iVakaleka ni iTukutuku Makawa

Na ituvatuva vagauna oqo e vakarautaka e dua na itukutuku lekaleka makawa ni ivakavuvuli nei Peresitedi Joseph Fielding Smith ena ivola oqo.

19 ni Julai, 1876	Sucu e Salt Lake City, Utah, mai vei rau o Julina Lambson Smith kei Joseph F. Smith.
19 ni Julai, 1884	Papitaiso ka vakadeitaki mai vei tamana. Taura mai vei tamana na imatai ni nona ilavelave ni iVola i Momani.
6 ni Epereli, 1893	Tiko ena vakatabui ni Valetabu e Salt Lake.
1896	Ciqoma na Matabete i Melikiseteki kei na edaumeni ni valetabu.
26 ni Epereli, 1898	Vakamautaki Louie Emily Shurtliff ena Valetabu e Salt Lake.
Me 1899 ki na Julai 1901	Lesi me veiqaravi vakadaukaulotu tudei ki Igiladi.
1901 ki na 1910	Veiqaravi ena vuqa na veikacivi ni Lotu, oka kina vaka peresitedi ena dua na kuoramu, lewe ni matabose raraba ni Young Men’s Mutual Improvement Association, lewe ni matabose e cake, lewe ni komiti raraba ni Lotu lesi me vakarautaka na gacagaca eso ni taqomaki ni Lotu.
Okotova, 1901	Tekivu cakacaka ena valenivolavola ni Dauniitukutuku Makawa ni Lotu.
1902	Tabaka e dua na ivolalailai ni tuvakawa ka vakatokai Asael Smith of Topsfield, Massachusetts, kei na Some Account of the Smith Family. Qo sa imatai ni vuqa na ka a tabaka o koya okati kina na 25 na ivola kei na vica vata na itukutuku ena mekasini kei na ivolatabaki ni Lotu.
8 ni Epereli, 1906	Tokoni vaka iVukevuke ni Dauniitukutuku Makawa ni Lotu ena koniferedi raraba, na itutu ka taura tu me yacova na Maji ni 1921.
30 ni Maji, 1908	Mate o Louie Shurtliff Smith ni oti e dua na tauvimate levu mai na ikatolu ni nona vakaluveni.
2 ni Noveba, 1908	Vakamautaki Ethel Georgina Reynolds ena Valetabu e Salt Lake.
7 ni Epereli, 1910	Tabaki me iApositolo mai vei tamana.
Okotova 1918	Vola e dua na ivakatakila me baleta na nodra vueti mai na mate me vaka a talaucaki tiko mai vei tamana, ka Peresitedi tu ni Lotu ena gauna o ya. Na ivakatakila oqo e kunei ena gauna oqo ena Vunau kei na Veiyalayalati 138.
6 ni Janueri, 1919	Digitaki me dua na daunivakasala ena mataveiliutaki ni Valetabu e Salt Lake, e dua na itutu ka taura tu me yacova na 1935.
17 ni Maji, 1921	Vakatokai me Dauniitukutuku Makawa ni Lotu, e dua na itutu ka taura tu me yacova na 1970.
1934	Digitaki me Peresitedi ni Genealogical Society e Utah, na itutu ka taura tu me yacova na 1961.
26 ni Okosita, 1937	A mate o Ethel Reynolds Smith ni oti nona a tauvimate balavu tu mai me va na yabaki.
12 ni Epereli, 1938	Vakamautaki Jessie Ella Evans ena Valetabu e Salt Lake.
Me ki na Noveba ni 1939	Taura e dua na ilesilesi digitaki kei Jessie e Urope, ka sikovi Igiladi, Sikoteladi, Oladi, Belgium, Varanise, Siwitisaladi, Itali, Siwiteni, Nowei, Denmark, Czechoslovakia, Austria, kei Jamani. Dusimaka na nodra vueti kece na daukaulotu ni Merika mai Urope ni oti na kacabote ni iKarua ni iValu Levu kei Vuravura.
8 ni June, 1945	Kacivi me veiqaravi vaka Peresitedi ni Valetabu e Salt Lake, na itutu ka taura tu me yacova na 1949.
6 ni Okotova, 1950	Vakatikori me Peresitedi Vakatawa ni Kuoramu ni iApositolo Le Tinikarua.
9 ni Epereli, 1951	Tokoni me Peresitedi ni Kuoramu ni iApositolo Le Tinikarua.
Julai ki na Okosita 1955	Taura e dua na ilesilesi digitaki e Esia, ena nona veitomani o Jessie. Vakatabui Guam, Korea, Okinawa, kei Philippines ki na vunautaki ni kosipeli.
Sepiteba 1958	Tiko ena vakatabui ni Valetabu e London Egland.
Okotova 1960 ki na Janueri 1961	Tomani koya voli o Jessie, ena nona sikovi ira yani na iliuliu ni Lotu kei ira na daukaulotu e Loma kei na Ceva kei Merika.
Me 1963	Vakaitavi ena vakadavori ni vatuivakadei ni Valetabu e Oakland California Temple.
Sepiteba 1963	Vakatabuya na nodra iVakananumi ni iVuvu mai Kansas City, Missouri, kei na Vanua iVakananumi Makawa ni Valeniveivesu na Liberty e Liberty, Missouri.
29 ni Okotova, 1965	Kacivi me veiqaravi me dua na Daunivakasala ena Mataveiliutaki Taumada ena ruku ni veidusimaki nei Peresitedi David O. McKay.
18 ni Janueri, 1970	Sa mai iApositolo qase duadua ka daunivakatulewa sara ena Lotu ni sa mate o Peresitedi David O. McKay.
23 ni Janueri, 1970	Vakatikori me Peresitedi ni Lotu i Jisu Karisito ni Yalododonu Edaidai.
6 ni Epereli, 1970	Tokoni me Peresitedi ni Lotu ena koniferedi raraba.
3 ni Okosita, 1971	Mate o Jessie Evans Smith.
27–29 ni Okosita, 1971	Dabe vakatulewa ena imatai ni koniferedi ni Lotu ni iwasewase ka vakayacori mai Manchester, e Igiladi.
18 ni Janueri, 1972	Solia na masu ni veivakatabui ni Valetabu na Ogden Utah.
9 ni Feperueri, 1972	Vakatulewa ena vakatabui ni Valetabu na Provo Utah. Ni oti nona vola na masu ni veivakatabui, a lesi Peresitedi Harold B. Lee me cavuta na masu.
2 ni Julai, 1972	Mate e Salt Lake City, Utah, ni vo e 17 na siga ni bera na ika 96 ni nona siganisucu.