Գլուխ 21

Սփոփող Միություն. Աստծո կողմից ստեղծված՝ հօգուտ Սրբերի

Սփոփող Միությունը հաստատվել է աստվածային իշխանությամբ՝ կարիքավորներին սփոփելու և Սիոնի կանանց հոգևոր բարօրությունը բարձրացնելու համար:

Ջոզեֆ Ֆ. Սմիթի կյանքից

Նախագահ Ջոզեֆ Ֆ. Սմիթը ասել է, որ Սփոփող Միությունը «ստեղծվել է, հաստատվել է, կարգվել է Աստծո կողմից»:¹ Նա մասնակցել է Սփոփող Միության շատ տոնակատարություններին, սիրով և հիացմունքով խոսելով կանանց աշխատանքի մասին: 1892թ. մարտի 17-ին Սփոփող Միությունը նշեց իր 50- ամյակը՝ Արծաթե տարեդարձը նշանավորող իր ծառայություններով: Սոլթ Լեյքի Թաբերնաքլում և Եկեղեցու ճյուղերում, ծխերում և ցցերում Սփոփող Միության և քահանայության ղեկավարները իրենց գնահատանքի տուրքը մատուցեցին Սփոփող Միության հիմնադրման և Եկեղեցու կանանց երկարատև տարիների ծառայության համար:

Ողջ աշխարհում տեղի ունեցած այդ հավաքների մասնակիցներին խնդրել էին միաժամանակ աղոթել: Նախագահ Ջոզեֆ Ֆ. Սմիթը, որն այն ժամանակ Նախագահ Վիլֆորդ Վուդրուֆի Խորհրդականն էր, Թաբերնաքլում հատուկ գովքի և երախտագիտության աղոթք ասաց. «Դու մեզ տվել ես լույս, որը ուրախությամբ է լցրել մեր սրտերը և օգնել ծառայելու Քեզ … Դու տվել ես մեզ երկրի վրա Քո Եկեղեցին հիմնադելու և արդարակեցություն փնտրելու ցանկություն»,- ասաց նա: «Օրհնիր … Սփոփող Միության անդամներին ողջ աշխարհում, Սիոնում և օտար երկրներում, ծովի կղզիներում և որտեղ էլ որ նրանք հավաքվեն միասին … Եղիր նրանց հետ Քո հոգով, որպեսզի օրհնես նրանց, ուրախացնես նրանց սրտերը՝ Քո առաջ»:²

Ջոզեֆ Ֆ. Սմիթի ուսմունքները

Սփոփող Միությունը հաստատվել է Աստծո կողմից:

Ինչպիսի՜ հզոր, ինչպիսի՜ մեծ և ինչպիսի՜ զորավոր կազմակերպություն է Հիսուս Քրիստոսի Վերջին Օրերի Սրբերի Եկեղեցու Սփոփող Միության կազմակերպությունը:³

Ներկայումս չկա կանանց մեկ այլ կազմակերպություն աշխարհում, որն ունենա աստվածային իշխանության նման բարձր դիրթ: Մյուս կազմակերպությունները տղամարդկանց կամ կանանց կողմից են ստեղծվել … Այս կազմակերպությունը ստեղծվել, լիազորվել, հաստատվել և կարգվել է Աստծո կողմից՝ ծառայելու կանանց և տղամարդկանց հոգիների փրկության համար: Այդ իսկ պատճառով չկա մեկ այլ կազմակերպություն, որ համեմատվի նրա հետ, որ կարողանա երբևէ գրավի նման դիրք, եթե միայն Տերը չկազմակերպի մեկ ուրիշը: Եվ եթե Նա անի զա, Նա կանի զա ոչ այլ կերպ, քան քահանայության միջոցով, այն նույն քահանայության, որի միջոցով կազմակերպեց այս մեկը:⁴

