« សាដ្រាក់, មែសាក់ និង អ័បេឌ-នេកោ » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« សាដ្រាក់, មែសាក់ និង អ័បេឌ-នេកោ » ដំណើររឿងព្រះគម្ពីរសញ្ញាចាស់
ដានីយ៉ែល ១; ៣
សាដ្រាក់; មែសាក់ និង អ័បេឌ-នេកោ
ការសាកល្បងដ៏គ្រោះថ្នាក់នៃសេចក្តីជំនឿ
ស្ដេចនេប៊ូក្នេសា បានសង់រូបសំណាកមាសដ៏ធំមួយ ហើយបានបង្ខំប្រជារាស្រ្តរបស់ទ្រង់ឲ្យថ្វាយបង្គំរូបសំណាកនោះ ។ ប្រសិនបើពួកគេបដិសេធ នោះពួកគេនឹងត្រូវដាក់ក្នុងគុកភ្លើង ។
សម្លាញ់របស់ដានីយ៉ែល ឈ្មោះថា សាដ្រាក់, មែសាក់ និង អ័បេឌ-នេកោ ស្រឡាញ់ព្រះ ហើយនឹងមិនថ្វាយបង្គំព្រះក្លែងក្លាយរបស់ស្តេចឡើយ ។ ស្ដេចបានខ្ញាល់នឹងពួកគេ ។
មិត្តសម្លាញ់ទាំងបីនាក់ទូលទៅស្តេចថា ពួកគេនឹងថ្វាយបង្គំតែព្រះប៉ុណ្ណោះ ។ ពួកគេបានជឿព្រះថាអាចការពារពួកគេ ។ ប៉ុន្តែទោះបីជាទ្រង់មិនសង្រ្គោះពួកគេក្តី ក៏ពួកគេនឹងនៅតែការពារអ្វីដែលពួកគេបានជឿដដែល ។
ស្តេចបានខ្ញាល់នឹងសាដ្រាក់, មែសាក់ និង អ័បេឌ-នេកោជាខ្លាំង ។ ទ្រង់បានបោះពួកគេចូលទៅក្នុងគុកភ្លើង ។ ប៉ុន្តែនៅពេលស្តេចទតមើលទៅក្នុងគុកភ្លើង ទ្រង់បានភ្ញាក់ផ្អើលដែលមើលឃើញតួអង្គសួគ៌ានៅក្នុងភ្លើងជាមួយបុរសទាំងបីនាក់នោះ ។ ពួកគេមិនត្រូវបានភ្លើងឆេះឡើយ ។
ស្តេចបានត្រាស់ហៅ សាដ្រាក់, មែសាក់ និង អ័បេឌ-នេកោ ហើយពួកគេបានដើរចេញពីឡភ្លើង ។ ភ្លើងមិនបានឆេះពួកគេ ឬឆេះសម្លៀកបំពាក់របស់ពួកគេទេ ។
សាដ្រាក់, មែសាក់ និង អ័បេឌ-នេកោ បានប្រតិបត្តិតាមព្រះបញ្ញត្តិរបស់ព្រះ ទោះបីជានៅពេលជីវិតរបស់ពួកគេស្ថិតក្នុងគ្រោះថ្នាក់ក្តី ។ គំរូរបស់ពួកគេបានជួយស្តេចឲ្យជឿលើព្រះដែរ ។