Shapita 9
Nefi udi wenza mishiki ibidi ya miandiku—Yonsu idi ibikidibua ne bitata bia Nefi—Bitata binena bidi ne malu a kala a panu; bia bikesa bidi bilonda nangananga malu a tshijila. Pabuipi ne 600–592 k.d.K.
1 Ne malu onsu â tatuanyi wakamona, ne kumvua, ne kuakula, bu muikadila mu ntenta, mu tshibanda tshia Lemuele, ne kabidi malu makuabu manena a bungi, adi ka’ayi mua kufundibua pa bitata ebi to.
2 Ne mpindiewu, bu mungakudi bitangila bitata ebi, monayi kabiena bitata bindi mfundapu mulubu mujima wa malu a kala a bantu banyi to; bualu bitata bindi mfundapu mulubu mujima wa bantu banyi ndi mubipesha dîna dia Nefi; bua nanku, bidi bibikidibua ne bitata bia Nefi, mu dîna dianyi nkayanyi; ne bitata ebi kabidi bidi bibikidibua ne bitata bia Nefi.
3 Nansha nanku, ndi mupeta mukenji kudi Mukalenga bua kuenza bitata ebi, bua kipatshila ka pa buatshi bua ne kuikala mulubu uvua mukanunyibua wa disadila dia bantu banyi.
4 Pa bitata bikuabu nepakanunyibua mulubu wa bumfumu bua bamfumu, ne mvita ne makokangana a bantu banyi; bua nanku bitata ebi bidi mu tshitupa tshinena bua disadila; ne bitata bikuabu bidi mu tshitupa tshinena bua bumfumu bua bamfumu ne mvita ne makokangana a bantu banyi.
5 Pananku, Mukalenga udi mumpesha mukenji wa kuenza bitata ebi bua kipatshila ka lungenyi kudiye, kina kipatshila kandi ntshiyi mumanya to.
6 Kadi Mukalenga udi mumanya malu onsu ku mbangilu; bua nanku, udi ulongolola njila bua kukumbaja midimu yenda yonsu munkatshi mua bana ba bantu; bualu monayi, udi ne bukola bonsu bua kukumbaja mêyi enda onsu. Ne bidi nanku. Amena.