1 Yalishca jipa imaura Jesús cai ninacunata tucuchishca cajpi pai ricurca muyundi taucapachacunata, paicunaman nirca: Riqui, canguna uyashcanguichi cuzascunata imata ñuca yachachircani nara ñuca Taitapaman vitsiashpa; chaimanda, maijanbash yarishpa cai ñucapaj cuzascunata rurashpapash, paita jatarichishami chai tucuri punllapi.

2 Yalishca jipa imaura Jesús cai shimicunata nishpa pai yashpa ricujpica taucacuna manllarinajurca, tapurinajurcapash imata pai munan Moiséspaj catichunbacha saquishcacunamanda; paicuna na entendirca nishcata rucu cuzascuna yalishca carca, tucui cuzascuna mushujman tigrashca cajta.

3 Paicunaman nirca: Ama manllarichi ñuca nishcata rucu cuzascuna yalishca carca, tucui cuzascuna mushujman tigrashca cajta.

4 Riqui, cangunaman nini catichunbacha saquishcacuna pactashca can Moisésman imata cushca carca.

5 Riqui, ñuca cani pimi curcani catichunbacha saquishcata, ñuca cani pai pimi conveniota rurarcani ñuca llactapura Israelhuan; chaimanda, catichunbacha saquishcacuna ñucapi pactashca can, ñuca shamushcani catichunbacha saquishcata pactachingapa; chaimanda cai charin shuj tucurita.

6 Riqui, ñuca na anchuchini achil villachijcunata, mashnata ñucapi na pactashca can, ciertopacha cangunaman nini, tucui pactashca canga,

7 Ñuca cangunaman nini rucu cuzacuna yalishca can, ñuca na anchuchini imalaya parlashca can ima shamuna cuzascunamanda.

8 Riqui, convenio imata ñuca rurarcani ñuca llactapuracunahuan na tucuilla pactashca can; ashtahuangari catichunbacha saquishcacuna imata Moisésman cushca carca ñucapi tucurin.

9 Riqui, ñuca cani catichunbacha saquishca, michapash. Ñucata ricui, tucurinacaman catiriajuilla, causanguimi; maijan tucurinacaman catirian ñuca cusha mana tucurina causaita.

10 Riqui, ñuca cangunaman cushcani rurachunbacha saquishcacunata; chaimanda alichi ñuca rurachunbacha saquishcacunata. Cai can catichunbacha saquishcacuna, achil villachijcunapash, paicuna ciertopacha ñucamanda testifican.

11 Cunan yalishca jipa imaura Jesús cai shimicunata parlashca carca, pai nirca chunga ishcaiman maijangunata pai ajllashca carca:

12 Canguna ñuca discípulocuna canguichi; cai llactapuracunapaj shuj micha canguichi, picuna can Josépaj huasimanda shuj puchu.

13 Riqui, cai can cangunapaj chasquina alpa; Taita cangunaman caita cushca.

14 Nimaura Taita rurachunbacha saquishcata cuhuashcachu ñuca villachun cangunapaj huauquicunaman Jerusalénpi.

15 Nimaurapash Taita cuhuashcachu rurachunbacha saquishcata ñuca villachun paicunaman Israelpaj huasimanda cutishuj tribucunamanda, picunata Taita aparca pambamanda llujchishpa.

16 Caita Taita mandahuarca, ñuca paicunaman villachun:

17 Shuj llamagucunata ñuca charini maijan cai corralmanda na canllu; paicunatapash ñuca apamunapacha cani, paicunapash ñuca shimita uyanga; shuj corral tianga, shuj michijpash.

18 Cunan, shinlli shungucuna caimanda, na crimanda ñuca shimita na entendirca; chaimanda ñuca mandashca carcani Taitamanda ashtahuan ama nichun cai cuzasmanda paicunaman.

19 Ashtahuangari, ciertopacha, ñuca cangunaman nini Taita mandahuarca, caita cangunaman nichun, paicunapamanda cangunata shicanyachirca paicunapaj na ali ruraicunamanda; chaimanda paicunapaj na ali ruraicunamanda cangunamanda na yachan.

20 Ciertopacha, cutin cangunaman nini cutishuj tribucuna Taita paicunapamanda shicanyachishca can; cai can paicunapaj na ali ruraicunamanda imamanda paicunaman na yachan.

21 Ciertopacha cangunaman nini, canguna canguichi pimanda paicunaman nircani: Cutishuj llamagucunata charini maijan na cai corralmanda can; paicunapash ñuca apamushapacha, paicunapash ñuca shimita uyanga; shuj corral tianga, shuj michijpash.

22 Paicuna na entendihuarca, imashpa paicuna yarca cai Gentilcuna cashcata; paicuna na entendirca Gentilcuna crijman tigranga paicunapaj yachachicunamanda.

23 Paicuna na entendihuarca ñuca nishcata paicuna ñuca shimita uyanga; paicuna na entendihuarca Gentilcuna nimaura ñuca shimita na uyai ushanga—ñuca paicunaman na ricurigrisha ñucamanda ashtahuangari Espíritu Santohuanlla.

24 Ashtahuangari riqui, canguna ñuca shimita uyashcanguichi, ricuhuashcanguichi; canguna ñuca llamagucuna canguichi, canguna yupai tucushca canguichi maijangunahuan Taita ñucaman cuhuashca.