1 Yalishca jipa ishcai huatacuna yalishca jipa Abinadí na rijsinallata churajushpa shamurca, na rijsi tucurcachu, paicunaman achil villachi callarirca, nishpa: Shina Apunchij mandahuashca, nishpa—Abinadí, ri achil villachi cai ñuca llactapuracunaman, paicunapaj shungucunata shinlliyachishcacuna can ñuca shimicunata na uyanayachishpa; paicunapaj na ali ruraicunamanda na arrepentirishcachu; chaimanda, ñuca fiñaipi ricungapa shamugrini, ari, paicunapaj na ali ruraicuna, millanayaicunamanda ñucapaj ninanda fiñaipi ricungapa shamugrini.

2 Ari, ay cai miraicunamanda! Apunchij nihuarca: Chutai quiquinba maquita, achil villachi, nishpa: Apunchijca shina nin, yalishca jipa cai mirai, paicuna na ali ruraicunamanda, huatai tucushcashnaman apai tucushca canguichi, ñavi chichupi chugrichishca canga; ari, runacunahuan llujchi tucushca canga, huañuchishcapash canga; jahuata rij buitrecuna, alcucuna, ari, sacha animalcunapash paicunapaj aichata micunga.

3 Yalishca jipa jatun mandaj Noépaj causaica shuj rupajuj jornopi churajuna layami canga; yachangami Apunchijca ñuca cani.

4 Yalishca jipa cai ñuca llactapuracunata llaquichisha ninan llaquicunahuan, ari, ninan yarjaihuan, ninan unguicunahuan; paicunata tucui punlla llaquipi caparichisha.

5 Ari, paicunapaj huashacunapi huatachisha quipicunata; burrocuna laya pushai tucunga.

6 Yalishca jipa paicunaman runducunata cachamusha, caicuna chugrichinga; indi llujshi ladomanda huairahuanbash chugrichi tucunga; alascunahuan jurucuna paicunapaj alpatapash llaquichinga, paicunapaj muyucunatapash micunga.

7 Paicuna chugrichishca canga shuj ninan jatun unguicunahuan—tucui caita rurasha paicunapaj na ali ruraicunamanda, millanayaicunamandapash.

8 Yalishca jipa paicuna na arrepentirijpica tucuillatapacha tucuchisha alpa jahuamanda; shina cashpapash shuj tandachishca quilcashcata saquinga, chaicunata ñuca alchishpa charisha cutishuj jatun llactacunaman, maijanguna cai alpata charinga; ari, caita rurasha cai llactapuracunapaj millanayaicunata yachaj chayachingapa shuj jatun llactacunaman. Tauca cuzascunata Abinadí achil villachirca cai llactapuracunapaj contra.

9 Yalishca jipa paicuna fiñashca carca; paita japishca huatashpa jatun mandajpa ñaupaman aparca, jatun mandajta nirca: Riqui, quiquinba ñaupaman apamushcanchi shuj runata pimi ayapaj achil villachicunata nishca can quiquinba llactapuracunamanda, ninmi Dios tucuchigrin.

10 Quiquinba causaitapash na ali achil villachirca, quiquinba causaica shuj rupajuj jornopi churajuna layami canga nin.

11 Cutin, virushna cangui ninmi, pambapaj shuj chaquishca virushna, caicuna sacha animalcunapaj sarupayashca, chaquicunahuan sarushcapash.

12 Cutin, shuj cardo sisashna cangui nin, cai, imaura fucushcapacha can, huaira fucujpi, alpa jahuallaman caiman chaiman shitai tucushca can. Apunchij shina parlashca nijtucun. Tucui caicuna quiquinbaman shamunga na arrepentirijpica, caicuna canba na ali ruraicunamanda.

13 Cunan, Oh jatun mandaj, ima jatun aya ruraicunata rurashcangui, nacashpaca quiquinba llactapuracuna ima jatun juchacunata rurashca, Dios-huan ricushpa chasquichi tucungapa, nacashpaca ricushpa chasquichi tucungapa cai runahuan?

14 Cunan, Oh jatun mandaj, riqui, ñucanchica culpa illa canchi, quiquin, Oh jatun mandaj, na juchata rurashcanguichu; chaimanda, cai runa canmanda llullashca can, yangalla achil villaicunatapash nishca.

15 Riqui, shinllicunami canchi, huatai tucushcashnamanga na urmashunllu, ñucanchita na ricunayachijcunahuan na apai tucushunllu; ari, pambapi ali mirashca cangui, ali miranguipashmi.

16 Riqui, runa caipi can, quiquinba maquicunaman saquinchi; ima munashcata paita rurai ushangui.

17 Yalishca jipa jatun mandaj Noé Abinadíta cárcelpi vichachirca; pai mandarca sacerdotecuna tandanajuchun, paicunahuan shuj conciliopi tandanajushpa tapungapa paihuan imata ruranata.