Կանայք կարող են կազմակերպել ակումբներ և միություններ, նրանք կարող են ընդունել դրանց օրենսդրությունները, համաձայնագրերի հոդվածները և դրանք ի կատար ածելու օրենքները և նման այլ բաներ: Մի՛ մոռացեք, որ դրանցից ոչ մեկը չի կարող համեմատվել Հիսուս Քրիստոսի Վերջին Օրերի Սրբերի Եկեղեցու ծխի կանոնավոր կերպով կազմակերպված Սփոփող Միության հետ … Պետք չէ, որ դուք առաջնորդվեք աշխարհի կանանց կողմից, դուք պետք է ձեր ետևից տանեք աշխարհը, և հատկապես աշխարհի կանանց, այն ամենում, ինչը արժանավայել է, Աստվածանման, վեհացնող և մարդկանց զավակներին մաքրագործող … Առաջին տեղում դրեք [Սփոփող Միությունը], համարեք այն ամենակարևորը, համարեք այն աշխարհում գոյություն ունեցող ցանկացած կազմակերպությունից ամենաբարձր, լավագույն և ամենալուրջ կազմակերպությունը: Դուք Աստծո Մարգարեի ձայնով կոչված եք կատարելու զա, լինելու ամենաբարձրը, ամենահրաշալին և լավագույնը, ամենամաքուրը և ամենանվիրվածը այն բանին, ինչը ճշմարիտ է, և ձեր պարտականությունն է վայելել ձեր արտոնությունները և ձեռք բերել այն ամենը, ինչը կապված է ձեր կոչման հետ և ինչը զուք պետք է ժառանգեք Տիրոջից և Նրա պարգևներից:⁵

Սփոփող Միությունը պետք է հոգ տանի կարիքավորների համար, սփոփի և լուսավորի:

Ես հավատում եմ, որ մեր Սփոփող Միությունը վիթխարի աշխատանք է տանում մարդկանց մեջ … Դա կազմակերպություն է, որն էական դեր ունի Իսրայելի բարօրության, Սիոնի քույրերի, մայրերի և դուստրերի բարեկեցության համար:⁶

Երկու խոսք Սփոփող Միության մասին: Սա մի կազմակերպություն է, որը հաստատվել է Մարգարե Ջոզեֆ Սմիթի կողմից: Ուստի, այն Եկեղեցու ամենահին օժանդակ կազմակերպությունն է, և այն առաջնակարգ դեր ունի: Այն ոչ միայն պետք է հոգա աղքատների, հիվանդների և կարիքավորների մասին, այլ նրա պարտականության մի մասն է, և ամենամեծ մասը նաև, հետևել Սիոնի մայրերի և դուստրերի հոգևոր բարօրությանը և փրկությանը, հավաստիանա, որ ոչ ոք անտեսված չէ, այլ որ բոլորը պաշտպանված են անհաջողությունից, դժբախտությունից, խավարի ուժերից, և աշխարհում նրանց սպառնացող չարից: Սփոփող Միությունների պարտականությունն է հետևել իրենց և Եկեղեցու բոլոր կին անդամների հոգևոր բարօրությանը:⁷

Ուրիշ որտե՞ղ երկրի վրա մենք պետք է փնտրենք բարին, ճշմարտության հոգին, անկեղծությունը, աստվածային սերը, համբերությունը և երկայնամտությունը, ներողամտությունը և տոկունությունը, գթությունը և այլ երանելի բաներ, եթե ոչ կազմակերպություններում, որոնք ծառայում են զարգացնելու Սիոնի մայրերին և դուստրերին: Ինչպիսի՜ ուժ ունեք, իմ սիրելի քույրե՝ր, ձեր պարտականությունները կատարելիս, ձեր կոչումներում ծառայելիս որպես գթացող հրեշտակներ տառապյալների և ոտնահարվածների, ընկածների, մոլորվածների, թույլերի և օգնություն ակնկալողների համար, ուժ, որը դուք ունեք և կարող եք ունենալ Աստծո ժողովրդի մեջ և այլ մարդկանց մեջ, ում հետ ձեզ բախտ կվիճակվի շփվել:

Որտեղ էլ որ սփոփելու կարիք կա՝ գոյություն ունի այս կազմակերպությունը, այն միշտ մոտ է և պատրաստ տրամադրելու անհրաժեշտ սփոփումը: Որտեղ էլ որ կյանքի սկզբունքների, ճիշտ ապրելու սկզբունքների գիտելիքի պակասություն կա, այս կազմակերպությունը մոտ է, առձեռն՝ խելամտություն տալու, լուսավորելու և օրինակով ու ցուցումով սովորեցնելու նրանց, ովքեր նման օգնության և աջակցության կարիքն ունեն:

