1 Ciertopacha, ciertopacha, cangunaman nini ñuca charini cutishuj llamagucunata, caicuna na cai alpapi can, Jerusalénpaj alpapipash na, cutishuj pushtucunapi alpa muyundipipash maipi ñuca achil yachachijushcani.

2 Paicunamanda ñuca parlani paicuna nara ñuca shimita uyashcachu; paicunapaman na ricurigrishcani.

3 Ashtahuangari ñuca Taitamanda chasquishcani shuj rurachunbacha saquishcata paicunapaman rigrini, paicuna ñuca shimita uyanga, ñuca llamagucunapi yupai tucushca canga, shuj corral tianga shuj michijpash; chaimanda ñuca rini paicunaman ricurigringapa.

4 Ñuca cangunata mandani cai nishcacunata quilcanguichi ñuca rishca jipa, imashpapash cai cajpica ñuca llactapuracuna Jerusalénpi, paicuna pi ñucata ricushca can, ñucahuan cashca ñuca achil yachachipi, ama mañajpi Taitata ñuca shutipi, paicuna chasqui ushangapa cangunata rijsingapa Espíritu Santohuan, cutishuj tribucunamandapash picunamanda paicuna na yachan, cai nishcacuna imata canguna quilcanguichi alichishca canga Gentilcunaman ricuchishcapash canga, tucuilla Gentilcunamanda, puchu paicuna cati huahuacuna, pimi chajchurishca canga alpa jahuallaman paicuna na crimanda, apamui tucushca caipapash, nacashpa ñucata rijsinaman apai tucushca caipapash, paicunapaj Jatun Causachij.

5 Shina paicunata ñuca tandachisha alpamanda chuscundi ladomanda; shina ñuca pactachisha conveniota imata Taita rurashca carca Israelpaj huasipaj tucui llactapuracunaman.

6 Achilyachishca can Gentilcuna, ñucapi paicuna crimanda, Espíritu Santohuan, pimi paicunaman testifican ñucamanda, Taitamandapash.

7 Riqui, ñucapi paicuna crimanda, Taita nin, cangunapaj na crimanda, Oh Israelpaj huasi, tucuri punllapi ciertopachaca shamunga Gentilcunaman, tucuilla cai cuzascuna paicunaman yachaj chayachishca canga.

8 Ashtahuangari ay, Taita nin, na crij Gentilcunata—masqui cai pamba jahuaman shamushca cashpapash, caiman chaiman calpachishca ñuca llactapuracunata picuna Israelpaj huasipaj can; ñuca llactapuracuna pimi can Israelpaj huasimanda paicunapamanda shitashca can, paicunapaj chaquicunahuan sarushcapash can;

9 Taitapaj shungumanda llaquimanda Gentilcunata, Taitapaj ricushpa chasquichijcunamandapash ñuca llactapuracunapaj jahuapi picuna can Israelpaj huasimanda, ciertopacha, ciertopacha, ñuca cangunaman nini, tucui cai jipa, ñuca rurachishca jipa ñuca llactapuracuna picuna can Israelpaj huasimanda chugrichishca cachun, llaquichishcapash cachun, huañuchishcapash cachun, paicunapamanda shitashcapash cachun, paicunahuan millanayachishcaman tigrashca, asishpa umata muyuchishpa ricuitucushca cachun—

10 Shina mandashca Taita ñuca cangunaman nichun: Chai punlla imaura Gentilcuna juchata rurajpi ñucapaj quishpiringapa villaicunapaj contra, ñuca quishpiringapa villaicunamanda tucuita na cazujpi, paicunapaj shungupaj jariyaipi tucui jatun llactacunapaj jahuapi vichai alsarishcajpi, tucui alpapi tucui llactapuracunapaj jahuapi, tucui laya llullacunahuan junda cajpi, umachicunahuan, llaquichinacunapash, tucui laya hipocresíapash, huañuchicunapash, supercheríacunapash, fornicacióncunapash, pacalla millanayaicunapash; paicuna tucui chai cuzascunata rurajpica, na cazujpi tucui ñucapaj quishpiringapa villaicunata, riqui, nin Taita, ñuca quichusha tucui ñucapaj quishpiringapa villaicunata paicunapamanda.

11 Shina ñuca yarisha ñuca convenio rurashcata ñuca llactapuracunaman, Oh Israelpaj huasi, ñuca paicunapaman apasha ñuca quishpiringapa villaicunata.

12 Ñuca ricuchisha quiquinman, Oh Israelpaj huasi, Gentilcuna na ushaita charinga cangunapaj jahuapi; ashtahuangari ñuca yarisha ñuca convenio rurashcata cangunaman, Oh Israelpaj huasi, canguna shamunguichi yachaiman ñucapaj tucui quishpiringapa villaicunaman.

13 Ashtahuangari Gentilcuna arrepentirijpi ñucapaman tigramujpi, nin Taita, riqui ñuca llactapuracunahuan yupai tucushca canga, Oh Israelpaj huasi.

14 Ñuca na saquishachu ñuca llactapuracuna, picuna can Israelpaj huasimanda, paicunapaman richun, sarui tucuchunbash, nin Taita.

15 Ashtahuangari paicuna na ñucapaman tigramujpica, ñuca shimita na uyajpi, ñuca paicunata saquisha, ari, ñuca saquisha ñuca llactapurata, Oh Israelpaj huasi, paicunapaman ringa, sarui tucunga, paicuna canga cachi paipaj ali malichinata chingachishcashna, chaimandapacha nimapa na ali ashtahuangari shitashca cangapa, ñuca llactapuracunapaj chaquicunahuan sarushca cangapa, Oh Israelpaj huasi.

16 Ciertopacha, ciertopacha, cangunaman nini, shina Taita ñucata mandahuashca—ñuca cai llactapuracunaman cai alpata carachun paicuna chasquinapa cachun.

17 Shina Isaías achil villachijpaj shimicuna pactashca canga, imami nin:

18 Quiquinba ricuj runacuna shimita vichai alsanga; tandanajushca shimihuan cantanga, paicuna ñavi ñavi ricunga imaura Apunchij Siónda cutin tigrachimunga.

19 Cushijuiman shamuichi, tandanajushpa cantaichi, Jerusalénpaj jichushca pushtucuna; Apunchij paipaj llactapuracunata cushichishca, pai Jerusalénda jatun causachishca can.

20 Apunchijca paipaj achil rigrata llujchishpa ricuchishca tucui jatun llactacunapaj ñavicunapi; tucui alpa tucurinacaman Diospaj quishpichita ricunga.