1 Yalishca jipa imaura Jesús cai shimicunata parlashca cashpa pai tigrarirca cutin ashtacacunapaman, paipaj shimita pascarca cutinbash, nishpa: Ciertopacha, ciertopacha, ñuca cangunaman nini, ama ricushpa chasquichi, canguna ama ricushpa chasquichishca canguichi.

2 Ima ricushpa chasquichihuan canguna ricushpa chasquichinguichi, canguna ricushpa chasquichishca canguichi; ima tupunahuan tupunguichi, cutin canguna tupui tucushca canguichi.

3 Imashpata canguna ricunguichi uchilla jupata quiquin huauquicunapaj ñavipi, ashtahuangari nachu ricungui caspita imami quiquinba propio ñavipi tian?

4 Nacashpa imashnata nigringui quiquinba huauquita: Saquihuai llujchichun quiquinba ñavimanda uchilla jupata—riqui, shuj caspi quiquinba propio ñavipi tian?

5 Canguna hipócrita, quiquinba propio ñavimandara caspita llujchi; shina punchalla ricungui llujchingapa uchilla jupata quiquinba huauquipaj ñavimanda.

6 Ama caraichu ima achil can alcucunaman, cangunapaj perlacunata ama shitai cuchicunaman, paicuna saruchun paicunapaj chaquicunahuan, cutin tigrashpa cangunata faquichunbash.

7 Mañai, cai cangunaman cushca canga; mascai, canguna taringuichi; huajtachi, cai cangunaman pascashca canga.

8 Tucui maijanguna mañajca, chasquin; pimi mascan, tarin; huajtachi, cai canman pascashca canga.

9 Nacashpa maijan runa cangunamanda tian, pimi, paipaj churi tandata mañajpi, caranga shuj rumita?

10 Nacashpa shuj pescadota mañajpi, caranga shuj culebrata?

11 Shina cajpi, na alicuna cashpa, alita caranata yachanguichi cangunapaj huahuacunaman, ashtahuan yali cangunapaj Taita pimi jahua pachapi can caran ali cuzascunata maijan paita mañajcunaman?

12 Chaimanda tucui cuzascuna imacunata runacuna cangunata rurachun munanguichi, paicunata shina canguna ruraichi, cai can catichunbacha saquishcacuna, achil villachijcunapash.

13 Quichiji punguta yaicuichi; ancho can pungu, anchopash can ñan, imami tucuchinaman pushan, taucacuna tian maijan chaita yaicun;

14 Quichiji pungu caimanda, quichijipash can ñan, ima pushan causaiman, huaquinlla tian caita tarij.

15 Cuidarichi yanga achil villachijcunamanda, pimi shamun cangunapaman llamagushna churajushpa, ashtahuangari ucumanga paicuna can yarjai lobocuna.

16 Paicunata rijsinguichi paicunapaj fucushcacunamanda. Tandachinllu uvascunata cashacunamanda, nacashpa jigoscunata cardocunamanda?

17 Shina tucui ali yura apamun ali fucushcata; ashtahuangari shuj huaglipacha yura apamun na ali fucushcata.

18 Shuj ali yura na apamui ushanllu na ali fucushcata, shinallata shuj huaglipacha yura ali fucushcata.

19 Tucui yura na ali fucushcata apamujtaca cuchushca can, ninaman shitangapa.

20 Chaimanda, paicunapaj fucushcacunamanda paicunata rijsinguichi.

21 Na tucuilla ñucata nij, Apunchij, Apunchij, jahua pachapaj reinoman yaicungachu; ashtahuangari maijan ñuca Taita pimi jahua pachapi cajpaj munaita rurajcunalla.

22 Tauca ñucata ninga chai punllapi: Apunchij, Apunchij, nachu quiquinba shutipi achil villachircanchi, quiquinba shutipi ayacunata llujchishpa cacharcanchi, quiquinba shutipi rurarcanchi tucui juyailla ruraicunata?

23 Shina paicunata nishami: Ñuca nimaura na rijsircanichu; ñucapamanda anchurichi, canguna na ali ruraicunata rurajcuna.

24 Chaimada, maijanbash cai ñucapaj cuzascunata uyajcuna, rurajcunapash, paita parijashpa ricuchishami shuj yachaj runahuan, pimi huasichirca paipaj huasita rumi jahuapi—

25 Manllanayai tamia urai shamurca, yacucunapash jatarirca, huairacunapash huajtamushpa, urmarca chai huasi jahuapi; cai na urmarca, imashpa cai huasichishca carca shuj rumi jahuapi.

26 Tucui cai ñuca cuzascunata uyashpa ruraichipash shuj juizu illa runashna ama caichi, pimi huasichirca paipaj huasita tʼiyu jahuapi—

27 Manllanayai tamia urai shamurca, yacucunapash jatarirca, huairacunapash huajtamushpa, urmachirca chai huasita; cai urmarca, jatun carca caipaj urmai.