Jueces 6–7

Li teep aj pleet re laj Gideon

Xpaab’ankil li Qaawa’ sa’ li pleet

eb’ laj Madianita neke’relq’a li tzakemq

Eb’ laj Israelita ke’osob’tesiik chiru k’iila chihab’. Toja’ naq ke’xsik’ ru xq’etb’al xtaqlahom li Qaawa’. Re xtenq’ankileb’ chixjultikankil a’an, li Qaawa’ kixkanab’ naq eb’ laj Madianita te’xchap lix tzakemq ut eb’ lix xul. Maak’a’eb’ xtzakemq laj Israelita, jo’kan naq kijultiko’ li Qaawa’ reheb’ ut ke’xtz’aama lix tenq’.

Jueces 6:1–7

jun anjel na’aatinak rik’in laj Gideon

Laj Gideon wan sa’ jun junkab’al jwal neb’a’. Li Qaawa’ kixtaqla jun anjel chixb’oqb’al re naq taarach’ab’ Israel. Laj Gideon ink’a’ naxnaw k’a’ut naq kib’oqe’ xb’aan li Qaawa’.

Jueces 6:11–15

neke’josq’o’ li tenamit rik’in laj Gideon chixk’atq jun jorb’il pak’b’il dios

Li Qaawa’ kixye re laj Gideon naq tixsacheb’ li na’ajej b’ar wi’ neke’loq’oniik li jalanil dios xb’aaneb’ laj Israelita. Naq ki’ab’in laj Gideon, ke’josq’o’ li tenamit.

Jueces 6:25–27

lix yuwa’ laj Gideon naxkol rix chiruheb’ li josq’ aj tenamit

Eb’ laj Israelita ke’raj xkamsinkil laj Gideon. A’ut lix yuwa’ laj Gideon kixq’unob’resi xch’ooleb’ ut ink’a’ ke’xrahob’tesi. Kikole’ rix laj Gideon.

Jueces 6:28–32

laj Gideon natijok

Laj Gideon ink’a’ naxpaab’ naq truuq taarach’ab’ Israel. Numenaq 135,000 chi teep aj pleet sa’ xteepeb’ laj Madianita. A’b’anan li Qaawa’ kixk’e chaab’il na’leb’ ut metz’ew re laj Gideon.

Jueces 6:13–16; 8:10

eb’ laj pleet neke’el chaq sa’ li teep aj pleet

Li Qaawa’ kiraj naq eb’ laj Israelita te’xnaw naq te’ruuq chi numtaak rik’in lix metz’ew a’an, moko xmetz’eweb’ ta a’an. Us ta ka’ajwi’ 32,000 chi aj pleet ke’wan sa’ xteepeb’ laj Israelita, li Qaawa’ kixpatz’ re laj Gideon naq tixtaqla sa’ rochocheb’ yalaq aj pleet li yoo xxiw. Chirix naq 22,000 reheb’ xkoheb’, ka’ajwi’ 10,000 chi aj teep aj Israelita ke’kana.

Jueces 7:2–3

jun aj pleet naruk’ li ha’

Li Qaawa’ kixye naq ink’a’ kiraj 10,000 chi aj pleet. Kixye re laj Gideon naq tixk’am li teep aj pleet chire li ha’. Eb’ li te’ruk’ li ha’ tz’aqal rik’ineb’ li re te’taqlaaq sa’ rochocheb’. Eb’ li te’roksi li ruq’eb’ re ruk’ankil li ha’ te’kanaaq. Yal 300 chi aj pleet ke’kana.

Jueces 7:4–7

eb’ li teep aj pleet aj Israelita rik’ineb’ li trompeet ut li xam chixsutameb’ laj Madianita

Kawresinb’ileb’ chik laj Israelita re pleetik. Li Qaawa’ kixk’ut chiru laj Gideon chan ru naq te’numtaaq sa’ xb’eeneb’ laj Madianita. Laj Gideon kixye re lix teep aj pleet naq te’roksi li trompeet ut li xam re xxiwb’esinkileb’. Li choqink ut li xam kixsach xch’ooleb’ laj Madianita chi numtajenaq, jo’kan naq ke’ok chixpleetinkil rib’ chirib’ileb’ rib’. Toja’ naq ke’xjap re ut ke’eelelik.

Jueces 7:16–22

laj Gideon naxjolomiheb’ li teep aj pleet

Laj Gideon kixpaab’ li Qaawa’, jo’kan naq eb’ laj Israelita ke’numta sa’ xb’eeneb’ li nimla teep aj pleet aj Madianita rik’in ka’ajwi’ 300 chi teep aj pleet. Li Qaawa’ kirach’ab’eb’ laj Israelita.

Jueces 7:23–25