Դաս 27. Ուսուցչի նյութ

Խթանել և պաշտպանել ընտանիքը որպես հասարակության հիմնական միավոր

Մարգարեներն ու առաքյալները մեզ կոչ են արել «պայմաններ ստեղծե[լ] և միջոցառումներ անցկացնե[լ], ուղղված ընտանիքների, որպես հասարակության հիմնական միավորների, պահպանմանն ու ամրապնդմանը» («Ընտանիք․ Հայտարարություն աշխարհին», ChurchofJesusChrist.org)։ Այս դասին ուսանողները կբացահայտեն այն ազդեցությունները, որոնք նպաստում են ընտանիքի քայքայմանը: Ուսանողները նաև կքննարկեն, թե ինչ կարող են անել՝ խթանելու և պաշտպանելու ընտանիքը որպես հասարակության հիմնարար միավոր:

Ուսուցման առաջարկներ

Հակառակորդը ձգտում է քանդել ընտանիքները

Եթե հնարավոր է, ցուցադրեք Սփոփող Միության նախկին գերագույն նախագահ Ջուլի Բ. Բեքի հետևյալ խոսքերը.

Այս սերնդին կոչ կարվի պաշտպանել ընտանիքի վարդապետությունը, ինչպես երբևէ նախկինում: Եթե նրանք չիմանան այդ վարդապետությունը, ապա չեն կարող պաշտպանել։ …

Ընտանիքի վերաբերյալ աստվածաբանական կողմի պատկերացումն ունենալուց բացի, մենք պետք է հասկանանք, թե որոնք են ընտանիքին սպառնող վտանգները։ Եթե չիմանանք՝ չենք կարող պատրաստվել ճակատամարտին։ (“Teaching the Doctrine of the Family,” Ensign, Mar. 2011, 14, 17)

• Ընտանիքի մասին Տիրոջ վարդապետությունն ինչո՞ւ ունի պաշտպանության կարիք:

Ցուցադրեք ընտանիքի հռչակագրից հետևյալ հայտարարությունը. ընտանիքի քայքայումը անհատներին, համայնքներին և ազգերին կպատճառի այն դժբախտությունները, որոնց մասին կանխագուշակել էին հին ու նոր մարգարեները:

Գրատախտակին գծեք երկու սյունակ: Առաջին սյունակը վերնագրեք այսպես. Ազդեցություններ, որոնք նպաստում են ընտանիքի քայքայմանը։ Հրավիրեք ուսանողներին թվարկել իրենց մտքերը և խնդրեք նրանցից մեկին գրատախտակին գրել դասարանի անդամների թվարկածը։ (Կարող եք քաջալերել ուսանողներին վերանայել նախապատրաստական նյութի 1-ին բաժինը, նաև ուսումնասիրել Բ Տիմոթեոս 3․1-6, 13-ը, եթե օգնության կարիք ունեն:) Երբ ուսանողները թվարկեն իրենց մտքերը, խնդրեք նրանց բացատրել, թե ինչպես են այդ ազդեցությունները նպաստում ընտանիքի քայքայմանը:

Գրատախտակի երկրորդ սյունակը վերնագրեք՝ Ընտանիքի մասին հռչակագրի վարդապետությունը, որը կարող է հակադրվել այդ ազդեցություններին: Հրավիրեք ուսանողներին, մեջբերելով ընտանիքի մասին հռչակագրից, գրատախտակին գրել համապատասխան վարդապետությունը։

• Այս դասընթացում ընտանիքի մասին Տիրոջ վարդապետությունն ուսումնասիրելով ինչպե՞ս կպատրաստվեք ընտանիքը պաշտպանելուն։

Մեր պարտականությունն է՝ պաշտպանելու և խթանելու ընտանիքը

Ցուցադրեք ընտանիքի մասին հռչակագրից հետևյալ հայտարարությունը․ Մենք դիմում ենք պատասխանատու քաղաքացիներին և կառավարության պաշտոնյաներին ամենուր, որպեսզի պայմաններ ստեղծեն և միջոցառումներ անցկացնեն ուղղված ընտանիքների, որպես հասարակության հիմնական միավորների, պահպանմանն ու ամրապնդմանը:

