Salamu kutoka Indonesia!

Jifunze kuhusu watoto wa Baba wa Mbinguni ulimwenguni kote.

Indonesia ni nchi iliyopo Kusini Mashariki mwa bara la Asia. Ina visiwa zaidi ya 17,000! Takribani watu milioni 280 wanaishi huko.

Kanisa Linalokua

Rais Russell M. Nelson aliwatembelea waumini katika mji mkuu, Jakarta, mwaka 2019. Na katika mkutano mkuu wa Aprili 2019, alitangaza kwamba hekalu lingejengwa huko!

Mahali pa Kuabudu

Indonesia ina msikiti mkubwa wa Kiislamu kuliko yote iliyoko Kusini Mashariki mwa Asia. Ina hekelu la Kibudha kubwa zaidi ulimwenguni.

Volkano ya Bluu!

Indonesia inazo volkano hai nyingi kuliko nchi nyingine yoyote. Volkano ya Kawah Ijen ina miale ya rangi ya bluu ambayo inaweza kuonekana usiku.

Je, Wewe Unazungumza Lugha Yangu?

Kiindonesia ni lugha rasmi. Zaidi ya lugha 700 huzungumzwa huko Indonesia. Kauli mbiu ya nchi yao inamaanisha “Wengi, lakini mmoja” ili kuonesha kwamba ni wamoja.

Nyumba ya Majoka

Majoka wa Komodo ndio mijusi wakubwa zaidi ulimwenguni. Wanaweza kukua hadi kuwa urefu wa futi 10 (mita 3)!

Shughuli

Kuchora Batiki

Batiki ni aina ya sanaa ambayo huongeza rangi kwenye nguo. Unaweza kufanya kitu kama hicho pia!

Fanya usanifu katika karatasi kwa kimiminika cha gundi. Gundi inapokuwa imekauka, paka rangi katikati ya mistari ya gundi kwa rangi za maji.

Maelezo ya upishi

Nasi Uduk

1. Osha mchele mweupe vikombe 2. Loweka mchele katika maji kwa saa moja, kisha chuja.

2. Katika sufuria jingine, mimina vikombe 2 vya tui la nazi. Kisha ongeza karafuu 2 nzima, kijiti 1 cha mdalasini, na chumvi kijiko 1 cha chai. Changanya na acha mchanganyiko uchemke.

3. Ongeza mchele kwenye mchanganyiko huo. Funika na upike kwa moto wa chini kwa dakika 15–20 hadi wali unapokuwa umeiva.

4. Uondoe kwenye moto na uache ukiwa umefunikwa kwa dakika 10. Kula na mayai ya kuchemsha, vitunguu vilivyokaangwa, au chochote kingine unachopendelea.

Hakikisha unapata msaada wa mtu mzima!

Kidokezo cha Afya

Usingizi Mzuri wa Usiku

Tunahitaji kulala ili tuwe na nguvu ya kukimbia, kucheza na kufanya kazi. Jaribu kulala muda uleule kila usiku. Fanya kitu cha kukusaidia utulize akili na mwili kabla ya kulala.

Vielelezo na Conner Gillette