Որտեղ էլ որ տգիտության կամ առնվազն անհասկացողության պակաս գոյություն ունի, ինչ վերաբերում է ընտանիքին, ընտանեկան պարտականություններին, այն պարտականություններին, որոնք պետք է գոյություն ունենան և որոնք իրավացիորեն գոյություն ունեն ամուսնու և կնոջ, ծնողների և երեխաների միջև, այնտեղ գոյություն ունի այս կազմակերպությունը, այն մոտ է՝ առձեռն, և այս կազմակերպությանը հատուկ բնական օժտվածությամբ ու ոգեշնչմամբ նրանք պատրաստված են և պատրաստ ուսուցանելու այս կարևոր պարտականությունների վերաբերյալ: Որտեղ որ անփորձ երիտասարդ մայր կա, որը պետք է հոգ տանի և խնամի իր երեխային, կամ դարձնի իր տունը հաճելի, գրավիչ ու ցանկալի վայր իր և իր ամուսնու համար, այս կազմակերպությունը գոյություն ունի իր այս կամ այն ձևով, որպեսզի սովորեցնի այդ երիտասարդ մորը և օգնի նրան լավ կատարելու իր պարտականությունները: Եվ որտեղ որ փորձի պակասություն կա երեխաներին բնական, սնուցող և առողջ սնունդ պատրաստելու համար, կամ որտեղ որ երեխաներին հոգևոր ուսուցում և հոգևոր սնունդ տալու կարիքը կա, Հիսուս Քրիստոսի Վերջին Օրերի Սրբերի Եկեղեցու Սփոփող Միությունների կազմակերպություններում և Սիոնի մայրերի և դուստրերի կազմակերպություններում կան այնպիսիք, որ կարող են նման գիտելիքներ տալ:⁸

Հոգ տարեք կարիքավորների համար ավելի ջանասիրաբար, քան երբևէ … Մենք վախենում ենք, որ կան այնպիսիք, որ կարող է անձայն տառապեն, սակայն որոնք օգնության ձեռքի կարոտ են: Ձեր վրա դրված պարտականությունն է՝ օգնել ձեր շրջապատում գտնվող նման մարդկանց: Հիշե՛ք ծերերին և հոգ տարեք որբերի և այրիների մասին:⁹

Վերջերս ես պատիվ ունեցա այցելել Սիոնի հեռավոր մի Ցցի մեր բնակավարերից մեկը, որտեղ հիվանդությունն էր մոլեգնում և չնայած մենք մի քանի օր արդեն ճամփորդում էինք և այդ բնակավայր հասանք երեկոյան, մեզ թախանձագին խնդրեցին նախագահի հետ շրջել և այցելել հիվանդներին: Մենք տեսանք մի աղքատ կնոջ՝ պառկած անկողնում, շատ ծանր վիճակում: Նրա խեղճ ամուսինը իր կնոջ ծանր հիվանդությունից շփոթված, նստած էր նրա անկողնու մոտ: Այդ կինը մի քանի երեխաների մայր էր, որոնք խմբվել էին այնտեղ: Ինչպես երևում էր, ընտանիքը շատ չքավոր պայմաններում էր:

Շուտով նրանց տուն եկավ մի հմայիչ կին, իր հետ բերելով մի զամբյուղ, որը լի էր սննդարար ուտելիքով և մի քանի նրբաճաշակ խորտիկներով, որոնք այդ տառապող ընտանիքի համար էին: Հարցուփորձից իմացանք, որ ծխի Սփոփող Միությունը նրան հանձնարարել էր հետևել և խնամել այդ կնոջը ողջ գիշեր: Նա եկել էր պատրաստված, որպեսզի հոգ տանի երեխաների համար՝ լողացնի, կերակրի և քնեցնի նրանց, մաքրի տունը և ինչպես հարկն է ծառայի այդ տառապող կնոջն ու նրա ընտանիքին: Մենք նաև իմացանք, որ մեկ այլ բարի քույր էլ նրան փոխարինելու պիտի գար վաղը, և այդպես շարունակ ամեն օր այս աղքատ, տառապյալ ընտանիքը ամենաբարի հոգածությանն ու ուշադրությանն էր արժանանում Սփոփող Միության քույրերի կողմից, մինչև որ հիվանդն առողջացավ:

