Samuel naq laj David taa’ok choq’ rey. Laj Samuel kirosob’tesi laj David. Lix Musiq’ li Qaawa’ kixkawresi laj David re ok choq’ rey.

1 Samuel 16:12–13