Fare Gospel Rok Yesus Kristus nib Riyul’, Machalbog, nge Moem
Ba t’uf rodad Got nge ba t’uf rodad e buguli yoror e boelngin ko machib ko pigpig; u langin tabinaw, fil ni ke dugiliy ko Galasia; liyoer ko Madnam; nge fare muruwel ko thapeg.
Pi walegeg, ba mo’maw ni nggu ba lem nag ni 71 duw kafram, u lane 1948, kug mang e missionary u England nge 44 duw kafram ni Barbara nge gag kug fekew tabinaw romow nga Canada nap’an i gag e president ko fare Canada Toronto Mission. Nap’an kug pigpig urom u April 1976, ke pinningeg ko Bin Somm’on e Ulung ko fare Seventy, nge dabgu nang u lane 1985, ke pinningeg ko fare Ulung ko fare Ragag nge La’agruwi Apostle. Dabi ta’abrogon boechi pong rog ni bay yib mus, fare mus ko pong rog ko fare Ragag nge La’agruw ni gathi tha’bi mangil e ban’en tiney; arragon, gu ba meybil e rran nem ra yib kemus tomuren kug ma’ gubin ban’en ni ke pinningeg Somoel.
Nap’an gu ba lemnag mornga’agen 43 e duw ko pigpig rog ko General Authority nge taw’awth nib mangil ni kug pigpig ngorad pi bitir ko Chitamangiy nu Tharmiy u langob e fayleng, kug fil’ nib polo’ ni Ir ba adag urngin e bitir Rok, nib gubin, ni ngar pir’eg e gapas nge falfalan’ u lane a yafos rorad.
Fare profet Lehi ke machib, “pum’on [nge piin’] e bay, ni nge yog e falfalaen’ ngoraed.”1 Bay bo’or e fan ni dariy’ e gapas nge falfalan’ u lane yafos rodad, ni dariy’ e salpiy, mael, ban’en nike buch nib alamrin, nge tin nib kireb u muruwel, m’ar, nge tha’ rodad.
Bachane ni dabiyog dabda dugliyed nag pin’em ni ba thilyeg yafos rodad nima buch u dakaen e fayleng, nap’an gadad ba athamgiliy ni yog e gachalpen nib yul’yul’ ko Somoel ni Yesus Kristus, rayog ni ngad pir’eged gapas nge falfalan’ ma dariy’ fan tin nib kireb u fayleng.
Ta’ e bitir rog ke ga’ar, “Papa, dagu nang fa’anra rayog ngu rin’ riy.” Kug yog, “Kemus Chitamangiy nu Tharmiy ba fith ngodad ni gadad ba guyed rogon e rayog rodad gubin e rran.” Pi walegeg, gayed rogon e rayog romed urngin e rran, nge borran, ga ra nang ni Chitamangem nu Tharmiy ma nangem nge ba adagem. Nge nap’an ga ba nang e biney—nang nib riyul’—ni ba fan nib riyul ko yafos rom nge ni ba sugem ko falfalan’ nge gapas.
Ni fare Magal ko fare Fayleng, fare Taathapeg ke ga’ar, “Urngin e girdi’ ni gu ra mich u wun’rad e dab kur pir’ed u fithik’ e lumor.”2
“Yesus Kristus e ba ngochol ni pi’ e Chitamangiy, ma dariy reb e ngochol ni rayog ni nge thap e [gidii’] riy;
“Ere, gubin e pumo’on [nge ppin] thingari thapeged e fithingan ni ke pii Chitimangiy nga dakaendad.”3
Fapi chep nib thothup ba fil ngodad ni ba’adag Mo’oniyan ni powiiydad nga milmor. Gubin ban’en ni ir ba rin’ ni ba thang nag e magal nge riyul ko fare gospel Rok Yesus Kristus. Nap’an Lehi e fanow e bitir rok, fare mo’oniyan “ya be gay rogon ni nge gubin e gidii’ me kirbaen’ ni boed ir.”4 Fa’anra “muruwel nge … rir “Rok Chatamangiy nu Tharmiy e “ni pii’ e yafos nib manemus nge yafos nib machalbog ngak [pum’on nge ppin’],”5muruwel” rok Mo’oniyan ni ba pi’ magawon nge gafgow ni dariy n’umngin ngorad bitir ku Got. Denen nge tin kireb ba thang nag e Magal ku Kristus u lane yafos rodad. Arfan ni ngad ba’adagdad ni ngad pired u fithik e Magal ku Kristus, nima pi’ gapas nge falfalan’.
U lane e 18 pul ni ke e thimur, fare Somoel ni ke pi’ e yi’iy ngorad pi profet nge Apostle Rok ni ngar thilyeg nib mangil ngak boech ban’en. Machane, gu rus ni fan ko thothup ko biney e thilyeg e ba pagtalin u langin e falfalan’ ko biney e thilyeg.
