Fare Bayul ku Yesus Kristus

By Tad R. Callister

Ke pag e pigpig ko Sunday School General President de new napan.

Fare Bayul ku fare Tathapeg e gathi kemus ni dariy n’umngin nap’an, machane ku ba ta’ta’reb ea tab

Nap’an e ningyal’ ko duw ney gadad ba falflaen’daed nin fan e Bayul ku Tathapeg. Ni’ir e thabi gaa’fan, gaa’ laniyaen’, machib nib fel u fayleng fa universe. Nibe yoeg athap nge fan nga yafas rodad.

Bin th’abi mangil e fare N’en ni Rrin’ Yesus Kristus ni Bayuliydaed ko Denen. U reb e rogon, ni’ir boech e ban’en nike tabab ko fare Milay’ u Gethsemane, nga kruuth, ma tabolngin e Tathapeg e Fas ko Yam’. Kan rin’ ni bachan ea t’ufeg ngodaed ni dabyog ni ngan nang fan. Ke t’uf bee’ ni dariy ea denen rok’; ni baey gelngin ni dabi m’ay u dakean fapi elements—ku yam; ma baey gelngin ni dariy ea n’umngin ni nge gafgow ko paal ko gubin ea denen nge m’ar rodaed; ma ke muul nga tangin urgngin.¹ Binir e muruwel’ rok Yesus Kristus—binir e Bayul rok.

Ere mang ea fan riy? Kan rin’ ni yira yog nag ni ngad suloed nga p’owchen Got, ngaed pired ni boed rogon, ma nge yib ngodaed ea falflaen nib polo’. Kan rin’ ni yibe gel ko aningeg n’en nib mo’maw:

Yam’ ko Dowef
Yam ko ya’el ke buch bachane Adam nge pi denen rodad.
Kirbaen’ nge ma’ar rodaed
Mo’owar nge tin kireb rodaed.

Machan ea uw rogon ni rayog ni nge mugu’uliy fare Tathapeg ea biney ni ku de th’aab fapi motochiyel ko justice?

Mu lem niged nib ngochngoch nap’an, ni bay ea pumo’on ni be lem nag ba muul nib gaa’ u lanealang me duguliy nib papay ni nge ‘og ko ba sikoeki nib ‘achigchig. Tomuren ea binem, ma be guy nib alily fare n’en ni ke rin’. Ba’adag ni nge taw nga but’ ni dani kireb nag, machan ea baey ta’abn’en ni be tileg—fare motochiyel ko gravity. Be mithmitheg paa’ ni rib papay, nibe athapeg ni nge changeg, machan ea dabiyog. Be mithmitheg ea dowef rok’ ni nge muul nib sasaaga’al, machan fare motochiyel ko gravity ea dabi pag ma de sug ko wurengaen’. Be gay rogon ni nge puruuy’ ko re motochiyel ney nib achichig: “Binem ea oloboch. Dab gu rin’ biyay.” Machan ea be muul lungun nga tiley nib baliing. Fare motochiyel ko gravity ea dar nang ea wurengaen’; dar pag ni ngan chuw ko mat’awan. Machane, be thamiy’ fare pumo’on ban’en ni baey ko keru’. Fagar rok’ ulan fare sikoeki, ni ke nang ea alily rok’, ea ke taay ea parachute ngaram u m’on ni ke ‘og. Be gay fare gaf me gireeng. Ke yib ea gapas ngak, ma be muul nga buut’ nib sasaaga’al. Sana’ gadaed ra fith, “Kan th’aab fare motochiyel ko gravity, fa ke muruwel fare parachute nib mat’aw rogon nge pii’ ea landing nib mangil?”

Napan ngad denen gaed, ma gadaed boed fare pumo’on nib alily ni ke ‘og ko fare sikoeki. Demotrug ko mang gadaed be rin’ ni ta’ta’reb, yigo landing nib kireb ea be soen nagdaed. Gadaed baey u tangin mat’awon ea motochiyel ko justice ni, boed fare motochiyel ko gravity, ea ba chirogon ma dariy ea wurengaen’. Rayog ni ngad thap gaed kemus ni bachan fare Tathapeg, u dakean ea Biyul Rok’, ea ma pii’ ngodaed ea parachute ko ya’el rodaed. Fa’an ra baey ea mich rodaed ngak’ Yesus Kristus ngad kalgad ngandaed (ni be yip’ fan ni ngad rin’ed ea muruwel rodaed, ngaed gireenged fare gaf), ma ra pii’ ngodaed ea gelngin ea ayuw ku fare Tathapeg, ma rayog ni ngad taw gaed ni dani kireb nag ea ya’el rodaed.

