1 Cunan yalishca jipa Jesús cai cuzascunata villashca jipa llactapuracunaman aliguta villarca; pai aliguta villarca tucui cuzascunata, jatundapash, uchillatapash.

2 Pai nirca: Cai achil quilcashcacuna, imata canguna na charishcanguichi, Taita mandarca ñuca cangunaman cuchun; cai carca paipi yachai caicunata cushca cachun cati miraicunaman.

3 Pai aliguta yachachirca tucui cuzascunata, callarimanda ima punlla paipaj punchapambapi shamungacaman—ari, tucui cuzascunata imacuna yalinga alpa jahuallapi, imaura elementocuna yacuyanga ninan rupaihuan, cai alpapash pilluringa shuj rollo laya, jahua pachacuna, alpapash ñana tianga;

4 Jatun, tucuri punllacaman, imaura tucui llactapuracuna, tucui reinocuna, shimirimaicuna Diospaj ñaupapi shayaringa, ricushpa chasquichi tucungapa paicunapaj ruraicunamanda, caicuna ali cajpi, na ali cajpipash—

5 Caicuna ali cajpica, mana tucurina causaipaj cutin causarinaman; caicuna na ali cajpica, condenaciónpaj cutin causarinaman; cai lado chailado pacta cashpa, shuj shujmanda, caishu caishumanda, shungumanda llaquimanda, alicaimanda, achil cai imami Cristopi can, pimi carca cai pacha callaripaj punda.

6 Cunan na quilcashca caita ushan cai quilcashcapi patsajmanda shujlla cuzasllapash imata Jesús llactapuracunaman ciertopacha yachachirca.

7 Ashtahuangari riqui Nefipaj jirru fangacunata charin tucuimanda yalishca cuzascunata imata pai llactapuracunaman yachachirca.

8 Cai cuzascuna ñuca quilcashcani, shuj ashagulla can cuzascunamanda imata pai llactapuracunaman yachachirca; ñuca caicunata quilcashcani munashpa caicunata cai llactapuracunaman cutin apamushca cachun, Gentilcunamanda, shimicunamanda imata Jesús parlashca can.

9 Imaura paicuna caita chasquijpi, imami minishtirishca can paicunara charichun, paicunapaj feta ricungapa, cai shina cajpi paicuna cai cuzascunata crijpi shina jatun cuzascuna paicunaman ricuchishca canga.

10 Shina cajpi paicuna cai cuzascunata na crijpi, shina jatun cuzascuna paicunapamanda jarcashca canga, paicunapaj richushpa chasquichinaman.

11 Riqui, caicuna ña quilcashca cagrinajurca, tucuilla ima quilcashca carca Nefipaj jirru fangacunapi, ashtahuangari Apunchij caita na saquirca, nishpa: Ñuca llactapuracunapaj feta ricusha.

12 Chaimanda ñuca, Mormón, quilcani cuzascunata imata Apunchij mandahuarca. Cunan ñuca, Mormón, ñuca nishcacunata tucuchini, catini quilcashpa cuzascunata imata mandahuashca.

13 Chaimanda, ñuca munani canguna ricuchun Apunchij ciertopacha yachachirca llactapuracunata, quimsa punllacunata; cai jipa, catilla ricurijurcalla, tandata faquircapash, caita achilyachishpa, paicunaman cararcapash.

14 Yalishca jipa pai yachachirca, achil yachachirca taucapachacunapaj huahuacunaman pimanda parlashca carca, paicunapaj jallucunata cacharirca, paicuna parlarca paicunapaj taitacunaman jatun juyailla cuzascunata, llactapuracunaman pai yachaj chayachishcata yali jatun; pai cacharirca paicunapaj jallucunata paicuna parlai ushachun.

15 Yalishca jipa jahua pachaman vitsiashca jipa—ishcai viajeta pai ricurimurca paicunapaman, Taitapaman rishca cashpa, paicunapaj tucui ungushcacunata jambishca jipa, paicunapaj na puri ushajcuna, pascashpa ñavicunata paicunapaj ñausacunata, tapashcata rinricunata pascashpa na uyajcunapata, tucui laya jambinacunata paipuracunapi rurarca, jatarichirca shuj runata huañuimanda, ricuchirca paipaj ushaita paicunaman, vitsiashca Taitapaman—

16 Riqui, yalishca jipa caya punlla taucapachacuna tandanajurca paipuracuna, paicuna ricurca uyarcapash cai huahuacunata; ari, uchilla huahuacunapaj shimicunata pascashca carca juyailla cuzascunata parlarcapash; cuzascuna imata paicuna parlarca na saquishca carca maijan runapash ama caicunata quilcachun.

17 Yalishca jipa discípulocuna picunata Jesús ajllashca carca chai punllamanda callarirca bautizangapa, yachachingapa mashna paicunapaman shamurca; mashna bautizarirca Jesúspaj shutipi Espíritu Santohuan junda carca.

18 Paicunapamanda taucacuna ricurca uyarcapash na parlai ushana cuzascunata, imata na saquishca can quilcashca cachun.

19 Paicuna yachachirca, achil yachachirca shujmanda caishuman; paicuna charirca tucui cuzascunata pacta paipuracunapi, tucui runacuna alita rurashpa, caishuhuan chaishuhuan.

20 Yalishca jipa paicuna rurarca tucui cuzascunata imashna Jesús mandashca carca.

21 Paicuna bautizarishcacuna Jesúspaj shutipi shutichishca carca Cristopaj iglesia.