Մենք իմացանք նաև, որ այս Սփոփող Միությունն այնպես էր կազմակերպված և գործում, որպեսզի այդ բնակավայրի բոլոր հիվանդները նման ուշադրության և ծառայության արժանանային՝ սփոփվելով և մխիթարվելով: Նախկինում երբեք ես այդքան ակնհայտորեն չէի տեսել այս մեծ կազմակերպության օգտակարության և գեղեցկության հաստատումը, ինչպես այս օրինակում, որի մասին մենք վկայեցինք, և ես մտածում էի՝ ինչպիսի՜ ողորմածություն է, որ Տերը ոգեշնչեց Մարգարե Ջոզեֆ Սմիթին նման կազմակերպություն հաստատել Եկեղեցում:¹⁰

Սփոփող Միության քույրերը պետք է ձգտեն հավատք և հոգևոր ուժ կառուցել իրենց և նրանց մեջ, ում ծառայում են:

Ով կարող է ներկայացնել լավ կազմակերպված և հիմնավորապես կարգապահության վարժեցված Սփոփող Միության կողմից Սրբերի հանդեպ ցուցաբերված բարության չափը, ոչ միայն աշխարհիկ իմաստով, այլ նաև հոգևոր տեսակետից: Աշխատանքը բարեգործական է և, հավանաբար, չկա ոչ մի բան, որը կունենա ավելի զորավոր և խորը ազդեցություն, քան ճիշտ ուղղորդված գթությունը, որը կոչված է շահելու մեր մտերիմների վստահությունն ու սերը: Եվ շահելով նրանց վստահությունը ողորմածության հասարակ գործերով, դուռը բաց է՝ շահելու նրանց հոգիները և առաջնորդելու նրանց դեպի հավատքի նոր բարձունքներ և հոգևոր կատարելություն. և ի վերջո, հոգևորն ավելի մեծ արժեք ունի, քան սոսկ աշխարհիկը …

Եվ վերջապես ավելի լավ է սովահար լինել կամ նույնիսկ մահանալ աշխարհիկ սննդի պակասից, քան հյուծվել և մահանալ մտավոր և հոգևոր գիտելիքի պակասից, որոնք կարևոր են հավերժական կյանքի պարգևն ունենալու համար, որն Աստծո մեծագոգն պարգևն է: Ինձ համար ավելի կարևոր է ունենալ հավերժական ճշմարտության սկզբունքների գիտելիքը, քան ուտելիք կամ հագուստ: Թեև մենք ցանկանում ենք ունենալ թե աշխարհիկ, և թե հոգևոր սնունդ, և Աստված այնպես է նախասահմանել որ այդ երկուսն էլ հեշտ հասանելի լինեն ողջ մարդկության համար, եթե միայն նրանք պահեն Նրա օրենքները և ապրեն ըստ դրանց:

Սրանում է կայանում Սփոփող Միությունում աշխատողի արտոնությունը՝ վերցնել փոքրիկներին իրենց մանկության տարիքից և օգնել ուսուցանել նրանց, որ լինեն առաքինի և ազնիվ, հավատան Աստծուն՝ Հավերժական Հորը և Նրա Որդու աստվածային առաքելությանը: Եվ ուսուցանեն մայրերին, որ այս ձևով դաստիարակեն իրենց փոքրիկներին: Սա կարևոր պարտականություն է, անգամ շատ կարևոր, քան պարզապես բավարարել աշխարհիկ կարիքները, որոնք դուք ունեք, ի՝մ քույրեր: Իսկապես ամեն կերպ և ամենուր ձեր ուժերի ներածին չափով բարիք գործելու ձեր արտոնություններին կամ բացառիկ իրավունքին սահման չկա:¹¹

