31. Efèz

Debri teyat Grèk Efèz yo, kote Apot Pòl te preche a. Pandan epòk Nouvo Testaman an, Efèz te gen gran renome nan mitan mond popilè a akoz tanp mayifik li yo ki te bati pou onore deyès paganis Women an, Dyana. An debri kounyeya, yon fwa, Efèz te kapital pwovens Women Azi a epi l te yon gwo katye general pou komès. Endistri ajantri vil la te devlope yon kòmès rantab nan vann imaj Dyana.

Evènman Siyifikatif yo: Apot Pòl te vizite Efèz prèske nan finisman dezyèm vwayaj misyonè li a (Tra. 18:18–19). Nan twazyèm vwayaj li a li te rete nan vil la pandan dezan. Yo te fòse l soti akoz soulèvman Endistri ajantri a ki t ap pèdi lavant paske Pòl t ap preche kont adorasyon fo deyès Dyana a (Tra. 19:1, 10, 23–41; 20:1). Teyat Efèz la se te pi gwo teyat Grèk yo te bati epi se te kote konpayon Pòl yo te fè fas kare devan yon popilas an kolè (Tra. 19:29–31). Pòl te ekri manm Legliz Efèz yo yon epit pandan kaptivite l nan Wòm. Youn nan sèt branch yo nan Azi ki mansyone nan liv Apokalips la te tabli nan Efèz (Apok. 1:10–11; 2:1).