1 Ne mpindiewu monayi, ndi nnuambila ne pâmona Mukalenga, mu lungenyi luenda, ne bidi bikumbana bua miaku eyi ilua kudi Bena Bisamba bia Benda bilondeshila ku muaku wenda, pashisha numanya ne tshipungidi tshiakenza Tatu ne bana ba Isalele, bitangila dipinguluja diabu ku malaba a bupianyi buabu, tshikadi tshimana kubanga kukumbajibua.

2 Ne nenumanya ne mêyi a Mukalenga, avua bambi bansantu bakula, neakumbajibua onsu; ne kanujingi bua kuamba ne Mukalenga udi unengesha dilua dienda kudi bana ba Isalele to.

3 Ne kanujingi bua kuela meji mu mitshima yenu ne mêyi inganuambidi idi mikala ya tshianana to, bualu monayi, Mukalenga neavuluka tshipungidi tshienda tshivuaye muenza ne bantu benda ba ku nzubu wa Isalele to.

4 Ne panuamona miaku eyi ilua munkatshi muenu, pashisha kanujingi kabidi bua kupetula midumu ya Mukalenga to, bualu muela wa mvita wa bululama buenda udi mu tshianza tshienda tshia baluma; ne monayi, mu dituku adi, panuapetula midimu yenda neenzeja ne unukuata katataka.

5 Diakabi dikala kudi udi upetula midimu ya Mukalenga; eyowa, diakabi kudi wavila Kilisto ne midimu yenda!

6 Eyowa, diakabi kudi wavila mabuluila a Mukalenga, ne wamba ne Mukalenga katshiena wenza mudimu ku dibuluila, anyi ku buambi, anyi ku mapa, anyi ku miakulu, anyi ku londapu, anyi ku bukola bua Nyuma wa Tshijila to!

7 Eyowa, ne diakabi kudi wamba mu dituku adi, bua kupeta makasa, ne kakuena tshishima tshidi Yezu Kilisto mua kuenza to; bualu udi wenza nealua bu mudi muana wa dibutuka, bualu buenda kakuvua lusa to, bilondeshila ku muaku wa Kilisto!

8 Eyowa, ne kanujingi kabidi bua kuneka, anyi kupetula, anyi kunayila Bena Yuda, anyi tshishadi tshia nzubu wa Isalele to; bualu monayi, Mukalenga udi uvuluka tshipungidi tshienda kudibu, ne neabenzela bilondeshila muvuaye muditshipa.

9 Bua nanku kanujingi kutshinka ne nudi mua kukudimuna tshianza tshia baluma tshia Mukalenga ku dia bakaji to, bua kateki tshilumbuluilu tshiakana bua kukumbaja kua tshipungidi tshiakenzaye ne nzubu wa Isalele to.