Rayog riy, ni kemus, ni bachan fare Tathapeg ea ke gel go faaningeg n’en nib mo’maw ni rayog ni nge tileg ea thil nib mangil ko ya’e; rodaed.

1.Yam’. Ke gel ko yam’ ni bachan ni ke fas ko yam’. Ke fil fare Apostle i Peter, “Bachan ea Adam ma ra yim’ gubin ea gidii, ma bachan ea Kristus ma gubin ea gidii’ ea yira faseg.”²

2. Denen Ke gel fare Tathapeg ko denen nge m’ingaen’ ni fan ko urngin pi’in ni ke kalngaen’. Ba to’aer nge gaa’ ea gelngin ea bi’ech rok’ ni ke micheg Isaiah, “Yug aram rogon ea ba rowrow ea denen rom, ma baey ra pired ni yaed ba wechwech ni boed ea snow.”³

Bangyal’ ko bangyal’, kug mada’ nag ea gidii’en Got ni be mo’maw ni ngar n’aged fan roraed, ni dariy ea tapngin nib kireb machan ea de mat’aw ni ke rin’ ni ke pii’ n’umngin gelngin fare Tathapeg ni nge thapeg. Dani nang, ma kar thilyeged fare Biyul ni dariy n’umngin ko reb ni baey ea n’umngin ni dabi ayuweg ea denen ara mo’owar roraed. Machan ea dariy n’umngin ea Biyul, ni bachan ea be liyeg me aywueg gubin ea denen nge mo’owar, ma ku gubin ea amiith ni pii’ yugboech ea gidii’.

Truman G. Madsen ea ke pii’ ea biney ea lem ni ma pii’ ea gapas:

“Fa’an ra baey ea gidii’ ni kan baen nag ni nge lem nag ni ke yaen nga bang ni kayigi palog, … ni baey ea dook rok’ ko denen ma dabkiyog ni nge paer ni boed rogon ni ke paer faram—ma ‘am mototil gaed ngog.

“Gube micheg dabiyog ni ngam chuweg e magal nge ganop rok Yesus Kristus. Gu be micheg ni u n’umngin i nap’an ni baey ta’areb ea ‘alburbur ko paesig ni ngan kalngaen’ ngan tab, ma ir ea baey. Demus ni ke ‘aw ko gin ni ga baey riy; Ke ‘aw nga tangin, ni ’rayog ni nge paer u laen nge fithik gubin, fare tamilang ko tin riyul’.’ [Doctrine and Covenants 88:6.]”⁴

Ta’abfan nib gaa’fan ni ngad nanged fan fare Biyul ku fare Tathapeg nge fan riy ni dariy n’umngin, ea bachan ni nap’an ni nge gaa’ ea nangfan ma ra yib ni ngan adag ku boech ni ngan n’ag fan ea yug boech ea gidii’ nge nge gadaed ni ta’ta’reb.

Yug aram rogon ni be michaen’daed ko gelngin Kristus ni nge bi’ech nigey, machan ea be yib fare duwere: “ Uw rogon ni ngu nang ni kan n’ag fan rog ko denen rog?” Fa’an rayog ni ngad thamiyed fare Kan ni Thothup, ma aram ea mich ni kan n’ag fan rodaed, ara yibe bi’ech nagdaed. Ke fil President Henry B. Eyring, “Fa’an ra kam thamiy gelngin fare Kan ni Thothup … , ma rayog ni ngam fek binem ngam nang ni be muruwl fare Biyul u lan ea yafos rom.”⁵

Boech ea gidii’ ea ke fith, “Machane fa’an ra kan n’ag fan rog, ma mang fan ka be m’ingaen’ug?” Sana udakaen e murunguy rok Got e nangfan ni ma koel chiya, e “sign ko tal’” nifan tin ya’el, ko boch i ningyal’, ba yoeg napan ra yib e lumel ngodad: “Dam maen nga kanawo’ nem. Gamanag e miit e amith ni ra fekem.” Boed biney, irma damiteeg ngodad, gathi gachigngodad.

