« អេលីសេជាព្យាការី » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« អេលីសេជាព្យាការី » ដំណើររឿងព្រះគម្ពីរសញ្ញាចាស់
ពង្សាវតារក្សត្រ ទី២ ២; ៤
អេលីសេជាព្យាការី
អព្ភូតហេតុរបស់ព្រះអម្ចាស់
តាមរយៈព្យាការីអេលីយ៉ា ព្រះអម្ចាស់បានរៀបចំអេលីសេ ដើម្បីធ្វើជាព្យាការីបន្ទាប់ ។ បន្ទាប់មកព្រះអម្ចាស់បានយកអេលីយ៉ាទៅកាន់ស្ថានសួគ៌ ។
ព្រះអម្ចាស់បានជួយអេលីសេឲ្យធ្វើអព្ភូតហេតុជាច្រើន ។ គ្រាមួយ អេលីសេបានប្រសិទ្ធពរដល់ប្រេងរបស់ស្រ្តីក្រីក្រឲ្យពេញជាច្រើនដប ។ បន្ទាប់មក ស្រ្តីរូបនេះបានលក់ប្រេងដើម្បីសងបំណុលរបស់នាង ។
នៅពេលផ្សេងទៀត មានស្រ្តីដ៏ស្មោះត្រង់ម្នាក់បានបម្រើអេលីសេ ហើយបានមានចិត្តល្អយ៉ាងខ្លាំងចំពោះលោក ។ អេលីសេ បានសួរនាងពីអ្វីដែលគាត់អាចធ្វើដើម្បីបម្រើនាង ។ នាងចង់បានកូនប្រុសម្នាក់ ។ អេលីសេបានប្រសិទ្ធពរដល់នាង និងស្វាមីរបស់នាងឲ្យមានកូនប្រុសម្នាក់ ។
ប៉ុន្តែនៅពីរបីឆ្នាំក្រោយមក កូនប្រុសរូបនោះបានធ្លាក់ខ្លួនឈឺ ហើយស្លាប់ ។ ស្រ្តីរូបនោះបានទៅរកអេលីសេ ពីព្រោះនាងមានសេចក្តីជំនឿថា លោកអាចសង្រ្គោះកូនប្រុសរបស់នាងបាន ។ អេលីសេបានមក ហើយបានប្រសិទ្ធពរដល់ក្មេងប្រុសនោះ ហើយវាបានមានជីវិតម្តងទៀត ។ ព្រះអម្ចាស់បានជួយអេលីសេឲ្យធ្វើអព្ភូតហេតុជាច្រើន ។ លោកគឺជាព្យាការីដ៏អស្ចារ្យរបស់ព្រះអម្ចាស់ ។