Fare Ulung: Gin ni Bay Tigil’im Riy
Ba adag Somoel ni ngam fal’eged e ulung nib gel, Nap’an nira ulunguy pifaak nga ta’abang, ma ba t’uf bang ni ngar gel gaed riy nibay tigil’ raed riy.l
Lane 2010, me Andre Sebako e ba mo’on ni kab fal’ yangren nibe gay e tin riyul’. Dawori pii’ bi’id e meybil nikeb u gumircha’en bi’id, ere ke leam nang ni nge guy rogon. Ta’aboch riy ke mada’ nag e pi tamachib. Man ke pi’ ngak ba card nibay ya’an fare ke Babyor ku Mormon riy. I thamiy Andre ban’en me fith ko fare gali tamachib fa’anra yow ra pii’ fare babyor ngak ni chuway’. Miyow yoeg ngak ni rayog ni nge fana’ fare babyor ni dariy pulwon fa’an ra yib nga galasia.1
Me un Andre ko Mochudi Branch ni-bi’ech ni kaffin toey u Botswana, Africa, ni go’ ir. Machane rib sug fare branch ko t’ufeg, ni ri 40 chongin niba’ riy.2 Mar falfalen’ gaed ngak Andre nike yib. Ke thap e machib rok tamachib man tawfe nag. Ba falel’!
Machane ma arame me di’in? Urogon ni nge paer Andre nib gel? Mini’ e ra ayuweg nge fal’ rogon u dakean fare kanawo’ ko m’ag? Ta’areb e fulweg ko re duwer nem e ulung ko priesthood rok!3
Gubin e pi’in niba’ e priesthood rok, demtrug rogon e magawon rok, ma fal’ rogon ni bachane ulung nib gel. Pi walageg ni pumo’on nib yangren niba’ e priesthood nib Aaronic, ba adag Somoel ni ngam fal’eged e ulung nib gel, ni gin ni bay tigil gubin e pumo’on riiy, gin ni bay paer fare kan thothup rok Somoel riy, gin ni gubin chonggin e ulung ma yibe falfalen’ ngoraed ma yibe tay fan raed. Nap’an nira ulunguy Somoel pifaak nga ta’abang, ma ba t’uf bang ni ngar gel gaed riy nibay tigil’ raed riy.l
Ra bigmed u lane ulung ko presidency me gagyeg nag e kanawo’ nap’an ni pireyg e thogthog4 nge t’ufeg nibe gel u fithik chonggin fare ulung. Mu sap ngak e pi’in ni kab bi’ech ko galasia, pi’in ni gathi rima m’ug nga galasia, fa pi’in nib t’uf e ayuw rok.5 Udakaen fare gelngin e priesthood, gimed ra fal’eg e ulung nib gel.6 Ma ulung, ni ta’areb lungun raed nib gel e ra ayuweg e yafas rok ba mo’on.
Nap’an ni weliy e Galasia mornga’agen e bin bi’ech i fil mornga’agen fare gospel u tabinaew ni rib ga’fan,7 ma boech e gidii ke lemnag mornga’agen e pi chonggin e galasia e boed Andre nge fith, “Ma pi’in ni fel yangren nike yib ko tabinaew ni dani ma fil mornga’agen e gospel ma gin ni dabiyog i fil mornga’agen e gospel riy ulan e tabinaw? Ran digey raed u tomur?”
Danga’! Dariy bea’ ni rayog ni ngan digey u tomur! Gubin e pumo’on nge ppin ni fal’ yangren ma ba t’uf rok Somoel. Gadaed, ni pi’in niba’ e priesthood rok, e bay u lan pa’ Somoel. Gadaed e gadaed ma ayuweg e muruwel u tabinaew. Ra gathi ban’en ni bay e ayuw u tabinaew, ma pi’ ulung ko priesthood nge kuboech e toygang’ nge pi tafagar e yaed ma ayuweg facha’ nge tabinaew nib t’uf e ayuw roraed.
Kuguy ni fal’ rogon. Ke buch rog. Nap’an nib nel’ duw rog, me dar e galabthir rog me chitamangig e digey e nina’ rog nge laal e bitir. Me tabab i murwel e nina’ rog ninge ayuweg maed. Bay ngiyal’ nike t’uf ni nge la’gruw e muruwel rok, nge skuul. Ba achig e ngiyal’ ninge ayuweg ir. Machane plibthir, pi uncle, aunty, bishop, nge pi tamachib ko tabinaew e ri baed ngar ayuweg ned e nina’ rog.