18 Yalishca jipa paicuna nirca jatun mandajta: Paita caiman apamui ñucanchi tapuchingapa; jatun mandaj paicunapaj ñaupaman apamuchun mandarca.

19 Paita tapuchi callarirca, pandachingapa, chaimanda paita juchachingapa; ashtahuangari paica ima manllai illa tigrachirca, paicunapaj tucui tapushcacunata, ari, paicuna ninanda manllarirca; paicunapaj tapuicunapi pactarcalla, paicunatara pandachirca paicunapaj shimicunahuan.

20 Yalishca jipa paicunamanda shuj nirca: Imata can maijan shimicunaca quilcashcacuna can, caicunata ñucanchi taitacuna yachachishca can, nishpa:

21 Juyaillamari urcucunapaj jahuapi chaquicuna can pimi ali villanacuna apamun; sumaj causaicunata tucuiman villan; alipaj ali villaicunata apamun; quishpirinata tucuiman villan; Siónman nin, quiquin Dios reinai;

22 Canguna cuidashpa chapaj runacuna shimirimaita vichai alsanga; tandanajushpa shujlla shimihuan paicuna cantanga; ñavi ñavi ricunga imaura Apunchij Siónda cutin tigrachimujpi;

23 Llujshichi cushijuipi; cantaichi tandanajushpa Jerusalénpaj jichushca pushtucuna; Apunchijca paipaj llactapuracunata cushichin, Jerusalénda pai jatun causachishca can;

24 Apunchijca paipaj achil rigrata llujchishpa ricuchishca tucui jatun llactacunapaj ñavicunapi, tucui alpa tucurinacaman ricungacha ñucanchi Diospaj quishpichita?

25 Cunan Abinadí nirca: Canguichichu sacerdotecuna, cai llactapuracunata yachachin laya canguichi, achil villachicunapaj espírituta yuyaipi chasquij laya canguichi, cai cuzascuna ima cajta ñucamanda yachangapa munanguichi?

26 Cangunaman nini, ay canguna Apunchijpaj ñangunata huaglichishcanguichi! Caicuna yachashpata paicunata na yachachinguichichu; chaimanda, Apunchijpaj ñanda huaglichishcanguichi.

27 Nachu cangunapaj shungucunata churashcanguichi yuyaipi chasquingapa; chaimanda, na yachajcuna cashcanguichi. Chaimanda, cai llactapuracunaman imatata yachachishcanguichi?

28 Paicuna nirca: Moiséspaj catichunbacha saquishcacunata yachachinchi.

29 Paicunaman cutin nirca: Moiséspaj catichunbacha saquishcacunata yachachishpaca chaicunata imashpata na alichinguichi? Imashpata cangunapaj shungucunata valishca charijyanacunapi churashcanguichi? Imashpata fornicacióncunata rurashcanguichi, cangunapaj ushaicunata rameracunahuan chingachinguichi, ari, cai llactapuracunata juchata rurachishcanguichi, Apunchijca cachamuhuashca cai llactapuracunaman achil villachichun, ari, shuj jatun na alita cai llactapuracunapaj contra?

30 Nachu yachanguichi ciertopachata ñuca parlajta? Ari, yachanguichimi ñucaca ciertopachata parlani; chujchuna canguichi Diospaj ñaupapi.

31 Yalishca jipa cangunaca chugrichishca canguichi cangunapaj na ali ruraicunamanda, nishcanguichimi cangunaca yachachinguichi Moiséspaj catichunbacha saquishcacunata. Cangunaca imata yachanguichi Moiséspaj catichunbacha saquishcacunamanda? Quishpirina shamun Moiséspaj catichunbacha saquishcacunamanda? Ima ninguichita?

32 Paicuna tigrachirca nircapash quishpirinaca shamun Moiséspaj catichunbacha saquishcacunamanda.

33 Ashtahuangari Abinadí nirca: Ñuca yachani Diospaj rurachunbacha saquishcacunata alichishpaca quishpiringuichimi; ari, rurachunbacha saquishcacunata imacunata Apunchijca Moisésman curca Sinaí urcupi, nishpa:

34 Ñuca cani Apunchij quiquinba Dios, pimi Egipto llactamanda quiquingunata pushamushcani, huatai tucushcashna huasimanda llujchishpa.

35 Shuj Diosta ñuca ñaupapi ama charinguichu.

36 Imamanbash rijchata rurashca dios ama quiquinda ruranguichu, nimatapacha jahua pachapi tiaj layata, nacashpaca ima alpaman tiajtapash.

37 Cunan Abinadí paicunaman nirca, tucui caicunata rurashcanguichichu? Ñuca nini, Na, na rurashcanguichichu. Cai llactapuracunata yachachishcanguichichu paicuna tucui cai cuzascunata rurashca cachun? Ñuca nini, Na, na rurashcanguichichu.