Սփոփող Միության ջանքերը մեծապես ուղղված են բավարարելու Եկեղեցու ժողովրդի կյանքի նյութական, աշխարհիկ կարիքները, թեպետ նրանց ջանքերի ազդեցությունը կարող է անցնել մահկանացու կյանքից այն կողմ, քանի որ դրանք անդրադառնում են հոգևոր աճի վրա այնպես, ինչպես աշխարհիկ կարիքների վրա … Ձեր պարտավորության մի մասն է հոգ տանել հայրազուրկների և անօգնականների մասին, ոչ միայն բավարարելով նրանց աշխարհիկ ցանկությունները, այլ ուղղակիորեն հետևելով նրանց մտավոր և հոգևոր զարգացմանը: Իրականում դուք պետք է լինեք մայրեր մայր չունեցողների համար և օգնողներ անօգնականների համար: Այդ բոլոր լավ գործերում Եկեղեցին կանգնած է ձեր թիկունքին՝ ձեզ օգնելու նպատակով:¹²

Ամենակարևորը հոգևոր բաներն են, որոնք ամրապնդում են տղամարդկանց և կանանց հավատքը, որոնք պարգևում են լույս, բանականություն և զորություն դիմադրելու չարին և չարի գայթակղություններին, զորություն՝ զանազանելու մարդկանց խաբեությունները, որ մոլորեցնում են խաբեբայության խորամանկությունով: Այդ բանականությունը, այդ հոգևոր գիտելիքը, հոգևոր բանականությունը, որը հնարավորություն կտա ձեզ տարբերել ճիշտը սխալից, լույսը խավարից և բարին չարից, սա է ամենամեծ բանը մեզ համար, որին պետք է ձգտել և ձեռք բերել:¹³

Մտածեք Մորաքույր Էմիի մասին [Էմիլի Բ. Վելս, Սփոփող Միության գերագույն նախագահ] … որը եկել է Եկեղեցի, երբ փոքր աղջնակ էր, կրելով փորձություններ, դժբախտություններ և հիասթափություններ, և այն ամենը, ինչը անհանգստություն և հոգս էր պատճառում Վերջին Օրերի Սրբերի կյանքում այն ժամանակ, երբ նրանք դուրս էին եկել Միսուրիից և Նավուից՝ շարժվելով դեպի լեռների Հովիտները, անցնելով անապատների միջով, չունենալով ոչ մի տեղ, որ դնեն իրենց ոտքերը և գլուխը: Հուսահատվա՞ծ էր նա: Հուսահատվա՞ծ էր իմ մայրը: Հուսահատվա՞ծ էր մորաքույր Վիլայթ Քիմբալը: Ա՛չ. նրանք այդ ամենը համարում էին չնչին և անարժեք բաներ, քանզի նրանց հոգում ծնվել էր Աստծո լույսը և Նրա ճշմարտությունը: Կարո՞ղ էիք այդ կանանցից որևէ մեկին հեռացնել Հիսուս Քրիստոսի Վերջին Օրերի Սրբերի Եկեղեցում ունեցած իրենց համոզմունքներից: Կարո՞ղ էիք մթագնել նրանց միտքը՝ ինչ վերաբերում է Մարգարե Ջոզեֆ Սմիթի առաքելությանը: Կարո՞ղ էիք կուրացնել նրանց ինչ վերաբերում է Հիսուս Քրիստոսի՝ Աստծո Որդու առաքելությանը: Ո՛չ, երբեք աշխարհում դուք չէիք կարող դա անել: Ինչո՞ւ: Որովհետև նրանք գիտեին դա: Աստված հայտնել էր դա նրանց, և նրանք հասկացել էին դա և ոչ մի ուժ երկրի վրա չէր կարող շեղել նրանց այն բանից, ինչը նրանք գիտեին, որ ճշմարիտ է: Մահը ոչինչ էր նրանց համար: Դժվարությունները ոչինչ էին: Սառնամանիքը կամ անձրևը, կամ էլ տոթը ոչինչ էին նրանց համար: Այն ամենը, ինչ նրանք զգում էին, գիտեին և ցանկանում էին, դա Աստծո արքայության հաղթանակն էր և ճշմարտությունը, որ Տերը տվել էր իրենց:

Օ՜, իմ հոգի, որտե՞ղ են այժմ այս կանայք: Փառք Աստծուն մենք ունենք նրանց նման մի քանիսը, նրանք շատ են: Սակայն մենք ունենք նաև մի քանիսը, որոնք այդպիսին չեն … Դուք ուշադիր զննում եք նրանց կյանքը, նրանց սրտերը և սովորույթները, հետևում եք այն ամենին, թե ինչ են անում իրենց տներում, և տեսնում եք, որ նրանք ամենևին էլ այն չեն, ինչ մենք ենք փնտրում, նրանք այնպիսին չեն, ինչպիսին ավետարանն է դարձնում տղամարդկանց և կանանց, որոնք ընդունում են ավետարանը և ապրում ըստ դրա, քանի որ նրանք չգիտեն ավետարանը, ոչ էլ ապրում են դրանով: Այնուամենայնիվ, արտաքինից ձեզ կթվա, թե նրանք ամեն ինչ ունեն և ունեն ողջ լույսն ու հավատքը, ամեն իմաստություն և գիտելիք, սակայն դա այդպես չէ, այդպես չէ: Երբ ինչպես կանայք, այնպես էլ տղամարդիկ դադարում են Աստված կանչել աղոթքով, ուրեմն ինչ-որ բան պակասում է … Նրանք իրենց հոգում անկայուն են, չունեն հավատք, չունեն սեր, որ պետք է ունենային:¹⁴

Աստծո խոսքը և օրենքը կարևոր են ինչպես կանանց համար, ովքեր ցանկանում են կատարել իմաստուն եգրահանգումներ, այնպես էլ տղամարդկանց համար: Կանայք պետք է վերջին օրերի այս մեծ աշխատանքի խնդիրներն ուսումնասիրեն և խորհեն դրանց շուրջ Աստծո հայտնությունների տեսանկյունից, ինչպես որ հուշում է Նրա Հոգին, և նրանց իրավունքն է ստանալ դա անկեղծ և սրտառուչ աղոթքով:¹⁵

Եկեք աշխատենք Եկեղեցու աշխարհիկ և հոգևոր բարօրության ուղղությամբ, և եկեք այնուամենայնիվ ավելի տքնաջան աշխատենք հոգևոր վեհացման և հոգևոր օգնության, և հոգևոր կյանքի ու Եկեղեցու փրկության համար:¹⁶

Սփոփող Միությունը անկախ չէ Աստծո Որդու քահանայությունից:

Սփոփող Միության աշխատանքում ներգրավված մեր քույրերը … վայելում են մեր հարգանքը, մեր լրիվ վստահությունը: Տիրոջ օրհնությունները կլինեն նրանց հետ: Նա օրհնել է անցյալում և Նա կշարունակի օրհնել նրանց այնքան ժամանակ, քանի դեռ նրանք կշարունակեն աջակցել Աստծո Քահանայությանը, որը ուղարկվել է երկիր՝ առաջնորդելու Եկեղեցին և խորհուրդներ տալու Աստծո թագավորության գործերի վերաբերյալ:¹⁷

Ես ցանկանում եմ ասել … Սփոփող Միությանը … և Եկեղեցու մնացած բոլոր կազմակերպություններին, որ նրանցից ոչ մեկն անկախ չէ Աստծո Որդու Քահանայությունից, նրանցից ոչ մեկը չի կարող մեկ պահ անգամ Տիրոջ կողմից ընդունվել, եթե հեռանան Քահանայություն կրողների և իրենց վրա նախագահողների ձայնը և խորհուրդը լսելուց: Նրանք ենթակա են Եկեղեցու զորություններին և իշխանությանը, և նրանք անկախ չեն նրանցից, ոչ էլ կարող են իրենց կազմակերպություններում որևէ իրավունք գործադրել Քահանայությունից և Եկեղեցուց անկախ:¹⁸

