« ដាវីឌជាស្តេច » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« ដាវីឌជាស្តេច » ដំណើររឿងព្រះគម្ពីរសញ្ញាចាស់
សាំយូអែលទី ១ ១៨–១៩; ៣១; សាំយូអែលទី ២ ១; ៥; ១១–១២
ស្ដេចដាវីឌ
ការពុះពាររបស់ស្តេច
ស្តេចសូល ដែលជាស្តេចនៃសាសន៍អ៊ីស្រាអែល បានស្ងប់ស្ងែងចំពោះជ័យជំនះរបស់ ដាវីឌ លើ កូលីយ៉ាត ។ ស្តេចសូល បានលើក ដាវីឌ ឲ្យធ្វើជាមេទ័ពលើពួកទាហានរបស់ទ្រង់ ។
ដាវីឌ ស្រឡាញ់ព្រះអម្ចាស់ ហើយតែងតែចង់ធ្វើអ្វីដែលត្រឹមត្រូវ ។ ប្រជាជនអ៊ីស្រាអែលស្រឡាញ់ដាវីឌ ។
ស្តេចសូល បានចាប់ផ្តើមមានចិត្តច្រណែន ហើយបានព្យាយាមរកសម្លាប់ដាវីឌ ។ ប៉ុន្តែ ដាវីឌបានធ្វើតាមព្រះអម្ចាស់ ហើយព្រះអម្ចាស់បានការពារលោកពី ស្តេចសូល ។
សាសន៍អ៊ីស្រាអែលបានប្រយុទ្ធនឹងសង្រ្គាមជាច្រើន ។ នៅថ្ងៃមួយ ស្តេចសូល និងបុត្រារបស់ទ្រង់បានសុគតនៅក្នុងសង្រ្គាម ។ ដាវីឌ ស្រឡាញ់ទ្រង់ទាំងទ្វេណាស់ ហើយមានចិត្តសោកស្តាយដែលបានដឹងពីការសុគតរបស់ទ្រង់ទាំងទ្វេ ។ ឥឡូវនេះ សាសន៍អ៊ីស្រាអែលត្រូវការស្តេចថ្មីមួយអង្គ ។ ព្រះអម្ចាស់បានជ្រើសរើស ដាវីឌ ឲ្យធ្វើជាស្តេច ។ ប្រជាជនសប្បាយចិត្ត ។
សាំយូអែល ទី ១ ៣១:២–៦; សាំយូអែល ទី ២ ១:១១–១២; ៥:១–៥
ព្រះអម្ចាស់បានប្រទានពរជ័យដល់ស្តេច ដាវីឌ ហើយបានដឹកនាំទ្រង់ ។ ដោយមានជំនួយរបស់ព្រះអម្ចាស់ នោះទាហានរបស់ដាវីឌ បានយកឈ្នះលើពួកសត្រូវរបស់ខ្លួន ។
នៅថ្ងៃមួយ នៅពេលដែល ដាវីឌ ត្រូវទៅច្បាំង ទ្រង់បែរជានៅឯព្រះដំណាក់ទៅវិញ ។ ទ្រង់បានឃើញស្រ្តីដ៏ស្រស់ស្អាតម្នាក់ ។ ឈ្មោះរបស់នាងគឺ បាតសេបា ហើយដាវីឌ ចង់រៀបអភិសេកនឹងនាង ។ ប៉ុន្តែនាងបានរៀបការនឹង អ៊ូរី ដែលជាទាហាននៅក្នុងទ័ពរបស់ ដាវីឌ ។
ដាវីឌ ចង់រៀបអភិសេកនឹងបាតសេបា ដូច្នេះទ្រង់ក៏បញ្ជូន អ៊ូរី ជាប្តីរបស់នាងឲ្យទៅច្បាំងនៅកន្លែងដែលមានគ្រោះថ្នាក់ ដើម្បីឲ្យ អ៊ូរី ស្លាប់ ។
មិនយូរប៉ុន្មាន ដាវីឌ ជ្រាបដឹងថា អ៊ូរី បានស្លាប់នៅក្នុងចម្បាំង ។ ដាវីឌ បានបញ្ជូនបាវបម្រើរបស់ទ្រង់ទៅនាំ បាតសេបា មករាជដំណាក់របស់ទ្រង់ ហើយទ្រង់បានរៀបអភិសេកជាមួយនាង ។
ប៉ុន្តែព្រះអម្ចាស់មិនសព្វព្រះទ័យនឹងអ្វីដែល ដាវីឌបានធ្វើទេ ។ ព្រះអម្ចាស់បានបញ្ជូន ណាថាន់ ជាព្យាការីឲ្យប្រាប់ ដាវីឌ ថាអំពើបាបរបស់ទ្រង់ធ្ងន់ធ្ងរណាស់ ។ ដាវីឌ បានសោកស្តាយយ៉ាងខ្លាំងចំពោះអ្វីដែលទ្រង់បានធ្វើចំពោះ អ៊ូរី និង បាតសេបា ។ ទ្រង់បានអធិស្ឋាន ហើយបានតមអាហារសូមព្រះរាជទានទោសពីព្រះអម្ចាស់ ។