« រ៉ាហាប និង អ្នកស៊ើបការណ៍ » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« រ៉ាហាប និង អ្នកស៊ើបការណ៍ » ដំណើររឿងព្រះគម្ពីរសញ្ញាចាស់
រ៉ាហាប និង អ្នកស៊ើបការណ៍
ជម្រើសដែលនឹងសង្គ្រោះមួយគ្រួសារ
ស្រ្តីម្នាក់ដែលមានឈ្មោះថា រ៉ាហាប បានរស់នៅក្នុងក្រុងយេរីខូរ មុនពេលពួកសាសន៍អ៊ីស្រាអែលបានវាយលុកទីក្រុងនេះ ។ នាងបានឮគេថា ព្រះអម្ចាស់បានញែកសមុទ្រក្រហមសម្រាប់ពួកសាសន៍អ៊ីស្រាអែល ។ រ៉ាហាបបានដឹងថា ព្រះអម្ចាស់នឹងជួយពួកសាសន៍អ៊ីស្រាអែលឲ្យច្បាំងឈ្នះទីក្រុងរបស់នាង ។ ប្រជាជននៅទីក្រុងយេរីខូរគឺជាមនុស្សទុច្ចរិត ។
ព្យាការីយ៉ូសេ្វបានដឹកនាំកងទ័ពសាសន៍អ៊ីស្រាអែល ។ លោកបានបញ្ជូនអ្នកស៊ើបការណ៍ពីរនាក់ឲ្យទៅក្រុងយេរីខូរ ។ ប៉ុន្ដែ គេបានឃើញអ្នកស៊ើបការណ៍ទាំងពីរនាក់នោះ ហើយស្ដេចក្រុងយេរីខូរបានបញ្ជូនពួកអ្នកយាមឲ្យទៅតាមចាប់ខ្លួនពួកគេ ។
អ្នកស៊ើបការណ៍បានមកផ្ទះរបស់រ៉ាហាប ។ រ៉ាហាបបានយល់ព្រមដើម្បីជួយអ្នកស៊ើបការណ៍ទាំងពីរនាក់ ដូច្នេះនាងបានលាក់ពួកគេនៅក្រោមដំបូលផ្ទះរបស់នាង ។
ទាហានរបស់ស្ដេចបានឆែកឆេរផ្ទះរបស់រ៉ាហាប ប៉ុន្ដែមិនអាចរកឃើញអ្នកស៊ើបការណ៍ទាំងពីរនោះទេ ។ បន្ទាប់ពីពួកគេបានចេញទៅ រ៉ាហាបបានសូមឲ្យអ្នកស៊ើបការណ៍ទាំងនេះជួយការពារគ្រួសារនាង នៅពេលកងទ័ពរបស់ពួកគេចូលមកច្បាំងនឹងក្រុងយេរីខូរ ។ អ្នកស៊ើបការណ៍បានសន្យានឹងរ៉ាហាបថា គ្រួសាររបស់នាងនឹងមានសុវត្ថិភាព ។ បន្ទាប់មក រ៉ាហាបបានបោះខ្សែពួរចេញពីបង្អួចផ្ទះរបស់នាង ដើម្បីឲ្យអ្នកស៊ើបការណ៍ទាំងពីរនាក់ចុះគេចខ្លួន ។
អ្នកស៊ើបការណ៍បានត្រឡប់ទៅរកព្យាការីយ៉ូស្វេ ហើយបានប្រាប់កងទ័ពអ៊ីស្រាអែលថា កុំឲ្យធ្វើបាបអ្នកណាម្នាក់នៅក្នុងផ្ទះរបស់រ៉ាហាបឡើយ ។ ក្រោយមក នៅពេលពួកសាសន៍អ៊ីស្រាអែលបានវាយលុកក្រុងយេរីខូរ នោះពួកគេបានរក្សាពាក្យសន្យារបស់ពួកគេជាមួយរ៉ាហាប ។ សេចក្ដីក្លាហានរបស់រ៉ាហាបបានសង្គ្រោះគ្រួសាររបស់នាង ។ គ្រួសាររបស់នាងបានចូលរួមនឹងរាស្ដ្ររបស់ព្រះអម្ចាស់ ។