1 Cunan, riqui, cangunaman nini, canguna cai cuzascunata mascana canguichi. Ari, shuj rurachunbacha saquishcata cangunaman cuni cai cuzascunata utsia mascaichi; jatun can Isaíaspaj shimicuna.

2 Ciertopacha pai parlarca tucui cuzascunamanda ñuca llactapuracunamanda picuna can Israelpaj huasi; chaimanda cai minishtirishcapacha can pai parlachun Gentilcunaman.

3 Tucui cuzascuna pai parlashca pactashca can, pactashca cangapash, pai parlashca shimicunamanda.

4 Chaimanda uyai ñuca shimicunata; quilcai cuzascunata imata ñuca villashcani; punllacunapi, Taitapaj munaimanda Gentilcunapaman ringa.

5 Maijan uyan ñuca shimicunata, arrepentirin, bautizarishcapash can, chaicuna quishpirishca canga. Achil villachijcunata mascai, taucacuna tian cai cuzascunamanda testifican.

6 Cunan yalishca jipa Jesús cai shimicunata nishca jipa paicunaman cutin nirca, aliguta villashca jipa tucui achil quilcashcacunata paicuna imata chasquishca carca, paicunaman nirca: Riqui, ñuca munaiman cutishuj achil quilcashcacuna canguna quilcachun, imata canguna na charinguichi.

7 Yalishca jipa Nefiman nirca: Apamui tandachishca quilcashcata imata canguna apashcanguichi.

8 Imaura Nefi aparca tandachishca quilcashcacunata, paipaj ñaupapi churarca, Jesús ricurca nircapash:

9 Ciertopacha cangunaman nini, mandarcani ñuca sirvij runata Samuel, shuj Lamanita, pai testificachun cai llactapuracunaman, chai punlla imaura Taita punchayachijpi paipaj shutita ñucapi, tauca santocuna tianga picuna jataringa huañuimanda, ricurimunga taucacunaman, achil yachachingapash. Paicunaman nirca: Nachu shina carca?

10 Paipaj discípulocuna tigrachirca, nirca: Ari, Apunchij, Samuel achil villachirca quiquinba shimimanda, tucui caicuna pactashca carca.

11 Jesús paicunaman nirca: Imashpata caita na quilcashcanguichi cai cuzasta, tauca santocuna jatarishcata taucacunaman ricurishcata achil yachachishcatapash paicunata?

12 Yalishca jipa Nefi yarirca cai cuzasta na quilcashca cashcata.

13 Yalishca jipa Jesús mandarca cai quilcashca cachun; chaimanda cai carca quilcashca imashna pai mandarca.

14 Cunan yalishca jipa imaura Jesús aliguta villashca carca tucui achil quilcashcacunata shujllapi, imata paicuna quilcashca carca, pai mandarca paicuna yachachichun cuzascunata imata pai aliguta villashca carca.