Բարելավել մեր ուսուցումն ու ուսումնասիրությունը

Օգնեք ուսանողներին զգալ վարդապետությունների և սկզբունքների ճշմարտությունն ու կարևորությունը։ Ուսանողները հակված են կիրառելու վարդապետություններն ու սկզբունքները, երբ զգում են դրանց ճշմարտությունն ու կարևորությունը Հոգու միջոցով և զգում են դրանք իրենց կյանքում կիրառելու հրատապությունը։ Ուսանողներին արդյունավետ օգնելու համար, որ զգան վարդապետության և սկզբունքների ճշմարտությունն ու կարևորությունը, խրախուսեք նրանց վերհիշել ու կիսվել այս ճշմարտություններին վերաբերող անձնական փորձառություններով։

Հիշեցրեք ուսանողներին, որ նրանց խնդրել եք կազմել գործողությունների պարզ ծրագիր, որը կարելի է կիրառել՝ ընտանիքը խթանելու կամ պաշտպանելու համար (տես նախապատրաստական նյութի 2-րդ բաժինը):

• Ի՞նչ ուղիներով մենք կարող ենք խթանել ընտանիքը որպես հասարակության հիմնական միավոր: (Գրեք ուսանողների պատասխանները գրատախտակին։ Այնուհետև հրավիրեք մի քանի ուսանողների կիսվել գրատախտակին գրված գաղափարների հետ կապված անձնական փորձառություններով)։

• Ի՞նչ հետևանքներ կլինեն, եթե մենք չկարողանանք խոսել ամուսնության և ընտանիքի պաշտպանությանն ու խթանմանը վերաբերող մեր համոզմունքների մասին։

Դուք կարող եք կիսվել Տասներկու Առաքյալների քվորումի նախագահ Մ. Ռասսել Բալլարդի հետևյալ հայտարարությամբ. «Պետք է հիշել Էդմունդ Բըրքի խոսքերը․ «Միակ բանը, որն անհրաժեշտ է չարին հաղթանակելու համար, այն է, որ բարի մարդիկ ոչինչ չանեն» [attributed in John Bartlett, comp., Familiar Quotations, 15th ed. (1980), ix]” (“Let Our Voices Be Heard,” Liahona, Nov. 2003, 18)։

• Տերն ինչպե՞ս կարող է օգնել մեզ, որ հաղթահարենք կասկածն ու վախը, որոնք կարող ենք ունենալ ամուսնությունը և ընտանիքը խթանելիս կամ պաշտպանելիս:

Ընտրեք հետևյալ տարբերակներից մեկը՝ որ օգնեք ուսանողներին բարելավել ամուսնությունն ու ընտանիքը խթանելու և պաշտպանելու իրենց ընդունակությունը։

Տարբերակ 1

Ցույց տվեք «Սամանտան դասարանում» տեսանյութից հատված “Everyday Example: When Beliefs Are Questioned” (ժամանակային կոդ 0:00-3:06)։ Այս տեսանյութը երկու չափահաս երիտասարդների՝ Սամանտայի և Միկիի խոսակցության մասին է։

Տեսանյութը դիտելուց հետո տվեք հետևյալ հարցերը.

• Ինչպե՞ս կբնութագրեք Սամանտայի արձագանքը՝ ի պատասխան Միկիի հարձակմանը: Դուք երբևէ ունեցե՞լ եք նմանատիպ փորձառություն։ Եթե այո, ապա կնգարագրե՞ք այն։

• Արդյոք կարո՞ղ էր Սամանտան այլ կերպ վարվել, որպեսզի ավելի Քրիստոսանման ձևով արձագանքեր Միկիի քննադատությանը: (Քննարկման շրջանակներում կարող եք միասին կարդալ Մորոնի 7․3-5-ը և Վարդապետություն և Ուխտեր19․30-ը: Կարող եք նաև միասին վերանայել սկզբունքների ցանկը, որոնք գտնվում են նախապատրաստական նյութի 3-րդ բաժնում)։

Ցուցադրեք «Սամանտան և Միկին» հատվածը “Everyday Example: When Beliefs Are Questioned” տեսանյութից (ժամանակային կոդ 7:28-12:48)։

Տեսանյութը դիտելուց հետո տվեք հետևյալ հարցը.

