1 Cunan Shemlónpi shuj pushtu tiarca maipi Lamanitacunapaj ushicuna tandanajuj carca cantangapa, bailangapa, paicunapura asinajungapa.

2 Yalishca jipa shuj punlla paicuna ashalla tandanajushca carca cantangapa, bailangapa.

3 Cunan jatun mandaj Noépaj sacerdotecuna, Nefipaj alpaman tigrangapa pinganayachishca caimanda, ari, llactapuracuna paicunata huañuchinata manllaimandapash, paicunapaj huarmicunapaman, paicunapaj huahuacunapaman tigrangapa manllarca.

4 Jichushca pambapi cashca caimanda, Lamanitacunapaj ushicunata tupashca carca, chapashpa shuyarca;

5 Imaura ña ashalla paicunapura bailangapa tandanajushca cajpi, paicunapaj pacalla pushtucunamanda llujshimurca jichushca pambaman aparca; ari, ishcai chunga chuscu Lamanitacunapaj ushicuna jichushca pambaman apashpa rirca.

6 Yalishca jipa imaura Lamanitacuna paicunapaj ushicuna illajta yachashpa, Limhi llactapuracunata fiñarca, Limhipaj llactapuracuna canga yarca.

7 Chaimanda paicunapaj macanajuj runacunata cacharca; ari, jatun mandajpash paipaj llactapuracunata ñaupashpa rirca; Nefi alpaman rirca Limhipaj llactapuracunata tucuchingapa.

8 Cunan Limhi jatun torremanda ricushca carca, paicunapaj tucui callarimanda macanajungapa ruraicunata; chaimanda paipaj llactapuracunata tandachirca, paicunata chapashpa shuyarca pambacunapi, sachapipash.

9 Yalishca jipa imaura Lamanitacuna chayamujpica, Limhipaj llactapuracuna shuyanajushca pushtucunamanda llujshimushpa macanajui callarirca, paicunata huañuchi callarirca.

10 Yalishca jipa macanajui ashtahuan shinlli llaquipachaman tigrarca, leóngunashna micunamanda macanajuj laya carca.

11 Yalishca jipa Limhipaj llactapuracuna Lamanitacunata paicunapaj ñaupamanda calpachi callarirca; shina cashpapash Lamanitacuna mashna cashcamanda chaupipash na cashpapash. Ashtahuangari paicuna macanajurca paicunapaj causaimanda; paicunapaj huarmicunamanda, paicunapaj huahuacunamanda; chaimanda paicunamanda shinlliyashpapacha dragón layacuna macanajurca.

12 Yalishca jipa paicuna Lamanitacunapaj jatun mandajta tarirca paicunapaj huañushcacunapi; shina cashpapash pai na huañushca cashpapash, chugrishca caimanda, alpapi jichui tucushca caimanda, paipaj llactapuracunapaj calpaica ñapash carca.

13 Paicuna ricurca, chugrishcacunata huatarca, Limhipaj ñaupaman aparca, nirca: Riqui, caipi can Lamanitacunapaj jatun mandaj; chugrita charimanda paicunapaj huañushcacunahuan urmashca, paicuna saquishca can; riqui, ñucanchi paita apamushcanchi canba ñaupaman; cunan saqui ñucanchi paita huañuchishun.

14 Ashtahuangari Limhi nirca: Paita na huañuchinguichi, ashtahuangari paita caiman apamui ñuca ricungapa. Paicuna apamurca. Limhi paita nirca: Imamandata ñuca llactapuracunahuan macanajungapa shamushcanguichi? Riqui, ñuca llactapuracuna cangunahuan rurashca juramentotata na faquishcachu; chaimanda, imashpata canguna ñuca llactapurahuan juramento rurashcata faquinguichi?

15 Cunan jatun mandajca nirca: Ñuca juramentotata faquishcani quiquinba llactapuracuna ñuca llactapurapaj ushicunata caruman apashca; chaimanda, ñuca fiñaipi ñuca llactapuracunata quiquinba llactapuracunahuan macanajungapa shamushcanchi.

16 Cunan Limhi caimanda nimata na uyashca caimanda; nirca: Ñuca llactapuracunapi mascasha pipash caita rurashca cajpica huañunga. Chaimanda paipaj llactapuracunapi mascachirca.

17 Cunan imaura Gedeón cai cuzascunata uyashpa, pai jatun mandajpaj capitán caimanda, rirca, nircapash: Quiquinda achil mañapani jarcari, cai llactapuracunapi ama mascaichu, caita ama juchachi.

18 Nachu yaringui quiquin taitapaj sacerdotecunata, picunami cai llactapuracunata tucuchingapa munarca? Nachu jichushca pambapi? Nachu paicuna Lamanitacunapaj ushicunata shuhuashca?

19 Cunan, riqui, cai cuzascunata jatun mandajman villai, paipaj llactapuracunaman villachun, ñucanchihuan sumaj causaita charinata munangapashchari; riqui paicuna ñami callarirca macanajuipa ruraicunahuan ñucanchipaman shamungapa; riqui ñucanchica ashalla canchipash.

20 Riqui, paicuna shamunmi taucapacha macanajuj runacunahuan; imashpapash jatun mandaj na sumaj causaita charichi nijpica ñucanchica huañushunchimi.

21 Nachu Abinadípaj shimicuna pactashca, pai achil villachirca ñucanchipaj contra—tucui caicuna Apunchijpaj shimicunata na uyangapa munaimanda, ñucanchipa na ali ruraicunata na jichuimanda?

22 Cunan jatun mandajta sumaj causaita charishun nishun, pactachishun juramentota imata paihuan rurarcanchi; yali ali canga ñucanchi huatai tucushcashna causai ñucanchi causaita quichuitucuna randi; chaimanda, tucuchishunchi ashtaca yahuarta jichanata.

23 Cunan Limhi jatun mandajman nirca tucui cuzascunata paipaj taitamanda, sacerdotecunamandapash, jichushca pambaman pacajushpa calpashcacunamanda, paicunapaj ushicunata apashcatapash paicuna rurashcata nirca.

24 Yalishca jipa jatun mandaj paipaj llactapuracunata sumaj causaita charishunchi nirca; paicunata nirca: Jacuchi tuparingapa ñuca llactapuracunata, ima macanajunapash illa; cangunaman jurani shuj juramentohuan, ñuca llactapuracuna quiquinba llactapuracunata na huañuchingachu.

25 Yalishca jipa jatun mandajta catirca, ima macanajunapash illa rirca Lamanitacunata tuparingapa; Lamanitacunapaj jatun mandajca paicunapaj ñaupapi urai cumurirca, Limhipaj llactapuracunamanda shayarishpa ninanda mañarca.

26 Imaura Lamanitacuna ricurca, Limhipaj llactapuracuna ima macanajunapash illacunata, paicunata llaquirca, sumaj causaita paicunahuan charishun nirca, paicunapaj jatun mandajhuan sumaj causaita charingapa paicunapaj alpaman tigrarca.