Դաս 19․ Ուսուցչի նյութ

Մայրերի սրբազան պարտականությունները

Տասներկու Առաքյալների Քվորումից նախագահ Մ․ Ռասսել Բալլարդն ասել է. «Չկա որևէ դեր կյանքում, որն ավելի կարևոր և հավերժական լինի, քան մայրությունը» («Աստծո դուստրերը», Լիահոնա, մայիս 2008, 108): Այս դասի ժամանակ ուսանողները կբացատրեն մայրության հավերժական բնույթը և մյուսներին դաստիարակելու արժեքը: Նրանք կքննարկեն, թե ինչպես է Փրկիչը դաստիարակության օրինակ հանդիսանում: Ուսանողները կսովորեն նաև մայրության մասին սկզբունքները բացատրել ուրիշներին:

Ուսուցման առաջարկներ

Բարելավենք մեր ուսուցումը և ուսումնասիրությունը

Որոշեք տեմպը Խուսափեք շատ ժամանակ ծախսել դասի առաջին կեսի վրա, իսկ հետո ստիպված կլինեք շտապել դասի մնացած մասում։ Պատրաստվելիս որոշեք, թե որքան ժամանակ կպահանջվի ուսանողներից դասի յուրաքանչյուր բաժինի համար` ձեր ընտրած ուսուցման մեթոդները կիրառելիս։ Անհրաժեշտության դեպքում հարմարեցրեք մեթոդները, հիմնվելով ձեր ուսանողների կարիքների և հետաքրքրությունների վրա։

Մայրերը դաստիարակելու սրբազան պարտականություն ունեն

Ցուցադրեք նախագահ Ռասսել Մ. Նելսոնի հետևյալ հայտարարությունը.

Որպես բժիշկ իմ մասնագիտական կարիերայի ընթացքում ինձ երբեմն հարցնում էին, թե ինչու ընտրեցի այդ դժվարին աշխատանքը: Ես պատասխանում էի, որ իմ կարծիքով բարձրագույն և ազնվագույն աշխատանքը այս կյանքում մոր գործն է: Քանի որ այդ տարբերակը մատչելի չէր ինձ համար, մտածեցի, որ հիվանդներին խնամելը կարող էր մոտ լինել դրան: …

Շատ տարիներ առաջ Առաջին Նախագահությունը հրապարակեց մի հայտարարություն, որն ինձ վրա թողեց խորը և տևական ազդեցություն: «Մայրությունը», գրել էին նրանք, «մոտ է աստվածությանը: Դա մարդկության կողմից ստանձնած բարձրագույն, ամենասուրբ ծառայությունն է: Այն հրեշտակների կողքին է դնում նրան, ով հարգում է իր սուրբ կոչումն ու ծառայությունը» [in James R. Clark, comp., Messages of the First Presidency of The Church of Jesus Christ of Latter-day Saints (1975), 6:178]. («(Կանանց պատվելու մեր սրբազան պարտականությունը) Our Sacred Duty to Honor Women, Ensign, մայիս 1999, 38)

• Այդ հայտարարության մեջ ի՞նչն է ավելի տպավորիչ ձեզ համար և ինչո՞ւ։

• Ինչպե՞ս կարող եք բացատրել մայրության հավերժական բնույթը:

• Ինչպե՞ս է մայրության դերը վերաբերում բոլոր կանանց, ներառյալ նրանց, ովքեր երեխաներ չեն ունեցել: (Եթե անհրաժեշտ է, հրավիրեք ուսանողներին վերանայել քույր Շերի Լ․ Դյուի և նախագահ Նելսոնի հայտարարությունները նախապատրաստական նյութի բաժին 1-ում: Օգնեք ուսանողներին գտնել նմանատիպ մի ճշմարտություն. Յուրաքանչյուր կին մայր է` իր աստվածային հավերժական ճակատագրի զորությամբ [տես Ռասսել Մ. Նելսոն, «Քույրերի մասնակցությունը Իսրայելի հավաքման գործում», Լիահոնա, նոյեմբեր 2018, 68]:)