• Ի՞նչ սովորեցիք Սամանտայի և Միկիի զրույցից:

Տարբերակ 2

Միասին կարդացեք Մորոնի 7․3-5-ը և Վարդապետություն և Ուխտեր 19․30-ը, և վերանայեք սկզբունքների ցանկը նախապատրաստական նյութի 3-րդ բաժնում։ Հրավիրեք ուսանողներին կիրառել այս սկզբունքները հետևյալ վարժության մեջ.

Հրավիրեք ուսանողներին աշխատել զուգընկերներով։ Բացատրեք, որ հարցերի տեսքով տարբեր սցենարներ կներկայացնեք (տե՛ս ստորև): Այնուհետև զուգընկերներից մեկը տալիս է մեկ րոպեանոց պատասխան, որը կլինի պարզ, հստակ և ոչ մարտական, մինչդեռ մյուս զուգընկերը լսում է: Յուրաքանչյուր պատասխանից հետո թույլ տվեք զուգընկերներին հակիրճ քննարկել միմյանց հետ, թե ինչն է լավ անցել, իսկ ինչը բարելավվելու տեղ ունի։ Հրավիրեք զուգընկերներին փոխվել դերերով հաջորդ հարցի համար:

Օգտագործեք հետևյալ հարցերը կամ ձեր սեփական հարցերից մի քանիսը, որոնք համապատասխանում են ուսանողների կարիքներին.

1. Ինչո՞ւ է ձեր եկեղեցին դեմ աբորտներին: Արդյոք չե՞ք հարգում կնոջ իրավունքը՝ ընտրելու, թե ինչ լինի իր մարմնի հետ:

2. Ինչո՞ւ են ձեր եկեղեցու ամուսնացած անդամներին խրախուսում երեխաներ ունենալ։ Ձեզ չի՞ մտահոգում գերբնակեցումը:

3. Ինչո՞ւ է ձեր եկեղեցին դեմ նույնասեռ ամուսնություններին: Չե՞ք ուզում, որ բոլորն ունենան նույն իրավունքները և երջանիկ լինեն:

4. Ի՞նչ վատ բան կա, եթե ապրում ես մեկի հետ նախքան ամուսնանալը։ Արդյո՞ք դա չի տալիս այն «փորձնական մեկնարկը»՝ համոզվելու համար, որ դուք համատեղելի եք:

Վարժությունից հետո հրավիրեք մի քանի ուսանողների կիսվել, թե ինչ սովորեցին իրենց քննարկումներից:

Դասը եզրափակելու համար հրավիրեք ուսանողներին մտածել մի բանի մասին, որ նրանք կարող են անել, որպեսզի բարելավեն ուրիշների հետ ամուսնության և ընտանիքի մասին Քրիստոսանման զրույց վարելու իրենց ունակությունը: Խրախուսեք ուսանողներին եղանակներ մտածեն, թե ինչպես փորձել նախապատրաստական նյութի 3-րդ բաժնի սկզբունքների կիրառումը, ամուսնության և ընտանիքի մասին դժվար հարցերը քննարկելով որևէ ընկերոջ կամ ընտանիքի անդամի հետ:

Հաջորդ անգամ

Հրավիրեք ուսանողներին մտածել, թե այս դասընթացի ժամանակ ինչ ճշմարտություններ են սովորել և քննարկել հավերժական ընտանիքների մասին, որոնք օգնել են նրանց հույս ու ոգևորություն զգալ իրենց ներկայիս կամ ապագա ընտանիքների համար: Խրախուսեք նրանց կարդալ հաջորդ դասի նախապատրաստական նյութը և պատրաստ լինել կիսվելու մեկ կամ մի քանի ամենաազդեցիկ բաներով, որոնք նրանք սովորել են այս դասընթացի ընթացքում: