1 Cunan imaura Mosíah caita rurashca cashpa, cacharca tucui alpacunaman, tucui llactapuracunaman, paicunapaj munaita yachangapa munashpa pi paicunapaj jatun mandaj canata.

2 Yalishca jipa llactapuracunapaj shimi shamurca, nishpa: Ñucanchi munai can Aarón quiquinba churi ñucanchi jatun mandaj, ñucanchipaj pushaj cachun.

3 Cunan Aarón Nefi alpaman vichai rishca carca, chaimanda jatun mandaj paiman reinota na cuita usharca; Aarónbash reinota na chasquinman carca, Mosíahpaj chaishu churicunapash reinota chasquingapa na munarca.

4 Chaimanda jatun mandaj Mosíah llactapuracunaman cutin cacharca; ari, shuj quilcashca shimitapacha. Quilcashca shimicunaca caicuna carca, nishpa:

5 Riqui, Oh ñuca llactapuracuna, nacashpaca ñuca huauquicuna, cangunata shinami juyani, ñuca munani canguna cutin cutin yarichun cai canata tandanajushpa yarichun—cangunapaj munai can shuj jatun mandajta charina.

6 Cunan ñuca cangunaman villani pipaj reino cana carca na chasquishca can, reinota paipaj jahuapi na japingapa munan.

7 Cunan cutishujta paipaj pushtupi churajpica, riqui ñuca manllani cangunapurapi fiñanajuicuna jatarinata. Pita yachan imashpapash ñuca churi, piman reino cana cashca, fiñaiman tigraipapash, shuj asha llactapuracuna paita catichun apanga, cai macanajuicunaman tigranga, fiñanajuicunamanbash cangunapura, maijan cai ushanga ashtaca yahuar jichai Apunchijpaj ñanda huaglichishpa, ari, ñuca llactapuracunapaj almacunata tucuchishpa.

8 Cunan ñuca nini, yachajcuna cashunchi cai cuzascunata yarishunchi, ñucanchi privilegiota na charinchi ñuca churita tucuchingapa, privilegiotapash na charinchi cutishujta tucuchinata paipaj pushtupi churajpipash.

9 Imashpapash ñuca churi cutin tigrajpi paipaj jariyaiman, yanga cuzascunamanbash nishcatapash japingapa tigranga, reino paipaj shina canata cuhuai ninga, paita, paipaj llactapuracunatapash ashtacata juchata rurachinga.

10 Cunan yachajcuna cashunchi, cai cuzascuna canata ricushunchi, rurashunchi ima cai llactapuracunapaj sumaj causai canata.

11 Chaimanda ñuca casha cangunapaj jatun mandaj ñuca tucuri punllacaman; ashtahuangari, ricushpa chasquichijcunata ajllashunchi, cai llactapuracunata ricushpa chasquichichun ñucanchipaj catichunbacha saquishcacunahuan, shuj layapi ricushunchi cai llactapurapaj canacunata, yachaj runacunata ajllashunchi ricushpa chasquichijcuna cachun, cai llactapuracunata ricushpa chasquichichun, Diospaj rurachunbacha saquishcacunahuan ricushpa chasquichinga.

12 Cunan ashtahuan ali canman shuj runa Dios-huan ricushpa chasquichi tucuchun na runahuan, Diospaj ricushpa chasquichina punllan punllan ali can, ashtahuangari runapaj ricushpa chasquichinaca huaquinbi na ali can.

13 Chaimanda, ushashpaca ali runacunata cangunapa jatun mandajcunata charishpa ushashcanguichiman, Diospaj catichunbacha saquishcacunata churachu, cai llactapuracunata ricushpa chasquichichun paipaj rurachunbacha saquishcacunahuan, ari, cangunapaj jatun mandajcunata chari ushashcanguichiman ñuca taita Benjamín laya cai llactapuracunata rurachun—Cangunaman nini shina cajpica minishtirishca canman canguna punllan punllan jatun mandajcunata charichun cangunata pushachun.

14 Ñucallatapash trabajashcani tucui ushaihuan, juizucunahuanbash ñuca charishcachuan, yachachini Diospaj rurachunbacha saquishcacunata, sumaj causaita churashcani alpapi, macanajuicuna, fiñanajuicunapash, shuhuaicuna, macanajuipi shuhuaicuna, huañuchicuna ima laya na ali ruraicuna ama tiachun;

15 Pipash na ali ruraicunapi urmajpica, castigashcanimi paicunapaj na ali rurashcacunamanda, catichunbacha saquishcacunahuan imata ñucanchi taitacuna cushca carca.

16 Cunan cangunaman nini, tucui runacuna na alicunalla caimanda na minishtirishcachu can shuj jatun mandajta charichun nacashpa jatun mandajcuna cangunata mandachun.

