Դաս 2․ Ուսուցչի նյութ

Մարգարեների դերը հավերժական ընտանիքի վարդապետությունը հռչակելիս

«Ընտանիք` հայտարարություն աշխարհին» հռչակագիրը սկսվում է այս խոսքերով․ «Մենք՝ Հիսուս Քրիստոսի Վերջին Օրերի Սրբերի Եկեղեցու Առաջին Նախագահությունը և Տասներկու Առաքյալների Խորհուրդը, պաշտոնապես հայտարարում ենք …» (ChurchofJesusChrist.org)։ Այս դասը կօգնի ուսանողներին հասկանալ մարգարեների սրբազան պարտականությունը որպես դետեր` հռչակելու Տիրոջ կամքը և նախազգուշացնելու մեր հոգևոր բարօրությանն սպառնող վտանգներից: Ուսանողները հնարավորություն կունենան որոշելու, թե ինչպես կարող են ավելի մեծ համբերություն և հավատ դրսևորել Տիրոջ հանդեպ, երբ նրանք ձգտում են ականջ դնել ամուսնության և ընտանիքի մասին Նրա ապրող մարգարեների ուսմունքներին:

Ուսուցման առաջարկներ

Տերը կանչում է մարգարեներին, ովքեր աշտարակի վրայի դետերի դերն են կատարում։

Ցուցադրեք հետևյալ հարցը դասարանին:

• Ինչո՞ւ են մարգարեները նախընտրում անդրադառնալ դժվարին թեմաների և խոսել հանրության կողմից ընդունված սովորույթների դեմ՝ իմանալով, որ նրանց խոսքերը վրդովեցնելու են որոշ մարդկանց:

Սկսեք դասը՝ խնդրելով ուսանողներին արտահայտել իրենց մտքերը այդ հարցի շուրջ: Որպես քննարկման մաս դուք կարող եք ուսանողների հետ կարդալ Նախագահ Ռասսել Մ. Նելսոնի հայտարարությունը՝ նախապատրաստական նյութի բաժին 1-ից։

• Ինչպե՞ս կամփոփեք այն, ինչ Նախագահ Նելսոնն է ուսուցանել: (Օգնեք ուսանողներին գտնել նմանատիպ ճշմարտություններ. Աստված ցույց է տալիս Իր սերը՝ կանչելով մարգարեների, ովքեր նախազգուշացնում և պաշտպանում են մեզ: Մարգարեները ցույց են տալիս իրենց հոգատարությունը բոլոր մարդկանց հանդեպ` ուսուցանելով ճշմարտությունը:)

• Ինչպե՞ս եք զգացել Աստծո սերը՝ ապրող մարգարեների զգուշացումների, ուղղումների և խորհուրդների շնորհիվ: (Կարող եք նաև կիսվել ձեր վկայությամբ այդ մասին):

Ցուցադրեք դետի նկարներից մեկը, որը գտնվում է նախապատրաստական նյութում և ուսանողներին ժամանակ տվեք վերանայելու Եզեկիել 3.17–19-ը:

• Ինչպե՞ս են մարգարեները նման աշտարակի վրայի դետերին։

Դուք կարող եք բարձր պահել ընտանեկան հռչակագրի մի օրինակ և հարցնել.

• Ինչպե՞ս է ընտանիքի մասին հռչակագրի լույս ընծայումը ցույց տալիս մարգարեների դերը` որպես դետեր աշտարակի վրա: (Հրավիրեք ուսանողներին վերանայել Նախագահ Գորդոն Բ․ Հինքլիի ելույթը և Նախագահ Ռասսել Մ. Նելսոնի կենսագրությունից մի հատված նախապատրաստական նյութի բաժին 2-ում:)

Տերը պատվիրում է մեզ հետևել մարգարեներին համբերությամբ և հավատքով:

Գուցե հրավիրեք ուսանողներին թվել որոշ պատճառներ, թե ինչու հնադարյան ժամանակներում մարդիկ չէին արձագանքում դետի զգուշացումներին:

Կարող եք կիսվել հետևյալ սցենարվ (կամ ստեղծեք այնպիսին, որն ավելի է համապատասխանում ձեր ուսանողներին) և հրավիրեք ուսանողներին պատասխանել հաջորդող հարցերին:

Մանկությունից ի վեր Խորխեն սովորել է վարդապետությունը, որը պարունակում է ընտանիքի հռչակագիրը: Բայց նրա մտերիմ զարմիկները և իր ընկերներից մի քանիսը հավատում են, որ այդ ուսմունքները սահմանափակ են և անհանդուրժող վերաբերմունք են արտահայտում որոշ ապրելակերպերի նկատմամբ: Ուսմունքներից որոշ մտքեր ընդունելի են Խորխեի համար: Նա մտածում է, որ միգուցե հռչակագիրը հնացել է։

• Ինչպիսի՞ն են ձեր մտքերը Խորխեի վիճակի վերաբերյալ:

• Ի՞նչը կարող է խանգարել մարդկանց, որ նրանք ընդունեն որոշ ուսմունքներ ընտանիքի մասին հայտարարության մեջ:

Հրավիրեք ուսանողներին կարդալ կամ վերանայել Վարդապետություն և Ուխտեր 21․4-6 հատվածները: Հիշեցրեք նրանց, որ այս հատվածները վերաբերում են Մարգարե Ջոզեֆ Սմիթին և, հետևաբար, կարող են վերաբերել Տիրոջ Եկեղեցու ներկա Նախագահին:

• Ի՞նչ եք կարծում, ինչ է նշանակում ընդունել մարագարեի խոսքերը «ողջ համբերությամբ և հավատքով» (հատված 5):

• Ինչպե՞ս կամփոփեիք այնմարդկանց տված Տիրոջ խոստումները, որոնք համբերությամբ և հավատքով ընդունում և ականջ են դնում Իրենց մարգարեի խոսքերին: (Դուք կարող եք օգնել ուսանողներին բացահայտել նմանատիպ մի սկզբունք․ Եթե մենք ականջ ենք դնում մարգարեի խոսքերին, Տերը կօրհնի մեզ և կցրի խավարի ուժերին:)

Բարելավել մեր ուսուցումն ու ուսումնառությունը

Օգնեք ուսանողներին ունենալ ուսումնառության ավելի խորը փորձառություն: Ուսուցանելիս կենտրոնացեք այն բանի վրա, թե ինչ պիտի զգա և անի ուսանողը՝ անձնական հայտնություն ստանալու և դարձը խորացնելու համար: Ինչպե՞ս կարող եք օգնել նրանց հիմնվել այն ամենի վրա, ինչ իրենք արդեն գիտեն: Ինչպե՞ս կարող եք օգնել նրանց, որ լինեն ակտիվ սովորողներ և նպաստեն մյուսների ուսումնառությանը: Ինչպե՞ս կարող եք հնարավորություն տալ, որ նրանք ճանաչեն Սուրբ Հոգու հուշումները:

Որպեսզի օգնեք ուսանողներին քննարկել այս սկզբունքի վերաբերյալ որոշ օրինակներ, տվեք նրանց մի քանի րոպե կարդալու կամ վերանայելու իրենց ընտրած սուրբ գրային պատմությունը նախապատրաստական նյութի բաժին 3-ից: Դուք կարող եք բաժանել դասարանը փոքր խմբերի և հրավիրել ուսանողներին քննարկել 3-րդ բաժնի «Գրի առեք ձեր մտքերը»վարժության հարցերի իրենց պատասխանները: Այլապես, հրավիրեք ուսանողներին քննարկել իրենց պատասխանները դասարանով:

Դուք կարող եք նաև հրավիրել խմբերին խոսել հետևյալ հարցերից մի քանիսի կամ բոլորի մասին (կամ կարող եք քննարկել դրանք դասարանի հետ):

• Ձեր անձնական կյանքում ի՞նչն է օգնել ձեզ համբերությամբ և հավատքով ականջ դնել Տիրոջ մարգարեների խոսքերին: Ի՞նչ գիտեք Տիրոջ մասին, որը կարող է օգնել ձեզ այդ ձևով պատասխանել Իր մարգարեների խոսքերին:

• Ե՞րբ եք օրհնվել կամ զգացել, որ խավարը ցրվել է ձեր համբերության և հավատքի շնորհիվ՝ մարգարեների խոսքերին ականջ դնելով:

• Ի՞նչ նոր խորհուրդ է Տերը տվել Իր մարգարեների միջոցով, որը կարող է պահանջել որոշ համբերություն և հավատք` ընդունելու և ականջ դնելու համար:

Ցուցադրեք հետևյալ հարցերը և բավարար ժամանակ տրամադրեք ուսանողներին` խորհելու այն հարցերի մասին, որոնք առավել կիրառելի են իրենց համար: Խրախուսեք ուսանողներին գրի առնել և գործել ըստ իրենց ստացած տպավորությունների։

• Եթե ինչ որ բան, որը մարգարեն ուսուցանել է ամուսնության կամ ընտանիքի վերաբերյալ, դժվար է ինձ համար ընդունել, ինչպե՞ս եմ ես արձագանքում։ Ի՞նչ է կամենում Տերը, որ ես անեմ այս իրավիճակում։

• Որքա՞ն նպատակասլաց և հետևողական եմ ամուսնության և ընտանիքի վերաբերյալ Տիրոջ մարգարեների խորհրդին ականջ դնելու իմ ջանքերում: Ինչպե՞ս է Տերը կամենում, որ ես կատարելագործվեմ:

Վկայեք այն ճշմարտությունների մասին, որոնք ուսուցանվել են այս դասի ժամանակ: Հավաստիացրեք ուսանողներին, որ Տերը կամենում է օգնել նրանց, երբ նրանք ձգտում են ուշադրություն դարձնել մարգարեների խոսքերին ողջ համբերությամբ և հավատքով:

Հաջորդ անգամ

Հրավիրեք ուսանողներին մտածել, թե երբևէ՞ մտածել են այն մասին, թե ով են դառնալու մի օր, կամ ինչո՞վ պետք է զբաղվեն այս կյանքում: Խրախուսեք ուսանողներին աղոթքով ուսումնասիրել հաջորդ դասի նախապատրաստական նյութը՝ մտածելով այդ հարցերի մասին։