Bay e ulung rog. Gub falfalen’ ko fagaer rog—pi walageg—ni gub t’uf roraed ni ri ayuwegned gag. Ulung rog e bay gil’ig riy. Boech e gidii’ e yima sap ngog ni danug mangil ni bachane magawon ko tabinaew rog. Sana riyul’ ni aram rogog. Machane pi ulung ko priesthood e thilyeg e binem. Ulung rog e ri liyegned gag mar fal’eged e yafas rog nib alamrin.
Ba liyeg daed e gidii’ nib magagawon. Sana gadaed gubin ma aram rogon. Machane ra bagdaed ma bay e ulung rog, gin ni rayog ni ngad thapeged gelngiy man pi’ gelngiy. Fare ulung e “gadaed ta’areb ni gadaed gubin.”8 Gin ni rayog ni ngad filed ngodaed, pigpig ngak e gidii’, man ta’areb man walag nap’an ni gadaed ra pigpig ngak Got.9 Gin ni ma buch e ma’ang’ang riy.
Gu ba adag ni weliy ngomed boech mornga’agene pi ma’ang’ang nike buch u lane ulung rok Andre u Mochudi. Nap’an ni gura weliy e binney, maga sap nag e pin’en nima gel nag e ulung ko priesthood nima fol riy.
Tomuren nikan tawfe nag Andre, me un ko pi tamachib nap’an ni yow be machib nag aningeg e pumo’on ni fal’ yangren ni kukun tawfe nag raed. Chiney e ke gaman laal’ e pumo’on ni fal’ yangren. Miyad tabab i ayuwegned giyaed nge fare branch.
Bin nel’ e mo’on ni fel’ yangren, fithingan Thuso, e ni tawfe nag. Thuso e weliy mornga’agen fare gospel ngak e tafagar rog, me ta’aboch riy makar gaman mereb gaed.
Pi gachalpen Yesus Kristus e baga’ ni arrogon ni yaed ma mukun nga ta’abang—in e ngiyal’, ma tafagar roraed e ke pining raed. Kakrom, nap’an ni pir’eg Andrew fare Tathapeg, me yan nib papey ngak walagen ni Simon me “feek iyan ngak Yesus.”10 Chuchgur ni, ni ta’aboch riy me laek Fillip Kristus, me pining e fagar rok ni Nathanael ni nge “yib nge guy.”11
U Mochudi, ma ragag e pumo’on ni fal’ yangren e un ko Galasia. Me pir’eg e tamachib e bin 11. Ma bin 12 e pumo’on e ni tawfe nag nap’an ni guy nike thil e tafagar rok ni bachan fare gospel.
Chonggin e Mochudi Branch e kar gin’ gaed ngay. Pi pumo’on ney e “kar thil gaed ngak Somoel, ma … kar ta’areb gaed ko galasia.”12
Fare Babyor ku Mormon e ke murwel u lane yafas roraed ni kar thil gaed.13 Ga’ar Thuso, “Gu tabab nag i bi’ech fare Babyor ku Mormon … ni gubin ngiyal’ ni rayog rog, u tabinaew, skuul, nge gubin yang.”14
Oratile e ke ba’adag fare gospel ni bachane e susun e tafagar rok. Ke weliy ni ga’ar: “Boed [nikan] chubeg pa’ay mar thil gaed ko chingiyal’ nem. … Ku leam nag ni … bachane fachi ke … babyor ni ri tabab gaed I feek iyan … u skuul. Kuguy ni kar thil gaed ni pumo’on ni kar mangil gaed. … [Gu] ba adag ni nggu thil.”15
Gubin e pi 12 i pumo’on ney e kan kunuy raed nga ta’abang kan tawfe nag raed ni la’agruw e duw u thilin raed. Ra bee’ ma kemus ni go’ir e ma un ko biney e galasia u lane tabinaew rok. Machane gidii’ u lane Galasia e yima ayuweg raed, nib mu’un President Rakwela ngay,16 e branch president roraed; Elder nge Sister Taylor,17 ni tamachib ni mabgol; nge kuboech e gidii’ ko fare branch.
Brother Junior,18 toygang’ ko ulung, e pining fapi pumo’on ngar baed nga tabnaew rok ko gubin e misiw’ ko Madnom e ayuweg raed. Fapi pumo’on ra pi filed fapi chep nib thothup u ta’abang mar ted e meybil ni tabinaew ni gubin e balayal’.
