1 Ne nebilua ne, biumvuila Bena Bisamba bia Benda Muana wa Mukoku wa Nzambi mu dituku adi neadimuenesha kudibu mu dîyi, ne kabidi mu bukola, mu bulelela mena, ku diumbushibua dia mabua a kulendukila abu—

2 Ne kabapapishidi Muana wa Mukoku wa Nzambi mitshima yabu to, nebabadibua munkatshi mua ndelanganyi ya tatueba; eyowa, nebabadibua munkatshi mua nzubu wa Isalele; ne nebikala bantu babeneshibua mu bulaba bulaya bua kashidi; kabakuvuishibua kabidi panshi mu bukuatshibu nansha; ne nzubu wa Isalele kakubuejakajibua kabidi nansha.

3 Ne tshina tshinena atshi tshivua tshiumbudibua buabu kudi ekelezia awu munena ne wa malu mapita bubi, uvua muashibua kudi diabulu ne bana benda, bua ne apambuisha anyima ya bantu mu ngena—eyowa, ne tshina tshinena atshi tshivua tshiumbudibua bua dinyanguka dia bantu netshiuwula ne bavua batshiumbula, tô ne ku dinyanguka dijima diabu, ki mudi Muana wa Mukoku wa Nzambi wamba; kadi dinyanguka dia anyima to, amu bikala diedibua dienda mu ngena awu udi kayi ne ndekelu to.

4 Bualu monayi, bidi bilondeshila ku bukuatshibu bua diabulu, ne kabidi bilondeshila ku bululama bua Nzambi, pa mutu pa bonsu benza bubi ne malu mapita bubi kumpala kuenda.

5 Ne biakalua ne muanjelu wakakula kundi, Nefi, wamba: Wamonyi ne biakudimuna Bena Bisamba bia Benda mutshima nebikala bimpa buabu; ne udi mumanya kabidi bipungidi bia Mukalenga kudi nzubu wa Isalele; ne uvua kabidi mumvua ne ewu onsu udi kayi ukudimuna mutshima to udi ne tshia kufua.

6 Bua nanku, diakabi kudi Bena Bisamba bia Benda bikalabi ne badi bapapishila Muana wa Mukoku wa Nzambi mitshima yabu.

7 Bualu tshikondu tshidi tshilua, Muana wa Mukoku wa Nzambi udi wamba, tshingenza mudimu munena ne wa dikema munkatshi mua bana ba bantu; mudimu wikala wa tshiendelela, nansha ku tshianza tshimua anyi ku tshikuabu—nansha ku dibitabujija ne ku ditalala ne moyo wa tshiendelela, anyi ne ku dibalekela ku dipapisha dia mitshima yabu ne bumpofu bua meji abu, ne ku dikala bavuishibua panshi mu bukuatshibu, ne kabidi mu dinyanguka, bibidi mu mubidi ne mu nyuma, bilondeshila ku bukuatshibu bua diabulu, bumvua muakuila.

8 Ne biakalua ne pakakula muanjelu mêyi â, wakamba kundi: Udi uvuluka bipungidi bia Tatu kudi nzubu wa Isalele anyi? Ngakamba kudiye, Eyowa.

9 Ne biakalua ne wakamba kundi: Tangila, ne Mona ekelezia awu munena ne wa malu mapita bubi, udi muikala mamuenda wa malu mapita bubi, mufuki wawu udi muikala diabulu.

10 Ne wakamba kundi: Mona kudi kuikala amu ma’ekelezia abidi; umua udi ekelezia wa Muana wa Mukoku wa Nzambi, ne mukuabu udi ekelezia wa diabulu; bua nanku, ewu onsu udi kayi wa ku ekelezia wa Muana wa Mukoku wa Nzambi to udi wa ku ekelezia awu munena, udi mamuenda wa malu mapita bubi; ne udi ndumba wa buloba bonsu.

11 Ne biakalua ne ngakatangila ne ngakamona ndumba wa buloba bonsu, ne uvua musamba pa mutu pa mâyi a bungi; ne uvua ne bukalenga pa buloba bonsu, munkatshi mua bisamba bionsu, bisa bionsu, miakulu yonsu, ne bantu bonsu.

12 Ne biakalua ne ngakamona ekelezia wa Muana wa Mukoku wa Nzambi, ne bungi buenda buvua bukesa, bua bualu bua bubi ne malu mapita bubi bia ndumba uvua musomba pa mutu pa mâyi manena; nansha nanku, ngakamona ne ekelezia wa Muana wa Mukoku, bavua bikala bansantu ba Nzambi, bavua kabidi pa mpala onsu wa buloba; ne makalenga abu pa mpala wa buloba avua makesa, bua bualu bua bubi bia ndumba munena umvua mumona.