17 Riqui, mashna na ali ruraicunata rurachin na ali jatun mandaj, ari, ima jatun tucuchina!

18 Ari, yarichi jatun mandaj Noé, paipaj na ali ruraicunata, paipaj millanayaicunata, paipaj llactapuracunapaj na ali ruraicunata, millanayaicunatapash. Riqui ima jatun tucuchi paicunapaj jahuaman shamurca; paicunapaj na ali ruraicunamanda huatai tucushcashnaman apai tucushca carca.

19 Paicunapaj tucui yachaj Ruraj na shujmanda shayarishca cajpica, paicunapaj ciertopacha arrepentimiento, minishtishcapacha canman carca, cunangaman huatai tucushcashnapi catinmara carca.

20 Ashtahuangari riqui, paicunata cacharirca paipaj ñaupapi humillarijpi; ninandapacha mañajpi huatai tucushcashnamanda cacharichichun; shina Apunchij rurarca trabajota paipaj ushaihuan tucui canacunapi runacunapaj huahuacunaman, paipaj llaquinapaj rigrata paicunapaman chutashpa maijan paipi confianzata churajman.

21 Riqui, cunan cangunaman nini, canguna na ushanguichichu shuj na ali jatun mandajta paipaj tronomanda anchuchita, ashtaca randimanda pliturihuanlla, ashtaca yahuarta jichaihuan.

22 Riqui, paipaj cumbajcunata na ali ruraicunapi charin, paita muyushca ricuj runacunata charin; paipaj ñaupa maijan ali ruraipi reinashcapaj catichunbacha saquishcacunata tucuchin, Diospaj rurachunbacha saquishcacunata paipaj chaquicunahuan sarun;

23 Catichunbacha saquishcacunata ruran, paipaj llactapuracunaman cachan, ari, paipalla na ali rurai layapi catichunbacha saquishcacunata; pipash paipaj catichunbacha saquishcacunata na cazujpica tucuchishca canga; pipash na cazushpa paipaj contra cajman macanajuj runacunata cachamunga paicunahuan macanajungapa, ushashpaca paicunata tucuchinga; shina shuj na alita ruraj jatun mandaj tucui ali rurai ñangunata huaglichin.

24 Cunan riqui, cangunaman nini, na minishtirishca can cashna millanayaicuna cangunapaman shamuchun.

25 Chaimanda, canguna ajllaichi cai llactapuracunapaj shimi mañashcahuan, ricushpa chasquichijcuna, canguna ricushpa chasquichichun catichunbacha saquishcacunahuan imata cangunaman cushca can ñucanchi taitacuna, caicuna ali can, caicuna cushca carca paicunaman Apunchijpaj maquihuan.

26 Cunan cai na común can llactapuracunapaj shimi mañai munan imatapash alicanamanda contrariota; ashtahuangari común can llactapuracunamanda huaquin na alita munaj; chaimanda caita ricunguichi cangunapaj catichunbacha saquishcacunata rurana—ruraicunata rurana llactapuracunapaj shimi mañaihuan.

27 Cai punlla shamujpica llactapuracunapaj shimi mañai ajllanga na ali ruraicunata, shina punlla can, Diospaj ricushpa chasquichinacuna cangunapaman shamunga; ari, shina punlla canga pai ricungapa shamunga jatun tucuchihuan cai alpata cunangaman ricushca laya.

28 Cunan ricushpa chasquichijcunata charishpaca, na ricushpa chasquichijpica catichunbacha saquishcacunahuan imata cushca can, ushanguichimi paicunata ricushpa chasquichichun shuj jatun yalishca ricushpa chasquichijhuan.

29 Cangunapaj jatun yalishca ricushpa chasquichijcuna na ali ricushpa chasquichinacunahuan ricushpa chasquichijpica, canguna huaquin yali uchilla ricushpa chasquichijcunata tandachinguichi, paicuna ricushpa chasquichinga cangunapaj yali jatun ricushpa chasquichijcunata, llactapurapaj shimi mañaihuan.

30 Cangunata mandani cai cuzascunata rurachi Apunchijpaj manllaipi; mandanipash cai cuzascunata ruraichi, jatun mandajta ama charichi; cai llactapuracuna juchacunata rurashpaca, na ali ruraicunatapash paicunapaj umacunapillata tigramushca canga.

31 Riqui cangunaman nini, tauca llactapuracunapaj juchacuna cangami paicunapaj jatun mandajcunapaj na ali ruraicunamanda; chaimanda paicunapaj na ali ruraicuna paicunapaj jatun mandajcunapaj umacunapillata tigramushca can.