Brother Junior e feek raed ngar guyed chonggin e galasia, gidii’ nima yaen e pi tamachib ngar guyed nge pi’in ni t’uf ni ngan yaen ni guy. Gubin fapi 12 e pumo’on e yaed ma mukun nga lane truck rok Brother Junior. Me yoen’ raed ni la’agruw fa dalip ko tabinaew me yib i feek raed ko ta’aboch riy.
Demtrug ni kaffin nibe fil fapi pumo’on mornga’agen fare gospel a yaed be thamiy ni dani yo’or e n’en ni yaed manang, me Brother Junior e ke yoeg ngoraed ni ngar weiyed ta’areb fa la’agruw ban’en ni yaed anang gak e gdii’ ni yaed be yani guy. Pi pumo’on nibay e priesthood roared e kar machib gaed, meybil, ma yaed ma pi’ e ayuw u lan e Galasia.19 Kar rrin’ed e muruwel ko priesthood roared ma kar nanged e falfalen’ ko pigpig.
Ke ga’ar Andre, “Gamaed ma fafal’ uta’abang, minin u ta’abang, yoer u ta’abang, mari gamaed chugur.20 Ba riyul’, yaed ma tunguy fithngan raed ni “fapi Walag.”
U ta’abang mar dugliyed ni yaed gubin ma yaed ra yaen ko misson. Ma mugu’ ni kemus ni go’ yaed e ko Galasia u lane tabinaew roared, a bo’or e gafgow ni yaed beyaen u fithik, machane u ra ayuwegned giyaed.
Ta’ ta’areb, miyaed be thapeg e mission. Pi’in nike yoloey e letter rok ko somm’on nga tabinaew ngak e pi’in ni kabe fal’eg rogon ko mission, ni yaed be weliy e n’en ni be buch ma yaed be pi’e athamgil ngoraed ni ngar pigpig gaed. Ragag nge ta’areb ko pi pumo’on nem e kar raned ko mission.
Pi pumo’on ney e ri weliyed fare gospel ko tabinaew roared. Nina’, walagey ni ppin, nge pagael, tafagar, nge gidii’ ni kar machib gaed ngoraed ko mission roared, e kar thil gaed kan tawfe nag raed. Ke buch bukun e ma’ang’ang ma ke fal’ wa’athan raed.
Rayog ni gube rung’ag boech i gimed nibe tafney nag ni sana kemus nima buch e ma’ang’ang u bang ni boed yu Africa, ni kari fal’ rogon e gidii’ ni yibe kunuy yu Israel riy nib papey. Machane, gube micheg ni fapi n’en nib ga’fan ni kan fol riy ko Mochudo Branch e ba riyul’ ni demtrug yang. Demtrug ni gabay riy, a ulung rom e rayog ninge ga’ ni yibe ayuweg e pi’in ni dakir ma m’ug nga galasia ma yibe weliy fare gospel. Ta’bee’ e nap’an ni ra ayuweg e fagar rok, ma ta’bee’ e rayog ni nge mang l’agruw ni’. La’agruw e rayog ni nge mang aningeg. Aningeg e rayog ni nge mang meruk. Ma meruk e rayog ni nge mang ragag nge la’agruw. Pi branch rangad manged e pi ward.
Ke fil fare Tathapeg ni ga’ar, “Gin nike mukun la’agruw fa dalip [fa bo’or] nga ta’abang u dakean fithngag, … musap, gubay u rom u fithik raed.”21 Chitamangiy nu Tharmiy e be fal’eg e e tafney nge gumircha’en e gidii’ nib liyeg daed. Rayog ni ngad fol gaed ko fare kan thothup, ma pi’ e ayuw, weliy e tin riyul’, pining boech e gidii’ ngar bi’eged fare ke Babyor ku Mormon, man t’ufeg man ayuweg raed nap’an ni yaed be nang e Tathapeg rodaed.
Ke gaman 10 e duw nap’an nike tabab nag fapi Walag u Mochudi e kanawo’ roared u ta’abang, ma kiyaed ba Walag.
Ke ga’ar Katlego, “Gamaed ba palog machane ka gamaed ma ayuweg maed.”22
Meybil rog e ngad adaged e pong rok Somoel ni ngad cheag gaed Ngak u lane pi ulung ko priesthood rodaed ya ngeyog ni ra reb e ulung a gin ni bay gil’iy riy,gin ni yima mukun ngay, gin ni yima gel riy.
Yesus Kristus e ir e Tathapeg rodaed, ma iraray e muruwel Rok. Gube micheg u dakean fithngan i Yesus Kristus, amen.