Ke yoen kafram Joseph F. Smith: “Fare machib nib riyul, nib machalbog, nib moem rok Yesus Kristus ke fulweg.” Ni muruwel rodad ni ba ayuweg ir u dakean e fayleng.”6 Ke puthuy ni fare gospel nib riyul’, machalbog, nge mom e fare “machib ni kan cha’riy ku Kristus.”7
Ulan fare Kenggin ko Mich, fare Profet Joseph Smith ke fil,“u wanʼmad ni bachan e Bayul ni pi’ Kristus, ma gubin e gidii ma rayog ni ngar pateged e yafos ni manemus u daken e motochiyal ni unfol riy ni gubin nge machiben e Gospel.”8
Bin som’on e pin’en ko fare Gospel ir mich ulan fare Somoel ni Yesus Kristus, kalngan’, tawfe, to’owath ko far Kan ni Tothup, nge athamgil mada’ ko tomur. Walagen ni Hyrum ke fil bo’or yay: gara sap rran ko rran ra yib e ganop nib bi’ech nge reb e tamilang marunga’en ra yib ngom. Rayog ni ngam ga’nag binem … ni nang nanged binem. Rayog ni ngam weliy tiney nib moem ngak e gidii’ ni [ngam] machib ngak.”9
Mich u wun’ug ni ngad sapgad e fan nib thouthup ko fare Galasia e ba fol fare machib nib riyul’, machalbog, nge mom ku Kristus nge ba fol bin la’agruw motochiyel nib ga’ ko Tabayul’: “Thingari t’uf rom Somoel ni ir e Got rom, u polo’ i gum’ircha’em. … Thingari t’uf rom e en ni ir e bin magid ngom ni gowa gur.”10
Nap’an ni ba fol gali motochiyel nib ga’ ni ba pii’ e rogon ni bay gapas nge falfalan’. Nap’an gadad ba’adag nge pigpig ngak Somoel nge gadad ba’adag nge pigpig ngorad pi buguliyoror rodad, gadad ra thamiy ni bay yib e falfalan’ ngodad.
Ba t’uf rodad Got nge ba t’uf rodad e buguliyoror e boelngin ko machib ko pigpig; u langin tabinaw, fil ni ke duwgily ko Galasia; liyoer ko Madnom; nge fare muruwel ko thapeg ko fagli veil ni ba ayuw ko Relief Society nge ulung ko elders. Gubin e pin’ey ni ba boelngin u dakaen fapi motochiyel nib thothup ni thingar dad t’uf rodad Got nge t’uf rodad buguli yoror. Bay reb e ban’en ni boech boelngin nge mom riy?
Ni ba par fare wo’en ko gospel nib riyul’, machalbog, nge moem ra pagdad ni ngad dared ngak pi ppin ni dariy pum’on, pi pum’on ni dariy ppin’, pi bitir ni dariy galibthir, gidii’ nib kireban’, nib m’ar, nge nib gafgow. Ngad pir’eged e gapas nge falfalan’ u lane e yafos nap’an gadad ba pigpig e Somoel nge buguli yoror rodad.
Fapi thilyeg ko fare Madnom ni be gel nag u langin tabinaw, fil ko fare gospel ni ke dugiliy ko Galasia e ngiyal ni bi’ech nag ya’el rodad nge yul’yul’ rodad ngak Got u lane tabinaw rodad. Mang e reb e pin’en ni rayog ni boech moem nge falel’? Pi walageg, rayog ni ngam guyed ni ba fil nge machib fare gospel u lane e tabinaw rodad ni rib ga’fan rogon ni ngad pir’eged e falfalan’ u lane yafos rodad?
Fare Taathapeg ke yog mornga’agen e Madnom, “Ni fan ko biney e rran ni gaba toffan ko pi muruwel rom, nge pi’ liyoer ngak Tha’bi Tolang.”11 Ke puthuy, “Ni ba sug ko falfalan’ … [u dakean] liyoer nge meybil … ni [thingar] mu rin’ e pin’ey u fithik e magar, ni gum’ircha’med nge owechmed nib falfalan’ … [nge] gum’ircha’ med nge owechmed nib fel’.”12
Wenig mu lem nag ko boech e thin ni ga’fan ko biney e yi’iy: falfalan’, liyoer, magar, gum’irchaen nib falfalan’, fel’ gum’irchaen, nge oewchen nib falfalan’. Guba lem nag ni e liyor ko fare rran ko Madnam thingari yib e minmin nga owechdad.
Nap’an gadad ba pigpig u fithik e thothup nib tolang, wenig ni ngam lem niged urogon ni ga’fan ni ngad mada’ gad gubin gidii’ ni bay yib nga mo’olung ko Galasia rodad, ni tha’bi ga’fan e chongin nib bi’ech nge bee’ ni dabi un. Thingar dad ni ngad yon’ed e tang nge motoyil ko fapi thin ko meybil ko sacrament ni bay gum’ircha’dad nge tafney nib bing.
