« ការបង្កបង្កើតផែនដី » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« ការបង្កបង្កើតផែនដី » ដំណើររឿងព្រះគម្ពីរសញ្ញាចាស់
លោកុប្បត្តិ ១–២; ម៉ូសេ ១–៣; អ័ប្រាហាំ ៣–៥
ការបង្កបង្កើតផែនដី
ផ្ទះដ៏ស្រស់ស្អាតសម្រាប់បុត្រាបុត្រីរបស់ព្រះវរបិតាសួគ៌
ព្រះជាព្រះវរបិតាសួគ៌របស់យើងបានបង្ហាញផែនការនៃសេចក្តីសង្រ្គោះនៅឯស្ថានសួគ៌ ។ យើងទាំងអស់គ្នាបានស្រែកដោយអំណរ ! យើងអាចមកផែនដីដើម្បីទទួលរូបកាយជាសាច់ឈាម ។ ខណៈពេលនៅលើផែនដី យើងនឹងរៀនដើម្បីធ្វើតាមព្រះរាជបុត្រារបស់ព្រះ គឺព្រះអម្ចាស់ព្រះយេស៊ូវគ្រីស្ទ ។ ព្រះអម្ចាស់បានបង្កើតផែនដីតាមសេចក្តីណែនាំរបស់ព្រះ ។
លោកុប្បត្តិ ១:១; យ៉ូប ៣៨:៤–៧; ម៉ូសេ ១:៣២–៣៣; ២:១; អ័ប្រាហាំ ៣:២២–២៧
នៅថ្ងៃទីមួយ ព្រះអម្ចាស់បានចែកពន្លឺពីងងឹត ។ ទ្រង់បានហៅពន្លឺថា ថ្ងៃ និងងងឹតថា យប់ ។
លោកុប្បត្តិ ១:៣–៥; ម៉ូសេ ២:៣–៥; អ័ប្រាហាំ ៤:១–៥
នៅថ្ងៃទីពីរ ទ្រង់បានញែកទឹកនៅចន្លោះពពកនៅលើមេឃ និងមហាសមុទ្រនៅលើផែនដី ។
លោកុប្បត្តិ ១:៦–៨; ម៉ូសេ ២:៦–៨; អ័ប្រាហាំ ៤:៦–៨
នៅថ្ងៃទីបី ព្រះអម្ចាស់បានបង្កើតមហាសមុទ្រ និងដីគោក ។ ទ្រង់បានហៅទីទឹកថា សមុទ្រ និងដីគោកថា ផែនដី ។ ទ្រង់បានធ្វើឲ្យផែនដីស្រស់ស្អាតដោយមានដុះផ្កា រុក្ខជាតិមានផ្លែ រុក្ខជាតិ និងដើមឈើ ។
លោកុប្បត្តិ ១:៩–១៣; ម៉ូសេ ២:៩–១៣; អ័ប្រាហាំ ៤:៩–១៣
នៅថ្ងៃទីបួន ទ្រង់បានបង្កើតព្រះអាទិត្យឲ្យរះនៅពេលថ្ងៃ ។ បន្ទាប់មកទ្រង់បានបង្កើតព្រះច័ន្ទ និងផ្កាយឲ្យរះនៅពេលយប់ ។
លោកុប្បត្តិ ១:១៤–១៩; ម៉ូសេ ២:១៤–១៩; អ័ប្រាហាំ ៤:១៤–១៩
នៅថ្ងៃទីប្រាំ ព្រះអម្ចាស់បានបង្កើតមច្ចានៅក្នុងសមុទ្រ ហើយបក្សីនៅលើមេឃ ។ ទ្រង់បានប្រសិទ្ធពរដល់សត្វទាំងអស់ឲ្យកើនច្រើនឡើង និងប្រសិទ្ធពរត្រីឲ្យមានពេញផ្ទៃទឹក ។
លោកុប្បត្តិ ១:២០–២៣; ម៉ូសេ ២:២០–២៣; អ័ប្រាហាំ ៤:២០–២៣
នៅថ្ងៃទីប្រាំមួយ ទ្រង់បានបង្កើតសត្វពាហៈនៈនៅលើដីគោក សត្វខ្លះដើរ ហើយសត្វខ្លះទៀតលូន ។
លោកុប្បត្តិ ១:២៤–២៥; ម៉ូសេ ២:២៤–២៥; អ័ប្រាហាំ ៤:២៤–២៥
ព្រះវរបិតាសួគ៌ និងព្រះអម្ចាស់បានយាងចុះមកលើផែនដីនៅថ្ងៃទីប្រាំមួយ ។ មនុស្សប្រុសម្នាក់ និងមនុស្សស្រីម្នាក់ត្រូវបានបង្កើតឡើងតាមរូបរាងអង្គទ្រង់ ។ ព្រះវរបិតាសួគ៌បានមានបន្ទូលទៅពួកគេឲ្យថែរក្សាគ្នាទៅវិញទៅមក ហើយឲ្យមានកូនជាច្រើន ។ មនុស្សប្រុស និងមនុស្សស្រីរូបនោះក៏ត្រូវបានដាក់ទីទុកចិត្តឲ្យថែរក្សាផែនដី និងសត្វទាំងពួងផងដែរ ។
លោកុប្បត្តិ ១:២៦–២៧; ម៉ូសេ ២:២៦–២៧; អ័ប្រាហាំ ៤:២៦–៣១; ៥:៧–៨
ព្រះវរបិតាសួគ៌សប្បាយព្រះទ័យជាមួយនឹងអ្វីៗដែលពួកទ្រង់បានបង្កើតឡើង ។ នៅថ្ងៃទីប្រាំពីរ ពួកទ្រង់បានសម្រាកពីព្រះរាជកិច្ចរបស់ទ្រង់ទាំងអស់ ។ ផែនដីមានភាពស្រស់ស្អាត ហើយពោរពេញដោយជីវិតរស់ ។