1 Ne mpindiewu mema, Nefi, ntshiena ngamba bulondanganyi bua batatuanyi mu tshitupa tshia miandiku yanyi etshi to; nansha musangu umua kunyima tshia kubulonda pa bitata bindi mfundapu ebi to; bualu budi bulondibua mu miandiku idi milamibua kudi tatuanyi; bua nanku, ntshiena mbufunda mu mudimu ewu to.

2 Bualu bidi bikumbana bua mema kuamba ne tudi tunkanunuina tua Yosefe.

3 Ne kabiena bualu kundi ne ngikala mua kuamba mulubu mujima wa bintu bionsu bia tatuanyi, bualu kayena mua kufundibua pa bitata ebi to, bualu ndi ne dijinga dia muaba bua ne mfunda malu a Nzambi.

4 Bualu tshiwudi tshia dijinga dianyi tshidi ne ngitabujija bantu bua kulua kudi Nzambi wa Abalahama, ne Nzambi wa Isaka, ne Nzambi wa Yakoba, ne bapandishibua.

5 Bua nanku, bintu bidi bisankisha ba pa buloba ntshiena mfunda to, kadi bintu bidi bisankisha Nzambi ne badi kabayi ba pa buloba to.

6 Bua nanku, nempesha mukenji kudi ndelanganyi yanyi, bua ne kabuwuji bitata ebi ne bintu bidi kabiyi bia mushinga kudi bana ba bantu to.