Rayog ni, ngad, nanged ea denen rodaed ma dabi m’ingaen’daed?

Alma ea ke nang ea dene rok’, ni ke yaen boech ea duw u tomuren ni ke kalngaen’. Machan ea, nap’an ni ke yoer ngak’\ Yesus ni nge pii’ ea wurengaen’, me yog, “ Daki yib nganʼug e pi amith ni bay rog; arragon, ma daki magaf anʼug ko pi denen rog.”⁶

Uw rogon ni kayog ni nge nang ea denen rok’, machan ea de yib ea amith fa m’ingaen’? Ya nap’an ni ngad kalgaed ngan’daed, ma yibe “gargalegdaed ku Got.”⁷ Gadaed be mang, ni boed rogon ni be yog fapi chep nib thothup, “yafos nib bi’ech”⁸ ku Kristus. Gadaed be yul’yul’ ma chiney ea rayog ni ngad doged, “Gathi Gag ea cha’nem ni ke rin’ ea pi denen nem faram. I gag ea bee’ nib bi’ech nge thil.”

3. Kirbaen’ nge M’ar Ke yog Alma ni Kristues ea “bay yaen, ni be gafgow ko pi amith nge kirbaenʼ nge pi lumel ni gubin mit.: Mang fan? “Nge yog ni sug lan ngorngoren ko murnguy ... nge yog ni nang ko dagur u rogon ni nge ayuweg e gidiiʼ rokʼ u rogon e pi moʼowaer roraed.”⁹

Uw rogon ni ma mugu’uliy ea biney? Boechngiyal’ ma chuweg fare magawon, ma boechngiyal’ ma pii’ gelingdaed ni ngad athamgil gaed, ma boechngiyal’ ma pii’ ngodaed ni ngaed guyed ni n’umngin nap’an ni fan ea ngad nanged fan ea nap’an ea pi kirbaen’ nib ngochngoch. Tomuren ni ke paer Joseph Smith u lane Kalbus u Liberty ni l’agruw ea pul nap’an, ke yoer ni ga’ar, “O Got, ga baey u’uw?”¹⁰ De pii’ ea ayuw nib papay, machane ke fulweg Got, “Fakag ni pum’on, nge yib ea gapas ko ya’el rom; mo’maw nge kirbaen rom ea ba ngochngoch nap’an; ma arame, fa’an ga ra athamgil nib mangil, ma Got ra pug nga lang.”¹¹

Joseph ea ke nang fan ni biney ea ngiyal’ nib kireb ea ba achigchig ko nap’an chuboeg ni dariy n’umngin i nap’an. Baey ea re lem ney rok’, ma ke yol ko fapi gidii’en ea galasia ko binem ea kalbus, “Pi walageg, nib t’uf rog, ngad rin’ed u fithik’ ea falflaen’ gubin ea ban’en ni baey u gelingdaed; ma arame rayog ni ngad pired, ni gadaed ma nanged, ni ngad guyed fare rir rok’ Got.”¹² Bachan fare Biyul ku fare Tathapeg, rayong ni ngad guyed ea chuboeg nu dariy n’umngin i nap’an ni be pii’fan ko tin nib mo’mawmrodaed nge athap ko ayuw rodaed.

4. Mo’owar nge Tin Kireb Bachan ea Biyul rok’, fare Tabiyul ea baey ea gelngin ni nge yog nigey, ni kanoeg murnguy ni boech nigyal’,¹³ ni rayog ni nge ayuwegdaed ni ngad gel gaed ko mo’owar rodaed nge tinkireb rodaed, ma arame aywegdaed ni ngaed manged boed Ir.

