1 Ne biakalua ne ngakakula kudi bana betu ba baluma, ngamba: Tubandayi kabidi ku Yelushalema, ne tuikalayi ne lulamatu mu dilama mikenji ya Mukalenga; bualu monayi udi ne bukitu kupita buloba bonsu, kadi bua tshinyi kena ne bua kupita Labana ne bantu benda makumi atanu, eyowa, mena kupita makumi enda a binunu to?

2 Bua nanku, tubandayi; tuikalayi ne makanda bumuvua Mose; bualu bulelela wakambila mâyi a Mbuwa Mukunza ne akapanduluka eku ne eku, ne batatuetu bakapita, kupatukabu mu bukuatshibu, panshi pûma, ne misumba ya basalayi ya Palô yakalonda ne yakafua mu mâyi a Mbuwa Mukunza.

3 Mpindiewu monayi nudi bamanya ne bidi bilelela; ne nudi kabidi bamanya ne muanjelu uvua muakula kunudi; bua tshinyi nudi mua kuela mpata anyi? Tubandayi; Mukalenga udi ne makanda a kutupatuisha, mena bu batatuetu, ne kushipa Labana, mena bu Bena Ejipitu.

4 Mpindiewu, pangakakula mêyi â, bakafîka tshiji kabidi, ne bavua batungunuka kunungana; nansha nanku bakandonda tô ne patuakalua pambelu pa bimanu bia Yelushalema.

5 Ne bivua butuku; ne ngakenza ne basokoma pambelu pa bimanu. Ne kunyima kua basokoma, mema, Nefi, ngakadibueja mu tshimenga ne kuya mutangila ku nzubu wa Labana.

6 Ne mvua mulombodibua kudi Nyuma, ntshiyi mudianjila kumanya malu amvua ne bua kuenza to.

7 Nansha nanku ngakaya, ne bu mungakalua pabuipi ne nzubu wa Labana ngakamona muntu muluma, ne uvua mupona pa buloba kumpala kuanyi, bualu bua uvua mukuatshika mvinyo.

8 Ne pangakalua kudiye ngakasangana ne uvua Labana.

9 Ne ngakamona muela wenda wa mvita, ne ngakawupatula mu tshizubu tshiawu; ne tshilabi tshiawu tshivua tshia ngolo munonoka, ne mudimu wa ku bianza wawu uvua mulenga menamena, ne ngakamona ne tshitâtu tshiawu tshivua tshia tshiamua tshikolesha tshia mushinga mukola.

10 Ne biakalua ne ngakenzejibua kudi Nyuma ne nshipa Labana; kadi ngakamba mu mutshima wanyi ne: Nansha ku musangu umua ntshiena mumatshisha mashi a muntu to. Ne ngakashinshikila ne ngakajinga ne ntshimushipi to.

11 Ne Nyuma wakamba kundi kabidi ne: Mona Mukalenga wamufidi mu bianza bieba. Eyowa, ne mvua kabidi mumanya ne uvua mukeba bua kuangata moyo wanyi; eyowa, ne uvua mubenga kumvuila mikenji ya Mukalenga to; ne uvua kabidi munyenga bintu bietu.

12 Ne biakalua ne Nyuma wakamba kundi kabidi ne: Mushipa, bualu Mukalenga wamufidi mu bianza bieba;

13 Mona, Mukalenga udi ushipa bantu ba bubi bua kukumbaja tuipatshila tuenda tuakana. Bidi bimpa ne muntu umua afua pamutu pa ne tshisamba tshishinguluka ne tshifua mu dipanga dia ditabuija.

14 Ne mpindiewu, pangakumvua mema, Nefi, mêyi â, ngakavuluka mêyi a Mukalenga akakulaye kundi mu tshipela, wamba ne: Monsu mualama ndelanganyi yeba mikenji yanyi, nebalubuluka mu bulaba bua dilaya.

15 Eyowa, ne ngakela meji kabidi ne kabavua mua kulama mikenji ya Mukalenga bilondeshila ku mikenji ya Mose to, amu bikalabu ne mikenji.

16 Ne mvua kabidi mumanya ne mikenji ivua mikanunyibua pa bitata bia kalabi.

17 Ne kabidi, mvua mumanya ne Mukalenga uvua mufila Labana mu bianza bianyi bua bualu ebu—bua ne ngangata miandiku bilondeshila ku mikenji yenda.

