« អ័ប្រាហាំ និងអ៊ីសាក » ដំណើររឿងព្រះគម្ពីរសញ្ញាចាស់ ( ឆ្នាំ២០២០ )
« អ័ប្រាហាំ និងអ៊ីសាក » ដំណើររឿងព្រះគម្ពីរសញ្ញាចាស់
លោកុប្បត្តិ ១៧; ២១–២២
អ័ប្រាហាំ និងអ៊ីសាក
ឪពុកម្នាក់ កូនប្រុសម្នាក់ និងពលិកម្មមួយ
អ័ប្រាហាំ និង សារ៉ាមានកូនប្រុសតូចម្នាក់ ដូចដែលព្រះអម្ចាស់បានសន្យា ។ ពួកគេដាក់ឈ្មោះកូនថា អ៊ីសាក ។
ពួកគេស្រឡាញ់អ៊ីសាក ។ ពួកគេបានបង្រៀនគាត់ឲ្យជ្រើសរើសរឿងត្រឹមត្រូវ ហើយទុកចិត្តលើព្រះអម្ចាស់ ។
ព្រះអម្ចាស់បានសន្យានឹងអ័ប្រាហាំ និងសារ៉ាថា តាមរយៈអ៊ីសាកនោះគ្រួសាររបស់ពួកគេនឹងមានចំនួនច្រើនដើម្បីផ្ដល់ពរដល់ផែនដីទាំងមូល ។ ប៉ុន្តែនៅថ្ងៃមួយព្រះអម្ចាស់បានមានបន្ទូលប្រាប់អ័ប្រាហាំឲ្យនាំអ៊ីសាកទៅកាន់ភ្នំម៉ូរីយ៉ា ហើយថ្វាយអ៊ីសាកជាយញ្ញបូជា ។
នៅតាមផ្លូវរបស់ពួកគេទៅកាន់ភ្នំនោះ អ៊ីសាកបានសួរពីកន្លែងដែលយកកូនចៀមទៅធ្វើយញ្ញបូជា ។ អ័ប្រាហាំបានថ្លែងថា ព្រះអម្ចាស់នឹងប្រាប់ពីកន្លែងនោះ ។
នៅលើភ្នំម៉ូរីយ៉ា អ័ប្រាហាំបានសង់អាសនាមួយ ហើយបានដាក់ឧសនៅលើនោះ ។
ពេលព្រះអម្ចាស់បានបង្គាប់ អ័ប្រាហាំបានសុំឲ្យអ៊ីសាកដេកនៅលើអាសនានោះ ។ អ៊ីសាកបានទុកចិត្តអ័ប្រាហាំដូចជាព្រះអង្គសង្គ្រោះព្រះយេស៊ូវគ្រីស្ទបានទុកចិត្តលើព្រះវរបិតារបស់ទ្រង់ដែរ ។
ពេលអ័ប្រាហាំហៀបនឹងធ្វើយញ្ញបូជាដល់អ៊ីសាក នោះទេវតាមួយអង្គរបស់ព្រះអម្ចាស់បានបញ្ឈប់លោក ។ អ័ប្រាហាំបានបង្ហាញសេចក្ដីជំនឿរបស់លោកលើព្រះអម្ចាស់ ។ អ័ប្រាហាំបានដឹងថា លោកនឹងធ្វើតាមព្រះអម្ចាស់ជានិច្ច ។
អ័ប្រាហាំបានងាកមើល ហើយបានឃើញចៀមមួយក្បាលជាប់នៅក្នុងគុម្ពព្រៃ ។ ព្រះអម្ចាស់បានប្រទានចៀមនោះសម្រាប់ជាយញ្ញបូជា ។
អ័ប្រាហាំ និងអ៊ីសាកបានរៀនអំពីរបៀបដែលព្រះវរបិតាសួគ៌នឹងថ្វាយព្រះរាជបុត្រារបស់ទ្រង់ ព្រះយេស៊ូវគ្រីស្ទជាយញ្ញបូជា ។ ព្រះអម្ចាស់ព្រះយេស៊ូវគ្រីស្ទបានទុកចិត្តអ័ប្រាហាំ ដោយសារលោកបានគោរពតាម ។ អ័ប្រាហាំបានទុកចិត្តលើការសន្យារបស់ព្រះអម្ចាស់ថា នៅថ្ងៃមួយគ្រួសារលោកនឹងមានចំនួនច្រើនលើសពីចំនួនផ្កាយនៅលើមេឃទៅទៀត ។