Ke fil Moroni ni aray rogon: “Arragon, mired ngakʼ Kristus, ngam machalbog gaed rokʼ… nu dakean e murnguy rokʼ e ngam machalbog gaed riy rokʼ Kristus.”¹⁴ Gowa baey ea l’agruw rogon ni ngad feked ea pi gelngin nem ni nge yog nigey ni nge bi’ech nagdaed—me machalbog nag—daed

Bin somm’on, fapi gam’ing ni ma thapegey. Be yoeg fapi chep nib thothup ngodaed, “U lan fapi gam’ing, fare gelngin tirok Got ea baey.”¹⁵ Boech ngiyal’ gadaed ma lemnag ni gam’ing ea ba checklist—ba t’uf ni ngan paer u gil’ilungun Got; machane ba riyul’ ni urngin ea ma pi’ ea gelngin tirok Got ni ma ayuwegdaed ni ngad manged ni gadaed boed Kristus. Ya sasun:

Napan ni ngad tawfegad nag nge thapeged fae to’owath fare Kan ni Thothup, ngad bi’ech nagdad—gadad be manged chuchugur ni ta’abrogon ko Got.
Nge reb rogon, udakaen fare Kan ni Thothup, me yib ea tamilang ko laniyaendaed me munguy ea gum’ircha’daed ni fan ea rayog ni ngad lem gaed ngad thamtham gaed ni boed Ir ku boech.
Ma ra da m’ag gaed ko mabgol rodaed, rayog ngodaed ea mat’awon ko “gin ko lung, gil’elungun, nam, nge gelngin”¹⁶ni pin’em ea towa’ath ku Got.

Bin L’agruw rogon ea pi gelngin ney ni be yog nigey ea fapi towa’ath ni yib ko fare Kan ni Thothup. Bachane Biyul ku Kristus, rayog ni ngad thapeged fare towath ko fare Kan ni thothup nge gubin ea pi towa’ath ni baey riy. Pi towa’ath ney ea salapen tirok Got; Ere, gubin ea yay ni gadaed be thapeg ea towa’ath ni pii’ fare Kan ni Thothup, gadaed boeded Got ku boech. Riyul ni arrogon ni be yoeg fapi chep nib thothup ni i’in ea yay ni ngad gayed e pi towa’ath ney.¹⁷

Ke fil ea President George Q. Cannon: “Dariy ea pum’on ni thingari yoeg, ‘O dabiyog ni ngu thil; Ireray e rogon rog.’ Dariy ea tapgin riy, ni bachane ke micheg Got ni nge pii’ … ngodaed ea towa’ath ni nge chuweeg ea [mo’owar roadaed]. Fa’an ra dariy bee’ ni de flont, ma ba muruwel rodaed ni ngad meybil gaed ko fare towa’ath ni nge ayuwegdaed ni ngad flont gaed.”¹⁸

Chirogon, fare Biyul ku fare Tathapeg ea ma pii’ ea yafos ngodaed ko yam’, “pidorang ko ‘awat.”¹⁹ ayuw ko amiith, nge flont ko tin mo’owar. I’ir ea flay nib mangil ku tharmiy ko fapi tin nib mo’maw nge kireb nu fayleng.

Nap’an ea bin tomur ea wik u dakean ea fayleng ku fare Tathapeg, Ke yoeg, “ U dakean ea fayleng ea baey yib ngom ea tin mo’maw: machan ea am’ falflaen’ gaed; ya kug gel ko fayleng.”²⁰ Bachan fare Tathapeg ea ke ngongoliy fare Biyul, ma dariy ea gelngin ara ban’en ara bee’ - dariy ea denen ara yam’ ara deer - ni rayog ni nge tilegdaed ni dab ni puged nga lang, ni fa’an gadaed ra fol ko pi motochiyel ku Got. Baey ea llowaen’ nem, ma rayog ni ngad ‘ul’ul gaed nga m’on ni gadaed be falflaen’ ma gadaed ma nang ni baey Got rodaed u nap’an ea re milikag ney nga tharmiy.

Gube micheg ni fare Biyul ku fare Tathapeg ea gathi gathi kemus ni dariy n’umngin nap’an machane ku ba ta’ta’reb ea tab—ni gathi kemus ni rayog ni nge sulwegdaed nga p’oewchen Got machane rayog ni nge yog nag daed ni ngad pired ni gadaed boed Got—bin gaa’ ea n’en ko Biyul ku Kristus. Gube micheg riy ko magar rog nge mich rog u dakean fithingan Yesus Kristus, amen.