18 Bua nanku ngakatumikila dîyi dia Nyuma, ne ngakakuatshila Labana ku nsuki ya ku mutu, ne ngakakosa mutu wenda panshi ne muela wa mvita wenda nkayenda.

19 Ne kunyima kua mema mukosa mutu wenda panshi ne muela wa mvita wenda nkayenda, ngakangata bilamba bia Labana ne ngakabivuala pambidi panyi nkayanyi; eyowa, kalamba konsu; ne ngakasuika biluilu bienda mu tshimonu tshianyi.

20 Ne kunyima kua mema muenza nanku, ngakaya ku tshibutshilu tshia Labana. Ne bu mumvua nya mutangila ku tshibutshilu tshia Labana, monayi, ngakamona musadidi wa Labana uvua ne nsapi ya ku tshibutshilu. Ne ngakamupesha mukenji ne dîyi dia Labana, ne aya nanyi ku tshibutshilu.

21 Ne wakatshinka ne mema mvua mfumu wenda, Labana, bualu wakamona bilamba ne kabidi muela wa mvita musuika ku tshimonu tshianyi.

22 Ne wakamba kundi bitangila bakulu ba Bena Yuda, yeya muikala mumanya ne mfumu wenda, Labana, uvua mupatuka butuku nabu.

23 Ne ngakakula kudiye bikala bu Labana.

24 Ne ngakamuambila kabidi ne mvua ne bua kuya ne mikanunu, ivua pa bitata bia kalabi, kudi bakulu banyi ba baluma bavua dishiya dia bimanu.

25 Ne ngakamutumina dîyi ne andonda.

26 Ne yeya, utshinka ne ngakakula bua bana betu ba mu ekelezia, ne mvua bulelela Labana umvua mushipa, pananku wakandonda.

27 Ne wakamba kundi misangu ya bungi bitangila bakulu ba Bena Yuda, bu mumvua nya kudi bana betu ba baluma bavua dishiya dia bimanu.

28 Ne biakalua ne pakammona Lamana wakatshina bikola, ne kabidi Lemuele ne Sama. Ne bakanyema ku mpala kuanyi; bualu bakatshinka ne mvua Labana, ne uvua munshipa ne uvua ukeba bua kuangata mioyo yabu kabidi.

29 Ne biakalua ne ngakababikila, ne bakangumvua; bua nanku, bakalekela kunyema ku mpala kuanyi.

30 Ne biakalua ne pakamona musadidi wa Labana bana betu ba baluma wakabanga kuzakala, ne ukavu pabuipi ne kunyema kumpala kuanyi ne kupingana ku tshimenga tshia Yelushalema.

31 Ne mpindiewu, mema, Nefi, muikala muntu wa mubidi munena, ne kabidi muikala mupeta makanda mavula kudi Mukalenga, bua nanku ngakakuata musadidi wa Labana, ne kumulama, bua ne kanyemi to.

32 Ne biakalua ne ngakakula nenda, ne yeya mumvuila mêyi anyi, bu mudi Mukalenga ne moyo, ne bu mundi ne moyo, mena ne yeya mumvuila mêyi etu, netuepelesha moyo wenda.

33 Ne ngakakula kudiye, mena ne diditshipa, ne kavua kutshina to; ne neikala muntu mudikadila bu mutudi biapuekaye netu mu tshipela.

34 Ne ngakakula kabidi kudiye, ngamba: Bushuwa Mukalenga udi mutupesha mukenji bua kuenza bualu ebu; ne katuakunanukila mu dilama mikenji ya Mukalenga anyi? Bua nanku, biwapueka mu tshipela kudi tatuanyi newikala ne muaba kutudi.

35 Ne biakalua ne Zolama wakapeta dikima pakumvuaye mêyi angakakula. Mpindiewu Zolama divua dîna dia musadidi; ne wakalaya ne neapueka mu tshipela kudi tatuetu. Eyowa, ne wakaditshipa kabidi kutudi ne neashala netu ku tshikondu atshi ne kunyima.

36 Mpindiewu tuakajinga ne ashala netu bua bualu ebu, bua ne Bena Yuda kabamanyi bua dinyema dietu mu tshipela, bua kabalu kutulondakaja ne kutushipa to.

37 Ne biakalua ne pakaditshipa Zolama kutudi, ditshina dietu bimutangila diakajika.

38 Ne biakalua ne tuakangata bitata bia tshiamua tshia kalabi ne musadidi wa Labana, ne tuakaya mu tshipela, ne tuakenza luendu ku ntenta wa tatuetu.