« នាងរស់ និងន៉ាអូមី » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« នាងរស់ និងន៉ាអូមី » ដំណើររឿងព្រះគម្ពីរសញ្ញាចាស់
នាងរស់ ១–៤
នាងរស់ និងន៉ាអូមី
ការរួចពីការសាកល្បងដោយសេចក្ដីស្រឡាញ់ និងភក្ដីភាព
ន៉ាអូមី និងគ្រួសារនាងបានផ្លាស់ទៅនៅស្រុកម៉ូអាប់ ដោយសារគ្មានអាហារគ្រប់គ្រាន់នៅស្រុកយូដា ។ បន្ទាប់មក ស្វាមីរបស់ន៉ាអូមីបានស្លាប់ ។ ពួកកូនប្រុសរបស់ន៉ាអូមីបានរៀបការនឹងស្ដ្រីនៅស្រុកម៉ូអាប់ឈ្មោះ អ័រប៉ា និងនាងរស់ ។ ពួកគេបានមើលថែន៉ាអូមីរយៈពេល ១០ ឆ្នាំ ។
បន្ទាប់មក ស្វាមីរបស់អ័រប៉ា និងនាងរស់បានស្លាប់ ។ ឥឡូវនេះ ស្ត្រីទាំងនេះរស់នៅតែឯង ។ ន៉ាអូមីមិនអាចផ្ដល់អាហារឲ្យនាងរស់ និងអ័រប៉ាបានទេ ។
អ័រប៉ាបានត្រឡប់ទៅផ្ទះវិញ ។ ប៉ុន្តែនាងរស់ចង់នៅមើលថែន៉ាអូមី ។ នាងរស់ និងន៉ាអូមី បានឮពីស្រុកយូដា មានដំណាំឡើងវិញ នោះពួកគេបានធ្វើដំណើរទៅទីនោះ ។
នាងរស់ និងន៉ាអូមី បានមកដល់ស្រុកយូដានៅអំឡុងពេលប្រមូលផល ។ ពួកគាត់ត្រូវការអាហារ ។ សាច់ញាតិរបស់ន៉ាអូមី មានឈ្មោះថា បូអូស ជាម្ចាស់ស្រែនៅស្រុកយូដា ។ គាត់បានអនុញ្ញាតឲ្យនាងរស់យកផលស្រូវដែលនៅសល់នៅឯស្រែរបស់គាត់ ។ ការងារនោះវាលំបាកណាស់ ។
បូអូស គោរពនាងរស់ណាស់ ដោយសារនាងរស់ខិតខំធ្វើការ និងពីព្រោះនាងមានភក្តីភាពចំពោះ ន៉ាអូមី ហើយនិងព្រះអម្ចាស់ ។ គាត់បានប្រាប់បាវបម្រើគាត់ឲ្យទុកស្រូវនៅឯស្រែឲ្យនាងរស់ថែមទៀត ។
ន៉ាអូមី ចង់ឲ្យនាងរស់មានគ្រួសារ ។ គាត់បានលើកទឹកចិត្តឲ្យនាងរស់រៀបការនឹងបូអូស ។ នាងរស់បានដឹងថា ប្រសិនបើនាង និងបូអូសរៀបការ នោះពួកគាត់អាចថែរក្សាន៉ាអូមីជាមួយគ្នាបាន ។
នាងរស់ បានសម្រេចចិត្តទៅសុំ បូអូស រៀបការជាមួយនាង ។ បូអូស បានដឹងថានាងរស់ ជាស្រ្តីដែលមានភក្តីភាព និងគុណធម៌ ។ គាត់បានយល់ព្រម ។
នាងរស់ និងអូបូស បានរៀបការជាមួយគ្នា ។ មិនយូរប៉ុន្មាន នាងរស់ក៏មានកូនប្រុសម្នាក់ ។ គាត់បានក្លាយជាជីតារបស់ ដាវីឌ ដែលជាអនាគតស្តេច ។ ជាច្រើនឆ្នាំក្រោយមក ព្រះយេស៊ូវគ្រីស្ទបានប្រសូតនៅក្នុងវង្សត្រកូលនេះដែរ ។