32 Cunan ñuca munani cai na igual caicuna cai alpapi ashtahuan ama tiachun, ashtahuanbacha cai ñuca llactapuracunahuan; ashtahuangari ñuca munani cai alpa shuj libre causana alpa cachun, shujllangaman runacuna igual derechocunata, privilegiocunatapash cushijuihuan charichun, Apunchij shina alicanata munajpica, ñucanchi causashunchi alpata chasquishunchi, ari, maijanbash ñucanchipaj cati aillucuna puchushca cai alpa jahualla tiajpira.

33 Tauca ashtahuan cuzascuna jatun mandaj Mosíah paicunaman quilcarca, paicunaman ali ricuchishpa tucui shinlli llaquicunata, jatun llaquicunatapash shuj ali ruraj jatun mandajpata, ari, almapaj tucui llaquicunata llactapuracunamanda, tucui llactapuracunapaj huasha rimaicunata paicunapaj jatun mandajta; paicunaman tucui caicunata ali villarca.

34 Paicunaman nirca cai cuzascuna na tianachu; ashtahuangari ima ruranacunapash tucui llactapuracunapi cana, shujllangaman paicunapaj canata apanga;

35 Paicunaman ali ricuchircapash tucui na ali canacunamanda imapa trabajanajurca, shuj na ali ruraj jatun mandajta charishpa paicunata mandachun.

36 Ari, tucui pai na ali ruraicunata, millanayaicunatapash, tucui macanajuicunata, fiñanajuicunata, yahuar jichaicunata, shuhuaicunata, macanajuipi shuhuaicunata, fornicacióncunata ruraipash, tucui laya na ali ruraicunatapash imacunata na nishpa cati ushaicunata—cai cuzascuna na tianachu nishpa villashpa, caicuna carca na ricunayachishcapacha Diospaj rurachunbacha saquishcacunapi.

37 Cunan yalishca jipa, jatun mandaj Mosíah llactapuracunaman cai cuzascunata cachashca jipa cai shimicuna cierto cajta crirca.

38 Chaimanda jichurca shuj jatun mandajta charina yuyaicunata, ninanda munai callarirca shujllangaman runacuna igual canacunata tucui alpapi charingapa; ari, shujllangaman nirca rurangapa munaicunata tigrachishca cachun paicunapaj juchacunamanda.

39 Chaimanda, yalishca jipa paicunapura ataju ataju tandanajurca alpacunapi, paicunapaj shimi mañaita cungapa pimi paicunapaj ricushpa chasquichij canata, ricushpa chasquichichun catichunbacha saquishcacunahuan imata paicuna cushca carca; ninanda cushijushcacuna carca, libertadta maijan paicunaman saquishcamanda.

40 Paicuna shinllicunaman tigrarca Mosíahta juyaipi; ari, paita ninanda juyarca shuj runacunamanda yalishpa; paita na ricurca shuj charijyangapalla mascaj na ali runatashna, ari, chai charijyanaca almata huaglichin; pai charijyacunata na cunguichipacha nishpa mañashca carca, yahuar jichaipipash na cushijushca carca; ashtahuangari sumaj causaita alpapi churashca carca, paipaj llactapuracunata tucui laya huatai tucushcashnacunamanda saquishca carca cacharishca cachun; chaimanda paita juyarca, ari, ninandapacha, ashtacatapacha.

41 Yalishca jipa paicuna ricushpa chasquichijcunata ajllarca paicunata mandachun, nacashpaca catichunbacha saquishcacunahuan ricushpa chasquichichun; tucui alpacunapi caita rurarca.

42 Yalishca jipa Alma callari ricushpa chasquichijcunapaj yalishca mandaj cachun ajllai tucushca carca, sumo sacerdotepash carca, cai oficiota paipaj taita cushca carca, iglesiapi tucui ruranacunata mingashca carca.

43 Yalishca jipa Alma Apunchijpaj ñangunapi purirca, paipaj rurachunbacha saquishcacunata alichirca, alihuan ricushpa chasquichirca; sumaj causai alpapi catishca carca.

44 Shina ricushpa chasquichijcunapaj reinado callarirca tucui Zarahemla alpacunapi, tucui llactapuracuna Nefitacuna nishpa shutichishca carca; Alma callari ricushpa chasquichijcunapaj yalishca mandaj carca.

45 Cunan yalishca jipa paipaj taita huañurca, pusaj chunga ishcai huatacunata charishpa, Diospaj rurachunbacha saquishcacunata pactachishpa causashpa.

46 Yalishca jipa Mosíahpash huañurca, paipaj reinado quimsa chunga quimsa huatacuna cajpi, sujta chunga quimsa hutacunata charishpa; tandachishpa carca, picha patsaj iscun huatacuna Lehi Jerusalénmanda llujshimushcamanda.

47 Shina tucurirca Nefi llactapuracunata jatun mandajcunapaj reinado; shina Almapaj punllacunapash tucurirca, pimi carca paicunapaj iglesiata shayachij.