Իմ հոգու խորքում ես մեկ ցանկություն ունեմ այս ազնվազարմ գործում ներգրավված բոլոր լավ կանանց համար, ես ցանկանում եմ, որ Աստված օրհնի նրանց, պահպանի նրանց կյանքը, օգնի, որ լինեն հաստատուն և ճշմարիտ Սիոնի գործի հանդեպ իրենց նվիրվածության մեջ, և օգնի իրենց հոգում զգալ, որ չկա ոչինչ, որ պետք է վեր դասել Հիսուս Քրիստոսի Վերջին Օրերի Սրբերի Եկեղեցուց, և չկա ավելի լավ բան, քան սելեստիալ թագավորության Եկեղեցին: Եկեղեցին ունի Աստծո զորությունը, արդարակեցությունը, ճշմարտությունը և աստվածային իշխանությունը, երկրի վրա Նրա կամքը կատարելու համար:¹⁹

Ուսումնական առաջարկություններ

• Ինչպիսի՞ իշխանությամբ էր կազմակերպվել Սփոփող Միությունը: Ինչպե՞ս է այն գիտելիքը, որ Սփոփող Միությունը աստվածային ուժով է հաստատվել, օգնում քույրերին կատարել իրենց պարտականությունները: Ինչպե՞ս է այդ գիտելիքը օգնում քահանայություն կրողներին աջակցել Սփոփող Միությանը:

• Ինչպե՞ս կարող են Սփոփող Միության քույրերը «իրենց ետևից տանել … աշխարհի կանանց» այն ամենում, ինչը գովասանքի արժանի է, վեհացնող և մաքրագործող (Տե‘ս նաև Հավատո Հանգանակներ 1.13:)

• Ինչպե՞ս կարող են Սփոփող Միության քույրերը ծառայել «իրենց կոչումներում որպես գթացող հրեշտակներ տառապյալների և ոտնահարվածների համար»: Ինչպե՞ս կարող ենք գտնել նրանց, ովքեր «անձայն են տառապում»:

• Ինչպե՞ս կարող է Սփոփող Միությունը, որպես կազմակերպություն, մխիթարել: Ինչպե՞ս կարող է այն ուսուցանել ճիշտ ապրելու սկզբունքները: Ինչպե՞ս այն կարող է ավելացնել իրենց ընտանիքների հանդեպ ունեցած պարտականությունների վերաբերյալ կանանց հասկացողությունը:

• Ինչո՞ւ են հոգևոր բաներն ամենամեծ բաները: Իչպե՞ս կարող է «ճիշտ ուղղորդված գթությունը» և «ողորմածության հասարակ գործերը» օգնել մեզ առաջնորդել հոգիներին դեպի «հավատքի նոր բարձունքներ և հոգևոր կատարելություն»:

• Ի՞նչն է տպավորվել ձեզ մոտ Սփոփող Միության քույրերի հատկանիշներից, որոնց մասին գրված է այս գլխում:

• Ինչպե՞ս է Սփոփող Միությունը օրհնվում քահանայության կողմից ղեկավարվելով:

• Ինչպե՞ս է Սփոփող Միության «ազնվազարմ գործը» օրհնել ձեր կյանքը:

Հղումներ

1. Minutes of the General Board of the Relief Society, 17 Mar. 1914, Historical Department Archives, The Church of Jesus Christ of Latter-day Saints, 54.

2. Minutes, 17 Mar. 1892, 233–34.

3. Minutes, 17 Mar. 1914, 51.

4. Minutes, 17 Mar. 1914, 54–55.

5. Minutes, 17 Mar. 1914, 55–56.

6. In Conference Report, Apr. 1914, 3–4.

7. Gospel Doctrine, 5th ed. (1939), 385.

8. Minutes, 17 Mar. 1914, 49–51; paragraphing added.

9. “Epistle to the Relief Society concerning These War Times,” Relief Society Magazine, July 1917, 364.

10. Woman’s Exponent, May 1903, 93; paragraphing added.

11. Woman’s Exponent, May 1903, 93; paragraphing added.

12. Woman’s Exponent, May 1903, 93.

13. Minutes, 17 Mar. 1914, 57.

14. Minutes, 17 Mar. 1914, 58–60; paragraphing added.

15. Gospel Doctrine, 290.

16. Minutes, 17 Mar. 1914, 63.

17. In Conference Report, Oct. 1906, 9.

18. Gospel Doctrine, 383.

19. “ ‘Peace on Earth, Good Will to Men,’ ” Relief Society Magazine, Jan. 1915, 16.