Fapi mich u lane e mo’olung ko baley nag e abich nge mich ni ba powi’iy ko chongin e bishopric, ni ba pi’ e mich rok mornga’agen fare wo’en e athap nge fare gospel ku Kristus nib riyul’, machalbog, nge moem. Gubin boech e gidii’ ni thingar gad wo’en rok. Thingar da tay u wun’dad ni bay yug boech ngiyal’ ni ngad non gad mornga’agen e yaat fa milekag dad. Nap’an ni ngad ba moem nag e mich rodad nge mornga’agen fare gospel ku Kristus, Ir ra pii’ ngodad ayuw nib thothup nap’an ngad non gad mich roadad ngodad.
Pigpig nib tha’bi fel’ nap’an gadad ba sap u dakean e tilgiy ko t’uf rodad Got nge t’uf rodad buguliyoror. Ba non nib mom, gadad ba pigpig bachane ba t’uf rodad Chitamangdad nu Tharmiy nge bitir Rok. Pigpig rodad ra mang nib tha’bi fel’ nap’an gadad ba moem nag e pigpig rodad. Bo’or e falfalan’ ni bay yib u dakean ban’en nib moem u lane yafos, ere dab da lem gad ni boech nibe t’uf puthuy ko fare thilyeg ni ke pi’ ngodad ni toey e mich nib gel’ u lane gum’ircha’rad e bitir ku Got.
Dabda magawon nag pin’en fa’an ni ngam fal’eg boch reb e mo’olung, sunom, fa taliin. Moem Nag. Ireray u fithink biney e moem ni ngam pir’eg fare gapas nge falfalan’ ni kug non.
Ko bo’or e duw fare fan’ ko toygang’ ko fare Galasia, ni ke pi’ u lane Handbook 2, e ban’en nib tamilang nge moem, ni ba ga’ar:
“Toygang’ ni ba’adag gubin e chongin ni thapeged gubin e gam’ing ko priesthood, fol fapi m’ag, nge rayog ni bay e exaltation nge yafos ni manemus. …
“Pi’ilal: Ayuweg rad gubin e pi’ilal ni yad ba mangil ni ngar thapeged fapi gam’ing ko fare temple. Mu fil nagrad gubin pi’ilal ni ngar pir’eged fapi gidii’rad ni kakrom ni ngar rin’ed fapi gam’ing ko temple nagrad.
“Bitir: Ayuweg rad gubin e pagal ni fel yangren ni ngar thapeged fare Melchizedek Preisthood, ni ngar thapeged fare gam’ing ko fare temple, nge ni yad ba mangil ni ngar pigpig gad e mission. Ayuweg rad gubin e rugod ni fel’ yangren ni yad ba mangil ni ngar fal’eged nge fol gad fapi m’ag nib thothup nge ni ngar thapeged fapi gam’ing ko fare temple. Gel’ nag fapi bitir u dakaen gosgos nib tha’bi mangil.
“Gubin Chongin: Ayuwegrad fapi toygang’ ko priesthood nge auxiliary, ward council, fapi missionaires, nge chongin muruwel u ta’abang, ni ngar ayuweged bee’, gel’ nag e tabinaw nge ulung e Galasia, gel nag e priesthood, nge kunuy Israel u dakaen tawfe, athamgil, nge sul bayay ko galasia. Mu fil ngarad pi chongin urogon ni ngar ayuwegrad nagrad nge tabinaw rodad nge ayuwegrad fapi gidii’ nib gafgow u rogon Rok Somoel.”13
Pigpig rog u lane Galasia ni ke ta’awath nigeg ko tin nib tha’bi mangil nge tin nib thothup. Guba micheg ni fare Somoel ba gagyeg nag Galasia Rok nga rin’ e fan Rok. Ke yib ngog ayuw nib thothup nib tha’bi ga’fan. Fare falfalan’ ni bay yib ngog nap’an gu ba fol e gospel ni ke luluk’ngun e riyul’, machalbog, nge machib nib mom nge gospel Rok Yesus Kristus.
Kug pigpig u tan fapi key nge fanow rorad ko nel’pi profet nge President ko fare Galasia, rok Spencer W. Kimball mada’ ko Russell M. Nelson. Guba micheg Got nike mel’eg ni gubin e pi cha’ney e profet. Kar filed fapi kengin nib ga’fan mornga’agen fare Galasia nge fare gospel nge machib rok Kristus. President Nelson e ba rin’ fare muruwel Rok Somoel ni rib pap’ay. Gu ba yog “rib pap’ay” bachane i’ir e kemus e pi Apostle ni ba ilal ko gag, nge nib mom’aw ni gu ba fol ngak nib chuchugur1 Gube micheg ni ke thapeg fapi key ko priesthood nge fare pong rok e profet ku Got. President Nelson ni ba fil’ fare riyul’, machalbog, nge moem gospel Rok Yesus Kristus. Yesus ir fare Kristus, nge biney ir e Galasia Rok—ni gu ba micheg u dakean e fithingan e Yesus Kristus, amen.