1 Yalishca jipa jatun mandajpaj macanajuj runacuna tigrarca, Apunchijpaj llactapuracunata yanga mascashpa.

2 Cunan riqui, jatun mandajpaj macanajujcunaca uchilla carca, ashallayashca carca, puchu llactapuracunahuan chaupiri callarirca.

3 Shuj ashallacuna jatun mandajta ricungui nishpa manllachinajurca, shuj jatun randimanda plituri paicunahuan tiai callarirca.

4 Cunan shuj runa paicunahuan tiarca paipaj shuti carca Gedeón, shinlli runa carca, jatun mandajta na ricunayachij, chaimanda paipaj espadata llujchirca, paipaj fiñaipi jatun mandajta jurarca huañuchingapa.

5 Yalishca jipa pai macanajurca jatun mandajhuan; ña paita mishagrijujta ricushpa, calparca rircapash achil huasi ladopi jatun torreman vitsiarcapash.

6 Gedeón japingapa catirca jatun mandajta huañuchingapa ña jatun torreman vitsiagrijujpi, paipaj ñavita Shemlón alpaman muyundi ricurca, riqui, Lamanitacunapaj macanajun runacuna llacta manñacunapi carca.

7 Cunan jatun mandaj mañarca paipaj almata llaquimanda, nishpa: Gedeón, llaquihuai, Lamanitacuna ñucanchi jahuapimi, paicuna tucuchigrin; ari, ñuca llactapuracunata tucuchinga.

8 Cunan jatun mandajca llactapuracunata na llaquijurcachu paipaj causai layatashna; shina cashpapash, Gedeón Noépaj causaita llaquirca.

9 Jatun mandajca llactapuracunata mandarca Lamanitacunata ñaupashpa calpachun, paillatapash ñaupashpa rirca, jichushca pambaman pacajushpa rirca, paicunapaj huarmicunahuan, paicunapaj huahuacunahuan.

10 Yalishca jipa Lamanitacuna japingapa catirca, japishpa huañuchi callarirca.

11 Cunan yalishca jipa jatun mandaj mandarca tucui jaricunata paicunapaj huarmicunata, paicunapaj huahuacunata saquichun, Lamanitacunamanda pacajushpa calpachun.

12 Cunan tauca na saquingapa munajcuna tiarca, ashtahuangari chaillapita quidashpa paicunahuan huañurca. Chaishucunaca paicunapaj huarmicunata, paicunapaj huahuacunata saquishpa pacajushpa calparca.

13 Yalishca jipa maijan chaipillata quidashcacuna paicunapaj huarmicunata, paicunapaj huahuacunata juyailla ushicunata ñaupachishpa ninanda mañarca Lamanitacunahuan paicunata ama huañuchichun.

14 Yalishca jipa Lamanitacuna paicunata llaquirca, huarmicunapaj juyaillacaicunahuan ninanda ali cachirca.

15 Chaimanda Lamanitacuna paicunapaj causaita llaquirca, paicunata huatai tucushcashna japirca, Nefipaj llactaman tigrachishpa aparca, saquirca chai alpata chasquichun, Lamanitacunapaj maquicunapi jatun mandaj Noéta cunguichipacha nishpa, paicunapaj charishcacunata cuchunbash, tucui charishcacunata chaupita, paicunapaj curita, culquita, tucui juyailla cuzascunatapash, shina tributotapash pagachun Lamanitacunapaj jatun mandajman huatan huatan.

16 Cunan jatun mandajpaj shuj churi tiarca huatashcashna apai tucushcacunapi, paipaj shuti carca Limhi.

17 Cunan Limhi na munarca paipaj taita tucuchishca cachun; shina cashpapash, ali runa caimanda, Limhi paipaj taitapaj na ali ruraicunata yachashca carca.

18 Yalishca jipa Gedeón upalla jichushca pambaman runacunata cacharca, jatun mandajta mascachun paihuan cajcunatapash. Yalishca jipa paicuna tuparca llactapuracunata jichushca pambapi, tucuita, jatun mandajta paipaj sacerdotecunatapash na tuparca.

19 Cunan paicunapaj shungucunapi jurashca carca Nefipaj alpaman tigrashun nishpa, paicunapaj huarmicuna, paicunapaj huahuacuna huañuchishca cajpica, paicunahuan chaipi quidashcacunapash, paicuna mascashpa randi tigrachinata, paicunahuan huañungapa.

20 Paicunata jatun mandaj mandarca ama tigrachun; jatun mandajhuan fiñachun, llaqui yalichirca, ninahuan huañuitapash.

21 Paicuna sacerdotecunatapash ña japigrinajujpi, paicunapaj causaita quichungapa, pacajushpa calparca.

22 Yalishca jipa Nefipaj alpaman ña tigragrinajujpi, Gedeónpaj runacunata tuparca. Paicuna villarca ima cashcata paicunapaj huarmicunahuan, paicunapaj huahuacunahuan; Lamanitacuna saquirca alpata chasquichun Lamanitacunaman shuj tributota pagashpa paicunapaj tucui charishcacunamanda chaupita.

23 Llactapuracuna Gedeónpaj runacunaman villarca jatun mandajta huañuchircanchi nishpa, paipaj sacerdotecuna jichushca pamba ucuman pacajushpa calpashca cashcatapash.

24 Yalishca jipa ceremoniata tucuchishca jipa, Nefipaj alpaman tigrarca, cushijushpa, paicunapaj huarmicuna, paicunapaj huahuacuna na huañushca caimanda; paicuna Gedeónman villarca imata jatun mandajta rurashcata.

25 Yalishca jipa Lamanitacunapaj jatun mandaj paicunahuan juramentota rurarca, paipaj llactapuracuna paicunata na huañuchingachu.

26 Limhipash, jatun mandajpaj churi cashpa, llactapuracuna paiman reinota cushca cashpa, Lamanitacunapaj jatun mandajman juramentota rurarca, paipaj llactapuracuna tributota paiman pagachun, tucui charishcacunamanda chaupita.

27 Yalishca jipa Limhi reinota shayachi callarirca paipaj llactapuracunapaj sumaj causaitapash shayachirca.

28 Lamanitacunapaj jatun mandaj ricuj runacunata alpa muyundi churarca, Limhipaj llactapuracunata alpapi charingapa, paicuna jichushca pambaman ama richun; Nefitacuna cushca tributocunahuan paipaj ricuj runacunata charirca.

29 Cunan Limhi jatun mandaj sumaj causaihuan catirca paipaj reinopi ishcai huatacuna, Lamanitacuna na imatapash nirca paicunata, tucuchingapapash na mascarcachu.