• Այս ճշմարտությունն ի՞նչ է նշանակում ձեզ և կանանց համար, ում դուք ճանաչում եք:

Դասարան բերեք և ցույց տվեք մի առողջ բույսի և մի թոշնած բույսի նկար։

Խնդրեք ուսանողներին մտածել այն մասին, թե ինչ էր արվել առողջ բույսի համար, որը չէր արվել թոշնած բույսի համար:

• Ինչպե՞ս կարող ենք բույսերի խնամքը համեմատել մարդկանց մասին հոգ տանելու հետ: (Անհրաժեշտության դեպքում ուսանողների հետ վերանայեք նախագահ Սյուզան Վ. Թանների դաստիարակության վերաբերյալ սահմանումը` նախապատրաստական նյութի բաժին 2-ում։)

Ցուցադրեք հետևյալ միտքը ընտանիքի հռչակագրից. Մայրերը հիմնականում պատասխանատու են իրենց երեխաներին դաստիարակելու համար (տես ChurchofJesusChrist.org):

• Ի՞նչ պարգևներ է Երկնային Հայրը տվել կանանց` օգնելով նրանց կատարել այդ սրբազան պարտականությունը: (Որպես քննարկման մաս՝ ուսանողների հետ վերանայեք քույր Նեյլ Ֆ. Մերիոթի և նախագահ Հենրի Բ. Այրինգի հայտարարությունները նախապատրաստական նյութի բաժին 2-ում։)

Բացատրեք, որ Հիսուս Քրիստոսը դաստիարակման կատարյալ օրինակն է: Ուսանողներին հրավիրեք վերանայել սուրբ գրությունների հատվածները, որոնք նրանք սովորել են նախապատրաստական նյութի բաժին 2-ում, փնտրելով, թե իրենք ինչ կարող են սովորել դաստիարակման մասին Փրկիչի օրինակից: Մի քանի երեխաների հրավիրեք կիսվել իրենց մտքերով:

Մայրերը սրբազան և կարևոր դեր են խաղում Աստծո ծրագրում

Հրավիրեք դասարանի կանանց պատասխանել հետևյալ հարցին.

• Ի՞նչ մտքեր, զգացումներ կամ մտահոգություններ ունեք մայր լինելու վերաբերյալ:

Ապա դասարանին տվեք հետևյալ հարցերը․

• Մեր մշակույթում ի՞նչ ճնշումներ կարող է զգալ կինը՝ կապված մայրության հետ:

• Մայրության վերաբերյալ ի՞նչ տարբերություններ կարող եք տեսնել որոշ մարդկանց տեսակետների միջև, և ինչպես է Աստված տեսնում մայրությունը: (Որպես այս քննարկման մաս՝ կարող եք ուսանողներին ուղղորդել նախագահ Բոննի Լ. Օսկարսոնի և երեց Դ․ Թոդ Քրիստոֆերսոնի հայտարարություններին՝ նախապատրաստական նյութի բաժին 3-ում: Օգնեք ուսանողներին գտնել նմանատիպ մի ճշմարտություն. Աստծո զավակներին ծնելը և նրանց մասին հոգ տանելը Աստծո աշխատանքի և փառքի անբաժանելի մասն է:)

• Երեխաներ ծնելը (երբ հնարավոր է) և նրանց մասին հոգ տանելը ինչո՞ւ է կարևոր Երկնային Հոր երջանկության ծրագրում:

Ցուցադրեք պատանի մարտիկների մի նկար: Հրավիրեք ուսանողներին կիսվել, թե նրանք ի՞նչ գիտեն այդ պատանի տղաների մասին (տես Ալմա 56.45–48, 57.21–26):

