« ដានីយ៉ែល និងសុបិនរបស់ស្ដេច » ដំណើររឿងព្រះគម្ពីរសញ្ញាចាស់ ( ឆ្នាំ២០២២ )
« ដានីយ៉ែល និងសុបិនរបស់ស្ដេច » ដំណើររឿងព្រះគម្ពីរសញ្ញាចាស់
ដានីយ៉ែល ២
ដានីយ៉ែល និងសុបិនរបស់ស្ដេច
សារដ៏អាថ៌កំបាំងរបស់ព្រះទៅកាន់ស្ដេច
ស្ដេចបាប៊ីឡូនបានមានសុបិនមួយដែលធ្វើឲ្យទ្រង់ពិបាកព្រះទ័យ ។ ទ្រង់បានបង្គាប់ឲ្យពួកសង្ឃ និងពួកហោរារបស់ទ្រង់ប្រាប់ទ្រង់ពីអត្ថន័យនៃសុបិននោះ ។
ស្តេចមិនបានប្រាប់ពួកគេពីសុបិននោះទេ ។ ទ្រង់បានមានបន្ទូលថា បើពួកសង្ឃ និងពួកហោរាពិតជាមានអំណាចមែន នោះពួកគេអាចទូលប្រាប់ទ្រង់ពីសុបិននោះ និងអត្ថន័យរបស់វា ។
ពួកសង្ឃ និងពួកហោរាបានទូលប្រាប់ស្ដេចថា ពួកគេមិនអាចបកស្រាយសុបិនរបស់ទ្រង់បានទេ បើទ្រង់មិនព្រមប្រាប់ពួកគេថាវាជាអ្វីនោះ ។ ពួកគេបាននិយាយថា គ្មាននរណាម្នាក់ធ្វើរឿងនោះបានទេ ។ ស្ដេចទ្រង់ខ្ញាល់ ហើយបានមានបន្ទូលថា ទ្រង់នឹងសម្លាប់ពួកហោរាទាំងអស់នៅក្នុងនគរ រួមទាំងដានីយ៉ែល និងមិត្តរបស់លោកផងដែរ ។
នៅពេលអ្នកយាមរបស់ស្ដេចបានមកយកដានីយ៉ែល និងមិត្តរបស់លោក ដានីយ៉ែលបានសុំពេលបន្ថែមទៀតដើម្បីគាត់អាចទូលប្រាប់ស្ដេចពីអត្ថន័យនៃសុបិននោះ ។ ដានីយ៉ែលបានដឹងថា ព្រះជ្រាប ហើយទតឃើញអ្វីគ្រប់យ៉ាង សូម្បីតែការសុបិន ។ ដានីយ៉ែលបានសុំឲ្យមិត្តរបស់លោកអធិស្ឋានជាមួយនឹងលោក ។
ព្រះបានបង្ហាញដានីយ៉ែលពីសុបិនរបស់ស្ដេចនៅក្នុងការនិមិត្តមួយ ហើយបានបង្រៀនដានីយ៉ែលពីអត្ថន័យរបស់វា ។ ដានីយ៉ែលបានថ្លែងអំណរគុណព្រះ ចំពោះការឆ្លើយនឹងការអធិស្ឋានរបស់លោក និងមិត្តរបស់លោក និងចំពោះការជួយសង្គ្រោះជីវិតរបស់ពួកគេ ។ បន្ទាប់មកគាត់បានទៅទូលប្រាប់ស្ដេចពីអត្ថន័យនៃសុបិននោះ ។
ដានីយ៉ែលបាននិយាយថា សុបិនរបស់ស្ដេចគឺអំពីរូបសំណាកដ៏ធំមួយដែលត្រូវបានបំផ្លាញដោយថ្មមួយដុំដែលធ្លាក់ពីភ្នំមួយ ។ រូបសំណាកនោះតំណាងឲ្យនគរលើផែនដី ។ ថ្មដែលធ្លាក់ពីភ្នំតំណាងឲ្យនគរព្រះដែលនឹងបំពេញផែនដីនេះ ។ ស្ដេចបានដឹងថា ដានីយ៉ែលបាននិយាយការពិត ។