13 Ne biakalua ne ngakamona ne mamu munena wa malu mapita bubi wakasangisha misumba pamua pa mutu pa mpala wa buloba bonsu, munkatshi mua bisamba bionsu bia Bena Bisamba bia Benda, bua kuluisha Muana wa Mukoku wa Nzambi.

14 Ne biakalua ne mema, Nefi, ngakamona bukola bua Muana wa Mukoku wa Nzambi, ne buakatuluka pa mutu pa bansantu ba mu ekelezia wa Muana wa Mukoku, ne pa mutu pa bantu ba tshipungidi ba Mukalenga, bavua batangalaka pa mpala onsu wa buloba; ne bavua bavuala biluilu bia buakana ne ne bukola bua Nzambi mu butumbi bunena.

15 Ne biakalua ne ngakamona ne tshiji tshia Nzambi tshivua tshipumuinyibua ekelezia awu munena ne wa malu mapita bubi, mua ne kuvua mvita ne manunganyi a mvita munkatshi mua bisamba ne bisa bionsu bia pa buloba.

16 Ne bu muakabanga kuikala mvita ne manunganyi a mvita munkatshi mua bisamba bionsu bivua bia kudi mamuenda wa malu mapita bubi, muanjelu wakakula kundi, wamba: Mona, tshiji tshia Nzambi tshidi pa mutu pa mamuenda wa bandumba; ne Mona, udi mumona malu onsu â—

17 Ne palua dituku diapumuinyibua tshiji tshia Nzambi mamuenda wa bandumba, ne udi muikala ekelezia munena ne wa malu mapita bubi wa buloba bonsu, mufuki wawu udi diabulu, pashisha, ku dituku adi, mudimu wa Tatu neutuadija, mu dilongolola njila bua dikumbaja dia bipungidi bienda, bivuaye muenza kudi bantu benda badi bikala ba ku nzubu wa Isalele.

18 Ne biakalua ne muanjelu wakakula kundi, wamba: Tangila!

19 Ne ngakatangila ne kumona muntu, ne uvua muvuala nkanzu mutoka.

20 Ne muanjelu wakamba kundi: Mona umua wa bapostolo dikumi ne babidi ba Muana wa Mukoku.

21 Mona, neamona ne neafunda tshishadi tshia malu â; eyowa, ne kabidi malu a bungi akavua.

22 Ne neafunda kabidi bitangila ndekelu wa buloba.

23 Pananku, malu âfundaye adi malulama ne malelela; ne Mona, adi mafundibua mu mukanda uwakamona upatukila mukana mua Muena Yuda; ne ku tshikondu tshiakapatukilawu mukana mua Muena Yuda, anyi, ku tshikondu tshiapatukila mukanda mukana mua Muena Yuda, malu avua mafundibua avua patoka ne makezuka, ne a mushinga kupita ne mateketa bua ngumvuilu wa bantu bonsu.

24 Ne Mona, malu âfunda mupostolo wa Muana wa Mukoku ewu adi malu a bungi awudi mumona; ne Mona, tshishadi neumona.

25 Kadi malu awamona kunyima eku kuaku’afunda to; bualu Mukalenga Nzambi udi mupesha mupostolo wa Muana wa Mukoku wa Nzambi bua a’afunda.

26 Ne kabidi bakuabu bakavuaku, kudibu wakaleja malu onsu, ne badi ba’afunda; ne adi makangibua bua kulopokela Nzubu wa Isalele, mu bukezuka buawu, bilondeshila ku bulelela budi kudi Muana wa Mukoku, mu tshikondu tshikumbanyina Mukalenga nkayenda.

27 Ne mema, Nefi, ngakumvua ne ndi njadika, ne dîna dia mupostolo wa Muana wa Mukoku divua Yone, bilondeshila ku muaku wa muanjelu.

28 Ne Mona, mema, Nefi, ndi mukandikibua bua kufunda tshishadi tshia malu amvua mumona ne mumvua; bua nanku malu andi mufunda adi mankumbana buanyi; ne ndi mufunda kadi tshitupa tshikesa tshia malu amvua mumona.

29 Ne ndi njadika ne ngakamona malu akamona tatuanyi, ne muanjelu wa Mukalenga waka’amanyisha.

30 Ne mpindiewu ndi njikija kuakula bitangila malu andi mumona pantshivua muambudibua kula mu nyuma; ne bikala malu onsu andi mumona ka’ayi mafundibua to, malu andi mufunda adi malelela. Ne bidi nanku. Amena.