• Ի՞նչ ազդեցություն ունեցան պատանի մարտիկների մայրերը իրենց որդիների կյանքի վրա և նեփիացի ազգի անվտանգության վրա:

Հրավիրեք ուսանողներին մտածել այն մասին, թե նրանք ինչ են գնահատում իրենց մոր կամ մայրական կերպարի վերաբերյալ, ով օրհնել է իրենց կյանքը: Կարող եք մի քանի ուսանողների խնդրել, որ նրանք կիսվեն իրենց գրածով, թե ինչպես են կանայք ազդել իրենց կյանքի վրա: Կամ, եթե ուսանողներից շատերը երկտող չեն գրել, կարող եք հրավիրել նրանց մի քանի րոպե տրամադրել տեքստային հաղորդագրություն կամ էլեկտրոնային նամակ գրել դասի ընթացքում:

Խնդրեք ուսանողներին ընտրել հետևյալ օրինակներից մեկը, որը նկարագրում է կարծիքներ կամ վերաբերմունք, որոնց նրանք կարող են հանդիպել սոցիալական ցանցերում: Հրավիրեք նրանց գրել ենթադրական մի պատասխան, որն իրենց կարծիքով, կարող է արդյունավետ կերպով ցրել այդ զգացումը: (Եթե ուսանողներն ունենան իրական կյանքի օրինակ, որը նրանք կնախընտրեին օգտագործել դրա փոխարեն, հրավիրեք նրանց օգտագործել այդ օրինակը:) Խրախուսեք ուսանողներին օգտագործել իրենց սովորածը նախապատրաստական նյութի ուսումնասիրությունից և իրենց անձնական փորձից, ինչպես նաև կիսվեն վկայությամբ, երբ ձևակերպեն իրենց պատասխանը:

• Մի ընկեր մայրությունը ներկայացնում է որպես կնոջ իրական ներուժի վատնում, ասելով, որ կարիերայի փոխարեն ընտանիք ունենալու ընտրությունը սահմանափակում է այն, ինչ կինը կարող է անել և հասնել կյանքում:

• Մի ընկերուհի իրեն չգնահատված է զգում, նա համարում է, որ այն ինչ անում է իր երեխաների համար, նշանակություն չունի և որ նա բավականչափ լավը չէ որպես մայր:

• Մի ընկերուհի մտահոգվում է, «Իսկ ի՞նչ, եթե ես դաստիարակող տեսակի մարդ չեմ: Ինչպե՞ս կարող եմ երբևէ լինել այնպիսի մայր, ինչպիսին Տերն է կամենում, որ ես լինեմ:

• Ընկերուհին խորը վիշտ է ապրում, քանի որ նա և իր ամուսինը չեն կարողացել երեխաներ ունենալ:

Բավարար ժամանակ տրամադրելուց հետո հրավիրեք մի քանի կամավորի կիսվել, թե ինչ են գրել այդպես անելու համար:

Կարող եք ցուցադրել «Just a Mom» (1:02) տեսանյութը:

Դասը եզրափակելու համար դուք կարող եք հրավիրել ուսանողներին մտածել, թե ինչ կարող են իրենք անել, որպեսզի կա՛մ կատարեն իրենց սուրբ դերը՝ որպես մայր, կա՛մ աջակցեն իրենց մոտիկ կանանց այդ դերում: Խրախուսեք ուսանողներին ապավինել Տիրոջ օգնությանը, երբ նրանք կգործադրեն այդ ջանքերը: Վկայեք կամ առաջարկեք որևէ ուսանողի վկայել Երկնային Հոր ծրագրում մայրության կարևորության մասին:

Հաջորդ անգամ

Խրախուսեք ուսանողներին մտածել հայրերի դերի մասին, երբ ուսումնասիրեն նախապատրաստական նյութը դաս 20-ի համար: Գուցե ուսանողները կամենան երախտագիտության երկտող գրել իրենց հորը կամ հոր կերպարին, ով օրհնել է իրենց կյանքը: